Arakistain eta Lizardi, Elite Txapelketako irabazleak
Ihart Arakistainek eta Eneritz Lizardik irabazi dute 2023ko zesta-puntako Euskal Herriko Elite Txapelketa, finalean Erika Mugartegi eta Arai Lejardi mendean hartuta 0-2ko emaitzarekin.
Finaleko lehen jokoan, Arakistain-Lizardi bikotea nagusitu da, 9-15. Bigarren jokoa, ordea, parekatuagoa izan da. Mugartegik eta Lejardik gehiago estutu dituzte aurkariak, baina Arakistainek eta Lizardik bereganatu dute garaipena, 13-15eko emaitzarekin. Ondorioz, Arakistain eta Lizardi dira txapeldunak.
Horrez gain, hirugarren posturako partida ere jokatu da. Ortiz de Mendivil-Aldazabal bikoteak amaitu du txapelketa hirugarren, Barrenetxea eta Watkins garaituta (0-2). Lehen jokoa 15-6 irabazi dute Ortiz de Mendivilek eta Aldazabalek, eta 15-14ko emaitzarekin gailendu dira bigarrenean.
Zure interesekoa izan daiteke
Hondarribiko Grand Slama aurkeztu dute
Bihartik aurrera eta 9 ostiraletan zehar zesta puntako Grand Slamaz gozatu ahal izango da Hondarribiko Jostaldi Pilotalekuan. Hogeigarren edizioa berezia izango da. Gizonezkoetan 6 bikotek parte hartuko dute eta emakumezkoetan 4 bikotek. Finalak, abuztuaren 28an.
Elaia-Arai eta Erkiaga-Atain bikoteak Markinako Grand Slameko finalera sailkatu dira
Markinako Grand Slameko finalerdietan, Erkiagak eta Atainek kitarakoan hartu dituzte mendean Goitia eta Basque. 15-12, 14-15 eta 5-3 nagusitu dira. Finala, Urreisti-Gorka edo Txanika-Salegi bikotearen aurka jokatuko dute. Emakumezkoetan, berriz, Elaiak eta Araik, Erika eta Frida menderatu dituzte bi setetan. 15-11 eta 15-12 nagusitu dira. Lur-Alize edo Helena-Maia bikotea izango dute aurkari finalean.
Goitia-Basque eta Txanika-Salegi, finalerdietara
Grand Slam-Jai Alai Leagueko hirugarren jardunaldian, Txanikak eta Salegik bi set behar izan dituzte Urreisti eta Gorka mendean hartzeko (8-15 eta 14-15). Goitia eta Basque ere bi setetan nagusitu zaizkie Javierri eta Zabalari (15-9 eta 15-9). Bigarren eta azken setean, markagailuan 2-1ekoa zegoela, Goitiak min hartu du ezker orkatilan, eta ordutik Basquek hartu du bikotearen jokoaren ardura. Hala ere, mina gorabehera, Goitiak tanto ikusgarri batekin itxi du partida, bigarren seta irabazita garaipena eskuratuz.
Goixerrik eta Lekerikak jantzi dute txapela Mungian, final zirraragarrian Erkiaga eta Gorka garaituta
Goixerrik Jai Alai Leaguen irabazten duen aurreneko txapela da. Lehen jokoan markagailuan agindu dute irabazleek, baina azken txanpan asko estutu dituzte Erkiagak eta Gorkak (13-15). Bigarren jokoan, galtzaileak izan dira aurretik, baina azkenean azken tantoak erabaki du (14-15).
Maite eta Maia, Mungia Master Serieseko txapeldunak, finalean Elaia eta Oaia bi jokotan jipoituta
Maite Ortiz de Mendibil arabarra eta Maia Goikoetxea bizkaitarra aise nagusitu dira bi jokotan (5-15 eta 5-15), eta txapela bereganatu dute. Elaia Gojenola aurrelari berriatuarrak eta Oaia Otaño atzelari mutrikuarrak ez dute inolako aukerarik izan.
EITBk zesta-puntarekin duen konpromisoa indartu du
Akordio historikoa sinatu eta aurkeztu da, ostegunean, EITBk Bilbon duen egoitzan. Andoni Aldekoa EITBren zuzendari nagusia, Ipar Euskal Herriko eta Hego Euskal Herriko txapelketa nagusietako antolatzaileak eta puntistak izan dira bertan. Gainera, gizonezkoetan, Challenger izeneko zirkuitua hasiko da, larunbatean.
Berritasunekin datorren Summer League zirkuitua aurkeztu dute Donibane Lohizunen
Udako denboraldia uztailaren 2an hasiko da Donibane Lohizuneko (Lapurdi) pilotalekuan, eta irailaren 4an amaituko da, Pauen. Biarritzek ere hartuko du txapelketaren zati bat. Lau pilotari onenek beste txapelketa bat jokatuko dute AEBn, oraindik zehazteke dagoen formatoarekin.
Bixente-Oyhenard eta Erika-Laura, Donostiako Grand Slameko txapeldunak
Bixente eta Oyhenard nagusitu dira Donostiako Grand Slamean, Carmelo Balda frontoian. Lehen seta 4-15 irabazi ostean, bigarrena amaitzear zenean (13-13) Argoitiak min hartu du belaunean, eta Txanikaren atzelariak ezin izan du finala bukatu. Emakumezkoen finalean, Erikak eta Laurak bi setetan hartu dituzte mendean Lur eta Alize: 7-15 eta 4-15.
Argoitiak belauna bihurritu du eta ezin izan du jokatzen jarraitu
Donostiako Grand Slameko finalean, bigarren setean 13-13 berdinduta zeudela, Ortzi Aldazabal 'Argoitia'k estropezu egin eta belauna bihurritu du. Atzelariak ezin izan du jokatzen jarraitu, eta Bixente-Oyhenard bikoteari eman diote garaipena.
Barandikak galdu egin du berragerpenean, Mungiako Master Series txapelketan, lesio luzea atzean utzita
Ukondoan izandako lesio larriaren ondorioz ia 5 hilabete kantxetatik kanpo eman ostean, Gernikako aurrelariak berriro jokatu du ostiral arratsaldean. Berragerpena Mungian egin du, Zabalarekin batera, Goixerri eta Lekerikaren aurka, eta bi jokotan galdu dute: 9-15 eta 14-15.