Aldai-Mendizabal Binakakoan eta Arrillaga Lau t'erdikoan, "Plazandreak" saioko txapeldunak
Amaia Aldaik eta Nora Mendizabalek irabazi dute "Plazandreak" saioko hirugarren edizioko Binakako Txapelketako finala. Miriam Arrillagak ere beste horrenbeste egin du, Lau T'erdiko finalean.
Binakako finalak eman dio hasiera jaialdiari. Bertan Aldai-Mendizabal eta Zabaleta-Gaminde bikoteak izan dira nor baino nor gehiago. Aurretik, bigarren jardunaldian neurtu zituzten indarrak, eta orduan gaur urdinez aritu diren Zabaleta eta Gaminde gailendu ziren.
Lau pilotariak deseroso izan dira Bilboko Esperantza pilotalekuan, urduri, eta partidan sartzeko arazoekin. Ondorioz, huts ugari egin dituzte. Aldai eta Mendizabal 5-1 aurreratu dira, baina Zabaleta eta Gaminde gazteek seina egitea lortu dute jarraian.
Beste takada bati esker, gorriek aurrea hartu dute berriro eta norgehiagoka ondo bideratuta zutela eman du, baina hutsak bata bestearen atzetik egin dituzte, aurkariei gauzak asko erraztuz. Hala ere, Enara Gaminde, egungo atzelaririk onena, neurketatik kanpo egon da denbora osoan eta asko sufritu du eskuetan dituen arazoen ondorioz.
Azken tantoetan oreka izan da nagusi. 19na, 20na eta 21na egin dute, eta garaipena, azkenean, Amaia Aldai eta Nora Mendizabalentzat izan da. Dimoztarra eta andoaindarra dira "Plazandreak" saioko hirugarren ekitaldiko Binakako txapeldunak.
Arrillaga txapeldun, Lau T'erdikoan
Lau T'erdiko finalari dagoikionez, Miriam Arrillaga eta Miren Larrarte izan dira aurrez aurre. Aurtengo ekitaldia jokatu duten lau pilotarien artean atzelari bakarra da Arrillaga eta berak jantzi du txapela, finalean 18 eta 13 gailenduta.
Partida gogorra izan da, eta Aginagako pilotaria aurretik izan da beti markagailuan. Hala ere, Larrartek ez du inoiz amore ematen eta gaurkoan ere bukaera arte saiatu da egoerari buelta ematen. 12 eta 5etik 13 eta 10era hurbildu da Bidaniako aurrelaria, baina azkenean ez du bere asmoa gauzatu. Bukaeran, 18 eta 13, Miriam Arrillagarentzat txapela.
Zure interesekoa izan daiteke
Enara Gamindek etxean du falta zitzaion txapela: ‘Plazandreak' txapelketako Lau t´erdikoa
Gaminderen txapel mordoaren artean, azkena ere ikus dezakegu: ‘Plazandreak' txapelketako Lau t´erdikoa. Laukizko pilotaria Itsaso Erasun baino gehiago izan zen hasi eta buka. Hala ere, hobetzen jarraitu nahi du eta etorkizunerako helburua argi dauka.
Enara Gamindek irabazi du ‘Plazandreak' saioko txapela, Itxaso Erasun finalean aise gaindituta (18-6)
Atzelari laukiztarrak pilota ezin hobeto mugitu du, eta sakez ere min handia egin dio aurkariari. Atzelari zizurkildarra ezinean ibili da partida osoan zehar.
Aldaik eta Arrillagak ‘Plazandreak' saioko txapela irabazi dute, Salsamendi eta Bergara mendean hartuta (22-11)
Finala borrokatua izan da, baina Dimako aurrelaria eta Usurbilgo atzelaria nagusi izan dira, hasieratik markagailuan zuloa eginda.
Aldai-Arrillaga bikotea eta Gaminde, ‘Plazandreak' saioko txapeldunak
Amaia Aldaik eta Miriam Arrillagak 22-11 hartu dituzte mendean Laia Salsamendi eta Arrate Bergara, binakako finalean. Lau T’erdiko finalean, Enara Gaminde laukiztarra goitik behera nagusitu zaio Itxaso Erasun zizurkildarrari (18-6).
Laia Salsamendik Olatz Arrizabalagaren hutsunea beteko du ‘Plazandreak' saioren binakako finalean
Olatz Arrizabalaga Txilen egongo da Euskal Selekzioarekin, eta ezin izango du binakako finala jokatu. Beraz, Salsamendi-Bergara eta Aldai-Arrillaga bikoteak izango dira txapela lortzeko lehian. Lau t'erdian, ordea, ez dago aldaketarik, eta Enara Gamindek eta Itxaso Erasunek neurtuko dituzte elkarren indarrak. ETB2 ONek eta kirolakeitb.eus-ek finalak emango dituzte, zuzenean, datorren astelehenean.
Arrizabalaga-Bergara bikoteak eta Erasunek finalerako azken txartelak eskuratu dituzte
Salsamendik eta Capellanek mendean hartu dituzte Arrizabalaga eta Bergara (19-22) Plazandreak saioko laugarren jardunaldian, baina bigarrenak sailkatu dira finalerako. Ondoren, Lau t’erdiko partidan, Erasunek Ibarrolari 14-18 irabazi dio, eta bere bigarren finala jarraian jokatuko du.
Itxaso Erasun: “Beldurtuta eta oso deseroso jokatu dut"
Itxaso Erasun pilotari zizurkildarrak 18-14 irabazi dio Aizane Ibarrola nafarrari Plazandreak saioko laugarren jardunaldian, eta egungo txapeldunak bigarren finala erreskadan jokatuko du lau t'erdikoan.
Andrea Capellan: “Zapore gozoarekin baino gaziarekin goaz"
Santo Domingo de la Calzadako pilotaria ez da finalerako sailkatu: "Irabaztearekin soilik ez zen nahikoa". "Oso ondo hasi gara, hutsik egin gabe, ideiak oso argi genituela; baina Olatzek sakea hartu du eta atzean lotuta izan nau, sakeekin min handia egin dit", aitortu du atzelari errioxarrak.
Gaminde: “Ez da nire partidarik onena izan, ez naiz gustura ibili”
Enara Gamindek "Plazandreak" txapelketako 4 t’erdiko finala jokatuko du Aizane Ibarrola 18-17 mendean hartu ondoren. Laukizko pilotaria ez da egindako partidarekin gustura geratu, “partidutik atera” baita. Hala ere, bertatik ikasiko duela adierazi du, baita garaipenarekin pozik dagoela ere.
Aldai-Arrillaga bikoteak eta Gamindek lortu dituzte Plazandreak saioaren finalerako lehen txartelak
Amaia Aldaik eta Miriam Arrillagak Goiuri Zabaleta eta Nora Mendizabal 22-18 hartu dituzten mendean, partida oso gogor, luze eta borrokatuan. Era berean, lau t'erdikoan, Enara Gaminde 18-17 nagusitu zaio Aizane Ibarrolari.