Arrizabalagak eta Capellanek garaipena eskuratu dute, 22-11, eta "Plazandreak" saioko finalean egon litezke
Olatz Arrizabalagak eta Andrea Capellanek Leire Garairen ordez aritu den Miriam Arraiza eta Leire Galeano menderatu dituzte, 22-11, Bilboko, Esperantza pilotalekuan, "Plazandreak" saioko hirugarren jardunaldian, eta, halaber, lau t'erdikoan, Miren Larrartek Madalen Etxegarai hartu du mendean, 18-14. Hortaz, Arrizabalagak eta Capellanek abuztuaren 5erako aurreikusita dagoen final handia jokatzeko aukerari eutsi diote, eta Larrartek, bere aldetik, final handi horretarako tokia bermatu du.
Testuinguru horretan, binakako partidan, Arrizabalagak eta Capellanek txapelketan aurreneko puntua erdietsi dute, Arraiza eta Galeano aurkari; horrenbestez, aukera dute abuztuaren 5eko finala jokatzeko, baina hori datorren asteleheneko jardunaldiko emaitzak berretsi beharko du. Gernika-Lumoko aurrelariak eta Santo Domingo de la Calzadako atzelariak hasieratik izan dute markagailua kontrolpean, alde nabarmenak zehaztuta; norgehiagokaren bigarren zatian, ordea, urdinak suspertu egin dira, eta aurreneko tantoetan baino hobeto moldatu dira. Bikote gorriaren garaipena, nolanahi ere, ez da zalantzan izan, eta argia izan da; azken emaitzak, 22-11koak, ondo baino hobeto islatzen du hori.
Lau t'erdikoan, Larrartek abuztuaren 5eko final handirako txartela erdietsi du, Etxegarai 18-14 mendean hartuta. Norgehiagokak bi zati oso desberdin izan ditu: hasieran, oñatiarra gehiago izan da, eta aurretik jarri da; tantoek aurrera egin ahala, baina, bidaniarrak erritmoa hartu eta jokoan hobera egin du. Larrartek markagailua berdindu du, lehenik, eta, partidako zati erabakigarrian, aurkaria gainditu du. Larrartek gero eta konfiantza handiagoa erakutsi du kantxan, Etxegaraik ez bezala. Esperantzako pilotalekuko markagailuan izandako emaitzarekin, Larrarte finalean da, dagoeneko, eta Etxegaraik, ordea, ezingo du txapela jokoan jarriko duen neurketa jokatu.
Zure interesekoa izan daiteke
Enara Gamindek etxean du falta zitzaion txapela: ‘Plazandreak' txapelketako Lau t´erdikoa
Gaminderen txapel mordoaren artean, azkena ere ikus dezakegu: ‘Plazandreak' txapelketako Lau t´erdikoa. Laukizko pilotaria Itsaso Erasun baino gehiago izan zen hasi eta buka. Hala ere, hobetzen jarraitu nahi du eta etorkizunerako helburua argi dauka.
Enara Gamindek irabazi du ‘Plazandreak' saioko txapela, Itxaso Erasun finalean aise gaindituta (18-6)
Atzelari laukiztarrak pilota ezin hobeto mugitu du, eta sakez ere min handia egin dio aurkariari. Atzelari zizurkildarra ezinean ibili da partida osoan zehar.
Aldaik eta Arrillagak ‘Plazandreak' saioko txapela irabazi dute, Salsamendi eta Bergara mendean hartuta (22-11)
Finala borrokatua izan da, baina Dimako aurrelaria eta Usurbilgo atzelaria nagusi izan dira, hasieratik markagailuan zuloa eginda.
Aldai-Arrillaga bikotea eta Gaminde, ‘Plazandreak' saioko txapeldunak
Amaia Aldaik eta Miriam Arrillagak 22-11 hartu dituzte mendean Laia Salsamendi eta Arrate Bergara, binakako finalean. Lau T’erdiko finalean, Enara Gaminde laukiztarra goitik behera nagusitu zaio Itxaso Erasun zizurkildarrari (18-6).
Laia Salsamendik Olatz Arrizabalagaren hutsunea beteko du ‘Plazandreak' saioren binakako finalean
Olatz Arrizabalaga Txilen egongo da Euskal Selekzioarekin, eta ezin izango du binakako finala jokatu. Beraz, Salsamendi-Bergara eta Aldai-Arrillaga bikoteak izango dira txapela lortzeko lehian. Lau t'erdian, ordea, ez dago aldaketarik, eta Enara Gamindek eta Itxaso Erasunek neurtuko dituzte elkarren indarrak. ETB2 ONek eta kirolakeitb.eus-ek finalak emango dituzte, zuzenean, datorren astelehenean.
Arrizabalaga-Bergara bikoteak eta Erasunek finalerako azken txartelak eskuratu dituzte
Salsamendik eta Capellanek mendean hartu dituzte Arrizabalaga eta Bergara (19-22) Plazandreak saioko laugarren jardunaldian, baina bigarrenak sailkatu dira finalerako. Ondoren, Lau t’erdiko partidan, Erasunek Ibarrolari 14-18 irabazi dio, eta bere bigarren finala jarraian jokatuko du.
Itxaso Erasun: “Beldurtuta eta oso deseroso jokatu dut"
Itxaso Erasun pilotari zizurkildarrak 18-14 irabazi dio Aizane Ibarrola nafarrari Plazandreak saioko laugarren jardunaldian, eta egungo txapeldunak bigarren finala erreskadan jokatuko du lau t'erdikoan.
Andrea Capellan: “Zapore gozoarekin baino gaziarekin goaz"
Santo Domingo de la Calzadako pilotaria ez da finalerako sailkatu: "Irabaztearekin soilik ez zen nahikoa". "Oso ondo hasi gara, hutsik egin gabe, ideiak oso argi genituela; baina Olatzek sakea hartu du eta atzean lotuta izan nau, sakeekin min handia egin dit", aitortu du atzelari errioxarrak.
Gaminde: “Ez da nire partidarik onena izan, ez naiz gustura ibili”
Enara Gamindek "Plazandreak" txapelketako 4 t’erdiko finala jokatuko du Aizane Ibarrola 18-17 mendean hartu ondoren. Laukizko pilotaria ez da egindako partidarekin gustura geratu, “partidutik atera” baita. Hala ere, bertatik ikasiko duela adierazi du, baita garaipenarekin pozik dagoela ere.
Aldai-Arrillaga bikoteak eta Gamindek lortu dituzte Plazandreak saioaren finalerako lehen txartelak
Amaia Aldaik eta Miriam Arrillagak Goiuri Zabaleta eta Nora Mendizabal 22-18 hartu dituzten mendean, partida oso gogor, luze eta borrokatuan. Era berean, lau t'erdikoan, Enara Gaminde 18-17 nagusitu zaio Aizane Ibarrolari.