Urreisti-Gorka eta Urrutia-Basque bikoteek amaituko dute gaur Winter Serieseko finalaurrekoetako ligaxka

Eusko Label Winter Serieseko finalaurrekoetako ligaxka amaituko da astelehen honetan, Urreisti-Gorka eta Urrutia-Basque bikoteek Gernika-Lumoko Jai Alai frontoian jokatuko duten partidarekin. Norgehiagoka ETB1en eta eitb.eus-en izango da ikusgai, 22:15etik aurrera.

Urrutia eta Basque bikote morea finalerako sailkatzetik gertu ibili zen, Laducheren eta Manciren kontrako partidako berdinketa azken tantoan galdu zutelako. Urreisti eta Gorka, bestetik, bikain aritu ziren aurreko fasean, baina finalaurrekoetako ligaxkako emaitzak ez ziren espero zituztenak izan. 

Gaurko hitzorduari presiorik gabe egingo diote aurre, baina garaipenaren bila kantxaratuko dira, txapelketa ondo bukatzeko.