Elordi eta Peio Etxeberria, titular 2023ko Binakako Txapelketan
Astearte honetan, 2022-23ko Binakako Txapelketa aurkeztu dute, eta Aspe eta Baiko enpresek aurkeztutako bikoteen artean bi izen propio nabaritu dira, titular gisa lehen aldiz arituko diren Aitor Elordi bizkaitarra eta Peio Etxeberria nafarra, hain zuzen ere.
Elordik Jose Javier Zabaleta izango du zaindari lanetan atzealdean, Etxeberriarekin batera, aldiz, Rezusta arituko da. Joan zen urteko bikoteekin alderatuz gero, Asperen aldetik kanpoan geratu dira Iker Irribarria eta Danel Elezkano izango dira. Bata zein bestea finalerdietako ligaxkan izan ziren joan zen denboraldian.
Eibarko enpresaren beste bikotei dagokienez, nabarmentzeko da Joseba Ezkurdia Lau t'erdiko txapeldun berriak eta Julen Martijak eratutako dutena; izan ere, txapeldun izandakoak dira 2020ko ekitaldian. Altuna III.ak, bere aldetik, Tolosarekin batera parte hartuko du txapelketan.
Baikok aurkeztutako bikotei dagokionez, 2022an txapeldunorde izan ziren Laso eta Imazek elkarrekin jardungo dute berriz ere (Altunaren eta Martijaren aurka galdu zuten, 22-20), joan zen urteko lan onari jarraipena emateko asmoz.
Urrutikoetxea-Albisu eta Peña II.a-Mariezkurrena II.a bikoteak ere aukera sendoak izan litezkeela ematen dute. Bilboko enpresaren azken bikoa Jakak eta Arangurenek osatutakoa izango da.
Honako hauek dira bi enpresek txapelketarako aurkeztu dituzten bikoteak:
ASPE
Altuna III.a-Tolosa
Elordi-Zabaleta
Ezkurdia-Martija
P.Etxeberria-Rezusta
BAIKO
Jaka-Aranguren
Laso-Imaz
Peña II.a-Mariezkurrena II.a
Urrutikoetxea-Albisu
Aldaketak play-offetako kanporaketen formatuan
Txapelketa osatzen duten zortzi bikoteek bi aldiz jokatuko dute elkarren aurka, 14 jardunaldiko ligaxka batean. Behin ligaxkaka amaituta, bi sailkatu onenak zuzenean sartuko dira finalerdietako ligaxkara, eta hirugarren eta seigarren postuetan amaitzen dutenek play-off batzuk jokatu beharko dituzte aurrera egiteko.
Horrela, hirugarren eta laugarren postuan sailkatutako bikoteak elkarren aurka lehiatuko dira, eta irabazleak finalerdietako ligaxkara igaroko da. Galtzaile ateratzen denak, bestalde, txartela lortzeko bigarren aukera bat izango du oraindik; izan ere, bosgarren eta seigarren sailkatuek elkarren aurka jokatuko duten beste kanporaketako garailearen aurka jardungo baitu. Finalerdietako ligaxkak hiru jardunaldi izango ditu.
Txapelketa asteburu honetan bertan abiatuko da ostiralean, Azkoitian (Ezkurdia-Martija vs P.Etxeberria-Rezusta); larunbatean, Bartzelonan (Laso-Imaz vs Jaka-Aranguren) eta igandean, Tolosan (Urrutikoetxea-Albisu vs Peña II.a-Mariezkurrena II.a) jokatuko diren partidekin. Lehen jardunaldia azaroaren 30ean amaituko da, Eibarren (Altuna III.a-Tolosa vs Elordi-Zabaleta).
Finala apirilaren 2an jokatuko da, Nafarroa Arenak hartuko duen finalarekin. Lehendabiziko aldia izango da Iruñeko frontoian Binakako final bat jokatuko dena.
Zure interesekoa izan daiteke
Peñak Lasoren papera bete du Altuna eta Ezkurdia garaitzeko (14-22)
Peña II.ak eta Albisuk 14-22 garaitu dituzte Altuna eta Ezkurdia Binakako Txapelketaren 11. jardunaldian. Baikoko bikoteak ziurtatuta zuen sailkapena, baina Aspekoak kontuz ibili beharko du azken jardunaldietan.
Elordi eta Zabaleta nagusi, arazoek markatutako Artolaren itzuleran (6-22)
Elordik eta Zabaletak zazpigarren garaipena eskuratu dute Binakako Txapelketako 11. jardunaldian, Artola eta Imaz 6-22 menderatuta. Partidak hasieran parekatua zirudien arren, Artolak kolpe txarra hartu du ezker eskuan, eta horrek neurketa desorekatu du.
Larrazabalek eta Mariezkurrenak puntu baliotsua lortu dute Etxeberria eta Rezusta garaituz (16-22)
Larrazabalek eta Mariezkurrenak seigarren garaipena lortu dute Binakako Txapelketako 11. jardunaldian, P. Etxeberria eta Rezusta 16-22 garaituta. Azken horiek, aldiz, oso zail izango dute txapelketan aurrera egitea.
Peñak Laso ordezkatuko du igandean Iruñean
Lasok giharretako mina du hankan, eta Peña II.ak ordezkatuko du igande honetan Nafarroa Arenan jokatuko den Binakako Txapelketako 11. jardunaldian.
Elordik eta Zabaletak 22-19 garaitu dituzte Etxeberria eta Rezusta, azken unean partida iraulita
Binakako Txapelketako 10. jardunaldian, Elordi eta Zabaleta 4-15 galtzen hasi dira, baina partida irauli eta 22-19 irabazi diete Etxeberriaei eta Rezustari. Gorriak bigarren postuan daude sailkapenean, 6 punturekin; urdinek, berriz, azken postuan jarraituko dute, 2 punturekin.
Lasok eta Albisuk finalerdietarako txartela eskuratu dute Larrazabal eta Mariezkurrena garaituta (22-19)
Lasok eta Albisuk gogotik egin behar izan dute lan Larrazabal eta Mariezkurrena mendean hartzeko, Binakako Txapelketako 10. jardunaldian. Horri esker, finalerdietara sailkatu dira.
Zabala eta Martija gogor aritu behar izan dira Altuna eta Ezkurdia garaitzeko (15-22)
Zabalak eta Martijak 15-22 menderatu dituzte Altuna eta Ezkurdia Binakako Txapelketako 10. jardunaldian. 14-14 berdindu ostean, hortik aurrera partida urdinena izan da.
2025-2026ko Binakako Txapelketako sailkapenak, emaitzak eta egutegia
Hasierako ligak 14 jardunaldi izango ditu. Ondoren, play-offa jokatuko dute hirugarren eta seigarren postuen artean sailkatutako bikoteek. Finalerdietako ligaxka izango da gero, eta, azkenik, finala, martxoaren 29an.
Lasok eta Albisuk erakustaldia eman dute Jakaren eta Iztuetaren aurka (5-22)
Unai Lasok eta Jon Ander Albisuk zortzigarren garaipena eskuratu dute Martxel Iztuetaren eta Erik Jakaren aurka Ogetan. Urdinek hasieratik partidaren gidaritza izan dute, eta 5-10ekoaren ostean, ez diete aurkariei inolako aukerarik eman partida amaitu arte.
Etxeberriak eta Rezustak asko kostatako garaipena lortu dute Zabalaren eta Martijaren aurrean (22-21)
Peio Etxeberriak eta Beñat Rezustak 22-21 irabazi diete Javi Zabalari eta Julen Martijari, Adarragan. Partida oso gogorra eta estua izan da. Gorriak 12-18 galtzen joan dira, baina, azkenean, markagailua irauli eta bigarren puntua bereganatu dute Binakako Txapelketan.