Durangoko Winter Serieseko finalerako bigarren txartela, Erika-Arai bikotearentzat
Erika-Arai Markina-Xemeingo bikoteak jokatuko du Durangoko Winter Serieseko finala, bigarren finalerdian Helena Barrenetxea durangarra eta Eneritz Lizardi mutrikuarra bi setetan mendean hartuta. Partida osoan izan ziren nagusi gorriak, bigarren setean batez ere.
Durangoko Ezkurdi pilotalekuan sarrera guztiak saldu ziren, beste astelehen buruzuri batean, zesta-puntaren ikuskizunaz gozatzeko. Lehen setaren hastapena parekatua izan zen. Hasieran, 1-1 eta 2-2 berdindu zuten, eta gorriek agintea hartu bazuten ere, huts egindako pilotak tarteko, ez zuten alde handiegirik eskuratu. Are gehiago, atsedenaldi laburraren aurretik izandako alderik handiena 2 tantokoa izan zen, eta alde horrekin heldu ziren lehen hutsartera (8-6).
Joko guztia atzeko koadroetara bideratu zuten gorriek behin eta berriro, eta horren lekuko garbia izan ziren lehen setaren amaieran bikote urdinak lortutako zenbakiak: Eneritzek 52 pilotakada jo zituen; Helenak, berriz, 34. Bikote urdinak bi tanto baino ez zituen lortu gorriek seta erabakita utzi zutenerako (15-8). Hori bai, Helenak txokoan utzitako pilotakada dotore batekin erdietsi zuten 8. tantoa.
Bigarren setean, ezer gutxi egin ahal izan zuten Helenak eta Eneritzek Erika eta Arai gelditzeko. Sakea zutela, 4-0 aurreratu ziren gorriak. Urdinak erantzuten saiatu ziren, bi tanto nahiko jarraian eginda (5-2), baina ez zuten erreakzio sendorik lortu, eta 8-2 heldu ziren hutsartera. Aldageletatik bueltan, lehen tantoa urdinen aldekoa izan zen, 25 pilotakada eman eta gero; alabaina, gorriek geldiezin jarraitu zuten, eta tarte zabalarekin gailendu ziren (15-4). Ondorioz, Erika-Arai bikoteak jokatuko du martxoaren 13ko finala Maite eta Maialenen aurka.
Buruz burukoan, Erkiaga finalera
Winter Serieseko banakako lauko finaleko bigarren kanporaketari dagokionez, Erkiaga nagusitu zen Lopezen aurrean. Aurrelariak lehen seta nagusitasunez bereganatu zuen. Lopez ez zen eroso sentitu kantxan, eta Erkiagarena zen jokoaren kontrola. Nahiz eta hasierako tantoetan bi aldiz parean egon (1-1, 2-2), oso bestelako emaitzarekin heldu ziren lehen hutsartera, Erkiagaren alde (2-8). Itzuleran, Lopezek hobera egin zuen arren, ezin izan zuen ekidin lehen seta bizkaitarraren esku geratzea (8-15).
Bigarren setean, ostera, nabarmen orekatu ziren indarrak. Bost berdinketa egon ziren (2-2, 3-3, 4-4, 7-7, 8-8), eta Lopezek hiru tantoko abantaila izan zuen atsedenaldira heldu orduko (7-4). Aitzitik, 7 eta 5ekoarekin, Erkiagak hiru sake jarri zituen errebotean, eta aurretik iritsi zen geldialdira (7-8).
Bigarren zatian, Lopezi atzetik egotea egokitu zitzaion berriro, Ispasterkoarengandik gehiegi aldendu gabe izan bazen ere. Hartara, zumaiarrak ezin izan zuen bigarren seta eskuratu hirugarrena behartzeko (12-15), eta Barandikak eta Erkiagak neurtuko dituzte indarrak datorren asteleheneko finalean.
Zure interesekoa izan daiteke
Erika Mugartegi: “Sinetsi ezinda gaude oraindik; ea txapelketa gehiago egiten diren eta nesken zesta gehiago ikusten den”
Erika Mugartegi eta Frida Watkinsekin bildu gara Euskotren Winter Series txapelketa irabazi berritan. Oraindik sinetsi ezinda dauden arren, oso pozik daude lortutakoarekin. Aurtengo txapelketak emakumeen zestak aurreapausoak emateko balio izatea espero dute, hori baita beraien helburu eta nahia.
?fmt=webp-alpha&qlt=80)
Arai Lejardik eta Erika Mugartegik egin zituzten finaleko tantorik onenak
Arai Lejardi atzelariaren eta Erika Mugartegiren tanto hauek izan ziren Euskotren Winter Series finaleko tantorik ikusgarrienak. Araik, bi paretaz egin zuen, Erikak, berriz, errebotean bi.
Erika-Frida bikotea, txapeldun, Helena eta Arai finalean hiru jokotan mendean hartuta
Markinarrak eta zumaiarrak iazko txapeldunei 15-8, 4-15 eta 5-2 irabazi diete. Lau Winterretik hiru jokatu ditu Erikak, eta hiru-hirurak irabazi. Fridak, ordea, txapelketako lehen garaipena du.
Erika Mugartegi: “Hirugarren jokora bigarrena galduta iritsi gara; nahiko gaizki, egia esan, baina zerotik hasi gara"
Erika Mugartegik eta Frida Watkinsek hiru jokotan (15-8, 4-15 eta 5-2) mendean hartu dituzte iazko txapeldunak, Helena Barrenetxea eta Arai Lejardi, Euskotren Winter Serieseko finalean, Durangoko Ezkurdi pilotalekuan.
Erikak bere hirugarren txapela lortu du; Fridak, aurrenekoa
Erika Mugartegik eta Frida Watkinsek hiru jokotan (15-8, 4-15 eta 5-2) mendean hartu dituzte iazko txapeldunak, Helena Barrenetxea eta Arai Lejardi, Euskotren Winter Serieseko finalean, Durangoko Ezkurdi pilotalekuan. Gainera, Erikak jokalari onenaren saria jaso du EITBren eskutik.
Helena eta Arai txapeldunak finalean izango dira berriro, Ihart-Maia bikotea bi jokotan garaitu ondoren
Lehen joko parekatuan azken txanpan aurrea hartzea eta nagusitzea lortu dute iazko txapeldunek (13-15). Bigarrenean, aldiz, Araik eskuinaz agindu du, eta aise irabazi dute jokoa (6-15).
Arai Lejardi: “Aldeaz hasi gara eta horrek konfiantza ematen dizu”
Helena Barrenetxea eta Arai Lejardi Euskotren Winter Serieseko finalean sartu dira Ihar Arakistain eta Maia Goikoetxea bi jokotan garaituta (13-15 eta 6-15). Hortaz, Helena-Arai vs Erika-Frida izango da 2026ko Euskotren Ligako finaleko norgehiagoka.
?fmt=webp-alpha&qlt=80)
Elaia-Eneritz vs Erika-Frida finalerdiko hiru tanto onenak
Elaia-Eneritz vs Erika-Frida partida jokatu zen atzo Durangon, Euskotren Winter Serieseko finalerdietako lehen partida. Erika Mugartegik eta Elaia Gogenolak egin zituzten norgehiagokako tanto onenak, gozatu!
Elaia-Eneritz vs Erika-Frida finalerdiaren azken tantoa eta irabazleen adierazpenak
Erikak eta Fridak hiru jokotan (15-6, 8-15 eta 3-5) hartu dituzte mendean Elaia eta Eneritz Euskotren Winter Series txapelketako finalerdietan. Horrenbestez, Erikak eta Fridak finalerako txartela lortu dute.
Erikak eta Fridak finalerako txartela lortu dute, Elaiari eta Eneritzi hiru jokotan irabazita
Bikote garailea 15-6, 8-15 eta 3-5 nagusitu da txapelketako finalerdietan, Durangoko Ezkurdi pilotalekuan jokatutako neurketan. Halaber, Ezkurdi Master Seriesen, Erkiagak eta Atainek lortu dute finalerako sailkatzea.