AEBk, Mexikok eta Frantziak lortu dituzte Nazioen Ligako lehen puntuak
Ameriketako Estatu Batuek eta Mexikok eman zioten hasiera lehiaketari. Matthew Douglas Langhans eta Benjamin Maxwell Langhans, batetik, eta Marco Antonio Ochoa Lopez eta Mauricio Zapata Dagradi, bestetik. Mexikarrek ez zuten nahi bezala erantzun, eta estatubatuarrak 9-3 aurreratu ziren, batez ere aurkarien hutsei esker.
Ochoa aurrelariak jokoaren dinamika aldatu zuen jokoan sartzen zen bakoitzean. Hain zuzen ere, Langhans anaiak erregularragoak izan ziren partida guztian zehar. Hori bai, mexikarrek kalitate handiko jokaldiak egin zituzten, batez ere Ochoa aurrelariak errematean zein esku bakarraz pilotak sartuz. 2-2koa eta 12-9koa izan ziren luze eta politenak.
Azkenean, 15-9 egin zuten, eta estatubatuarrentzat izan zen lehen puntua (2-0).
Zale mexikarren animoek, baina, ez zuten etenik izan, emakumezkoak Frantziaren aurka aritu zirelako. Lehen partidan ez bezala, agintea izan zuten markagailuan. Oihana Sorozabal eta Romane Mercadie lehen tantoan bakarrik jarri ziren aurretik. Hortik aurrera, Tania Mayorga eta Maria Fernanda Ballesteros izan ziren nagusi.
Lehen jokoan bezala, hasiera parekatua izan zen, baina Mexiko aurretik izan zen, Frantziak 8-8koa jarri arte. Sorozabalek aurrean erantzukizuna hartu zuen, eta 8-1eko partziala egin zuen partida hirugarren jokora bidaltzeko: 15-9. Hirugarren setean (Nazioen Ligako lehena), Frantzia 6-3 aurreratu zen, baina Mexiko markagailua iraultzeko gai izan zen, 7-10 gailenduta.
Nazioen Ligako lehen jardunaldia ixteko, Frantzia eta Filipinak aurrez aurre izan ziren gizonezkoen A multzoan: Ludovic Laduche eta Jerome Portet, batetik, eta Robin Galgana Flores eta Daniel Eric Vega, bestetik.
Frantzia oso nagusi izan zen hasieratik. Filipinetako bikoteak Jai Alaiko harmailetatik animoak falta izan ez bazituen ere, lehen jokoan ez zuen lortu tantorik egitea. Laduchek aurreko koadroetatik dominatu zuen, eta pilota atzeratuz jaun eta jabe izan ziren: 15-0. Bigarrenean aukeraren bat gehiago izan bazuten ere, ez zuten zorterik izan tantoa amaitzeko orduan. Puntistak tokiz ere aldatu ziren, baina 15-3 egin zuten bigarren jokoan. Hori bai, Filipinetako bikotearen hiru tantoak eguneko tantorik txalotuenak izan ziren.
Asteleheneko partidak:
18:30ean, Espainia-Mexiko (emakumezkoak)
20:30ean, inaugurazio ekitaldia
21:15ean, Euskal Selekzioa-Frantzia (emakumezkoak)
22:15ean, Euskal Selekzioa-Frantzia (gizonezkoak)
Zure interesekoa izan daiteke
Garcia-Oyhenard bikoteak Donibane Lohizuneko finalerako txartela lortu du
Donibane Lohizune Summer Leagueko finala zehaztuta dago jada. Garcia-Oyhenardek Barandika-Basqueren aurka jokatuko dute.
Lekeitioko Master Seriesa, abuztuaren 22an eta 28an, Santi Brouarden
Santi Brouard pilotalekua prest dago Lekeitioko Masters Seriesa hartzeko. Erkiaga-Lekerika, Goitia-Atain, Laduche-Manci eta Goixerri-Salegi lehiatuko dira bertan. Finalerdiak abuztuaren 22an jokatuko dituzte. Final handia, berriz, hilaren 28an.
Iñigo Unda: “Oraindik hobetzeko asko daukat; ahal zara izan onena edo ez, baina bakarra”
24 urte besterik ez eta Gernika Grand Slameko finalera iritsi da Iñigo Unda Aritz Erkiagarekin batera. “Oraindik hobetzeko asko” daukala adierazi du, eta irabazi ez duen arren bizitakoarekin pozik da gernikarra.
Barandikak eta Mancik jantzi dituzte Gernika Grand Slameko txapelak
Azken tantora berdinduta iritsi den finala, hirugarren seta, 4-4 eta Barandikak eta Mancik behin betiko tantoa eskuratu dute, txapela eskuratzeko. Lehen seta 15-10 irabazi dute, Erkiagak eta Undak 9-15 erantzun dute bigarrenean, eta hirugarrena azken tantoan erabaki da.
Barandika eta Oyhenard irabazle Donibane Lohizuneko 4ko masterrean
Barandika eta Oyhenard nagusitu dira Donibane Lohizuneko Master 4ko finalean, baina hirugarren jokoa behar izan dute Erkiaga eta Basque mendean hartzeko. Lehenbizikoan, Ispasterkoa eta Bidartekoa izan dira nagusi, 15-13. Bigarrena, baina, gernikarrak eta Donibane Lohizunekoak eskuratu dute, 13-15. Kitarakoan, berriz, Barandika eta Oyhenard jaun eta jabe izan dira: 1-5. Gernikako aurrelaria bolada onean dago, jokatu dituen azken 12 partidetatik 11 poltsikoratu baititu.
Barandikak eta Oyhenardek Donibane Lohizuneko Master 4 txapelketaren finalerako txartela lortu dute
Jean Olharan eta Gorka Sorozabal bi jokotan mendean hartu zituzten. Lehenengoa estu joan zen (15-14). Bigarrenean, tarte handiagoarekin, 15-9 gailendu ziren Barandika eta Oyhenard. Ostegun honetan jokatuko dute finala. Erkiaga eta Basquerekin neurtuko dituzte indarrak.
Clement Garciak eta Jerome Portetek Master 3 txapelketa irabazi dute, Donibane Lohizunen
Asteartean jokatutako finalean, Ludovic Laduche eta Theo Laborde menderatu dituzte, bi jokotan, 15-10 eta 15-11.
Barandika eta Manci, Gernikako Grand Slameko lehen finalistak
Barandika eta Manci dira Gernikako Grand Slameko lehen finalistak, Goitia eta Basque garaituta (14-15, 15-12 eta 5-1). Bigarren finalerdia hurrengo larunbatean jokatuko da, abuztuaren 8an, eta finala, berriz, San Roke egunean, abuztuaren 16an.
?fmt=webp-alpha&qlt=80)
Urreistik zuntz haustura du eskuin besoan eta bizpahiru aste emango ditu pilotalekuetatik at
Mutrikuko puntistak min hartu zuen iragan larunbatean Gernikako Grand Slameko lehen jardunaldian, eta abuztuaren hasieran berriz kantxaratzea espero da.
Erkiaga eta Atain gailendu dira Markinako Grand Slamaren finalean
Txapeldunek finalerako txartela ezusten lortu zuten Txanika eta Salegi garaitzeko lana erruz egin behar izan dute. Bi joko estuetan lortu dute garaipena (15-12 eta -15-14).