Esku-pilota

Igande arratsaldean, Legazpin, Jakaren aurka jokatutako partidaren ondoren, eta Buruz Buruko Txapelketatik kanpo geratu ostean, Jokin Altunak adierazi du Unai Laso ikusten duela aurten txapeldun.

Joseba Ezkurdiak ikuskizun ederra eman du Legazpiko Urbeltz frontoian, Arkaitz Gabirondorekin batera Jon Ander Peña eta Ander Imazen aurka jokatu duen partidan. Arbizuko pilotariak atzetik bueltan eskuinez eraman du gainera etorri zaion pilota, eta tantoari bukaera ezin hobea eman dio gero.

Alize Sagardui goizuetarrak eta Enara Gaminde laukiztarrak irabazi dute Nafarroako Irekia, Ainhoa Ruiz de Infante otxandiarra eta Itxaso Erasun zizurkildarra 22-20 menderatuta.

Unai Lasok garaipen garrantzitsua eskuratu du larunbat honetan Donostiako Atano III.a pilotalekuan, Dario Gomez menderatuta (14-22). Horri esker, Lasok finalaurrekoetarako txartela eskuratu du, eta, ondorioz, Jokin Altuna txapelketatik kanpo geratu da. Dario, bestalde, finalaurrekoetarako sailkatzeaz gain, multzoko lehen postuan mantendu da.

Julen Egigurenek 16 tanto egitea nahikoa zuen B Serieko buruz buruko finalaurrekoan egoteko, baina Unai Alberdik ez dio inolako aukerarik eman, 10-22 irabazi dio, eta, horrenbestez, bera sailkatu da finalerditerako.  

Alize Sagardui eta Enara Gaminde, binakako txapelketaren egungo txapeldunak, faboritoak dira igandeko neurketari begira. Lehiaketako norgehiagoka guztiak irabazita iritsi dira finalera goizuetarra eta laukiztarra, tartean, finalerdia. Finala, zuzenean, jarraitu ahal izango da igande honetan, 12:00etatik aurrera, ETB1en eta kirolakeitb.eus-en.

Azken jardunaldia gelditzen denean, Javi Zabala da lehenengo postuan, baina multzoko lau pilotariek, alegia, Zabalak, Iker Larrazabalek, Iñaki Artolak eta Jon Ander Peñak, finalerdietarako sailkatzea eskuratzeko aukera dute. 

Bilboko Deportivon jokatutako partidan, Javier Zabalak lan handia egin behar izan du Iker Larrazabal mendean hartzeko (22-17). Garaipen horri esker, errioxarra Buruz Buruko finalerdietako ligaxkako B multzoko lider jarri da, bi garaipenekin. 

Azken jardunaldian, beraz, Zabalak Artolaren aurka jokatuko du; Larrazabalek, berriz, Peña II.aren aurka ariko da.

Sagardui eta Gamindek Salsamendi eta Mendiburu 22 eta 13 irabazita lortu dute txartela, eta, Ruiz de Infante eta Erasun, Zabaleta eta Arrillagari 22 eta 19 irabazi ostean sailkatu dira. Finala igandean jokatuko dute.

Iñaki Artola larri ibili bada ere, partida irauli eta Jon Ander Peña garaitu du Buruz Buruko final-laurdenetako ligaxkako bigarren jardunaldian (22-19). Garaipen horri esker, Artolak azken jardunaldian jokatuko du Zabalaren aurka; Peñak, berriz, oso zaila du aurrera egitea.

Igande honetan, apirilaren 26an, jokatuko da finala Baionako Moderno trinketean. Espinal nafarra eta Ducassou lapurtarra faborito dira Ziarrusta eta Ugarte bizkaitarren aurrean. Finala zuzenean jarraitu ahal izango da ETB1en, ETB2 ONen eta eitbkirolak.eus-en.

Unai Lasok erraz garaitu du Erik Jaka Ogetan jokatutako Buruz Buruko final-laurdenetako ligaxkako bigarren jardunaldian (8-22). Garaipen horri esker, bi aste barru Darioren aurka jokatuko du, eta finalerdietarako txartela izango dute jokoan.

Jon Ander peñaren adierazpenak Javi Zabalaren aurka galdu ostean (17-22). Partidan zehar, epaileek bi atxiki adierazi dizkiote: bata 10-10ekoan eta bestea 17-13koan.

Labriten jokatutako partidan Zabalak Peña menderatu du (17-22). Peñak bost tantoren faltan bosteko abantaila zuen arren, Zabalak ez dio handik aurrera tanto bakar bat ere egiten utzi; neurketa irauli eta puntua eskuratu du.

Amezketarrak ezer gutxi egin ahal izan du errioxarraren jokoari aurre egiteko. Asko jokatu du Dariok; Altuna, berriz, galduta ibili da. Dariok urrats handia eman du finalerdietara sartzeko bidean.

Dario Gomezek 10-22 garaitu du Erik Jaka Buruz Buruko A multzoko partidan. Aspeko pilotariak hasieratik bideratu du partida, eta zailtasun nabarmenik gabe lortu du txapelketako lehen puntua.

Jokin Altunak 22-16 garaitu du Unai Laso Buruz Buruko A multzoko lehen partidan. Atzetik hasi arren, buelta eman dio markagailuari, garaipen sendoa lortzeko. Hala, amezketarrak Binakako finalaren errebantxa hartu du.

Iker Larrazabalek 2026ko Buruz Buruko lehen puntua lortu du Iñaki Artola 17-22 garaituta. Larrazabal aurretik joan da une oro markagailuan, baina sendotasunez aritu behar izan du garaipena lortzeko.

Erik Jaka izan da asteburu honetako Buruz Buruko Txapelketako azken jardunaldiko protagonistetako bat, partida amaieran Ezkurdiaren aurka markagailua irauli ondoren. 

Larunbat honetan, Lizarran jokatutako Buruz Buruko Txapelketaren ligaxkako final-zortzirenetan, azken unean markagailua iraulita garaitu du Erik Jakak Joseba Ezkurdia, eta final-laurdenetarako sailkatu da.