Eusko Label Winter Serieseko finala, gaur, zuzenean, eitb.eus-en eta ETB1en
2023-2024ko Eusko Label Winter Serieseko finala gaur, otsailaren 18an, igandea, jokatuko da, Gernika-Lumoko Jai Alai pilotalekuan. Goikoetxea-Lekerika eta Erkiaga-Ibarluzea bikoteek izango dute txapela jokoan, eta final handia zuzenean eskainiko dute eitb.eus-ek eta ETB1ek.
Iñaki Osa Goikoetxearen azken partida izango da profesional mailan. Zumaiarrak 43 urte dituela esango dio agur zesta-puntari, eta txapela lortuta eman nahi dio amaiera kirol-ibilbide oparoari. Txapela lortzeko, Lekerikaren laguntza izango du, baina Erkiagak eta Ibarluzeak ere helburu bera dute, eta ez dute erraztasunik emango.
Goikoetxea-Lekerika bikoteak A multzoan ekin zion Eusko Label Winter Series txapelketari Olharan-Del Rio, Goitia-Basque eta Erik-Minvielle bikoteekin batera. Multzoen fasean, hiru partida jokatu eta hirurak irabazi zituzten Goikok eta Lekek; ondorioz, finalerdirako txartela eskuratu zuten.
Urtarrilaren 29an jokatu zen txapelketako lehen finalerdia, eta Goikoetxeak eta Lekerikak finalera sailkatzea lortu zuten, Johan-Lopez B multzoko bigarren sailkatuak mendean hartuta, 15-8, 9-15 eta 5-4ko emaitzarekin.
Bestalde, Erkiaga eta Ibarluzea B multzoan lehiatu ziren. Horiek ere, hiru partida jokatu eta hirurak irabazi zituzten multzoen fasean, eta finalerdietarako txartel zuzena lortu zuten horrela. Finalerdian, Erkiaga-Ibarluzea bikotea nagusi izan zen Olharanen eta Del Rioren kontra (15-8 eta 15-13).
Beraz, txapelketako bi bikote onenak ikusi ahalko ditugu lehian final handian. Sarrerak agortuta daude, baina EITB Mediak jarraipen berezia egingo du. Finalaren inguruko xehetasun guztien berri emango du eitb.eus-en, sare sozialetan eta ETB1en, baita Euskadi Irratian zein Radio Euskadin ere.
Goikoetxearen eta Lekerikaren finalera arteko partida guztiak:
Multzoen fasea:
Goikoetxea-Lekerika vs Erik-Minvielle (15-8 eta 15-9)
Goikoetxea-Lekerika vs Cosme (Olharanen ordezkoa)-Del Rio (15-9 eta 15-5)
Goikoetxea-Lekerika vs Goitia-Basque (15-14 eta 15-5)
Finalerdia:
Goikoetxea-Lekerika vs Johan-Lopez (15-8, 9-15 eta 5-4)
Erkiagaren eta Ibarluzearen finalera arteko partida guztiak:
Multzoen fasea:
Erkiaga-Ibarluzea vs Johan-Lopez (15-6, 14-15 eta 5-3)
Erkiaga-Ibarluzea vs Arbe-Manci (15-6 eta 15-5)
Erkiaga-Ibarluzea vs Laduche-Gorka (15-14, 9-15 eta 5-3)
Finalerdia:
Zure interesekoa izan daiteke
Eusko Label Winter Series finaleko jokaldi onenak
Johan Sorozabalen eta Thibault Basqueren garaipenarekin eman zion amaiera Eusko Lanbel Winter Series 2025-2026 txapelketak, otsailaren 15ean, Gernikan. Alex Goitia eta Unai Lekerika garaitu zituzten iparraldekoek final estu baten ondoren.
Giro bikaina Eusko Label Winter Series txapelketako finalean
Zale mordoa bildu da Gernikako Jai Alai pilotalekuan Eusko Label Winter Series txapelketako finalaz gozatzeko.
Johani eta Basqueri Winter Serieseko txapelak eman dizkien azken tantoa
Johanek eta Basquek irabazi dute 2025-2026ko Winter Series txapelketa. Final lehiatua izan da, eta Goitiaren azken tantoko akatsak Iparraldekoei eman dizkie txapelak.
Basque: "Mundu guztiak nahi du irabazi Winter Seriesa, eta oso harro nago"
Johan eta Basque oso pozik agertu dira garaipena eskuratu ostean, eta euren gertukoei eskaini dizkiete txapelak, Barandikari aipamen berezia eginez.
Johan eta Basque, 2025-2026ko Eusko Label Winter Serieseko txapeldunak
Igandean jokatutako finalean, Johan Sorozabalek eta Thibault Basquek Alex Goitia eta Unai Lekerika menderatu dituzte, hiru jokotan: 15-10, 14-15 eta 5-1. Garaipena eskuratu duten puntistek aurreneko aldiz jantzi dute Winter Serieseko txapela.
Zuzenean, 2025-2026ko Winter Series txapelketaren finala: Johan-Basque vs Goitia-Lekerika
Ikusi zuzenean 2025-2026 edizioko Eusko Label Winter Series txapelketaren finala, igande honetan, otsailaren 15ean, 11:30etik aurrera, Gernikako Jai Alaitik.
Barandika: "Final potentea ikusiko dugu"
Xabier Barandikak Winter Serieseko final handirako txartela lortu zuen, baina, finalerdietan min hartuta, ezingo du partidarik garrantzitsuena lehiatu. Nola ikusten du gernikarrak finala?
Alex Goitia: “Txapela lortzeko borrokatu behar dugu, eta etxera txapelarekin joan behar dugu”
Alex Goitiak eta Unai Lekerikabeaskoak Eusko Label Winter Series 2025-2026 txapelketako finala jokatuko dute igandean, otsailaren 15ean, Thibault Basqueren eta Johan Sorozabalen aurka. Partidaren atarian, Goitia eta Lekerekin egon gara eta bertan egotea “egindako lanaren fruitu” dela azaldu digute. Biak ala biak txapela etxera eramateko gogoz daude.
Imanol Lopezek Gernikako Jai Alai frontoian egindako azken tantoak
Imanolek agur esan zion Jai Alai frontoiari, Gernikan bildu ziren zale eta jarraitzaileek omenaldi beroa egin zioten, eta atzelari zumaiarrak horren neurrian jardun zuen. Garaipenik ez, baina horrelako tanto ikusgarriak oparitu zizkigun.
Gernikako Jai Alai pilotalekuak agur esan dio Imanol Lopez atzelari handiari
Zumaiako atzelariak esan duenez, "uste baino lasaiago" egon da. Hala ere, "eguna arraro samarra" izan dela onartu du. "Oso eskertuta nago, Gernikan hasi nintzen, eta hemen bukatu dut, oso polita da", azpimarratu du. "Pozik nihoa", erantsi du.