Aretxabaletak konfinatua dagoen Imaz ordezkatuko du gaur
Binakako Txapelketako 13. jardunaldia jokatzen hasiko da gaur.
Urretxuko pilotalekuan, 22:00etatik aurrera, eta ETB1en eta eitb.eus-en zuzenean ikusgai, lehen postuan dauden Elezkano II.ak eta Zabaletak Urrutikoetxearekin eta *Imazekin neurtuko dituzte indarrak (*Aretxabaletak ordezkatuko du Oiartzungo pilotaria, konfinatuta baitago).
Larunbatean, Lekeition, azken bi postuetan dauden Jaka-Martija eta Artola-Aranguren bikoteen arteko neurketa izango da, eta igandean, Eibarko Astelena pilotalekuan, asteburuko partida handia, bigarren eta hirugarren postuetan dauden Altuna III.a-Mariezkurrena eta Peña II.a-Albisu bikoteen artekoa.
12 partida jokatuta, zortzina garaipen lortu dituzte, eta lehen itzulian Altunak eta Mariezkurrenak erdietsi zuten garaipena doi-doi (22-21); beraz, ikuskizuna ziurtatuta dago.
Astelehenean, jardunaldiko azken partida jokatuko da Zumaian. Olaizola II.a-Rezusta eta Ezkurdia-Ladis Galarza aurrez aurre, bi bikoteek garaipena behar dute euren helburua lortzeko borrokan jarraitzeko.
13. JARDUNALDIA
Ostiralean, 22:00etan, Urretxun
Urrutikoetxea-Aretxabaleta vs Elezkano II.a-Zabaleta
Larunbatean, 17:00etan, Lekeition
Jaka-Martija vs Artola-Aranguren
Igandean, 17:00etan, Eibarren
Altuna III.a-Mariezkurrena vs Peña II.a-Albisu
Astelehenean, 22:30ean, Zumaian
Olaizola II.a-Rezusta vs Ezkurdia-Ladis Galarza
|
2021EKO BINAKAKO TXAPELKETAKO LEHEN LIGAXKAKO SAILKAPENA | ||||||
| Bikoteak | Partidak | Tantoak | ||||
| Jokatuta | Irabazita | Alde | Kontra | +/- | ||
| 1.a | Elezkano II.a - Zabaleta | 12 | 9 | 252 | 170 | +82 |
| 2.a | Peña II.a - Albisu | 12 | 8 | 243 | 205 | +38 |
| 3.a | Altuna III.a - Mariezkurrena II.a | 12 | 8 | 214 | 184 | +30 |
| 4.a | Olaizola II.a - Rezusta | 12 | 6 | 223 | 198 | +25 |
| 5.a | Urrutikoetxea - Imaz | 12 | 5 | 205 | 241 | -36 |
| 6.a | Ezkurdia - Ladis Galarza | 12 | 5 | 184 | 225 | -41 |
| 7.a | Jaka - Martija | 12 | 4 | 196 | 242 | -46 |
| 8.a | Artola - Aranguren | 12 | 3 | 192 | 243 | -51 |
Zure interesekoa izan daiteke
Txapelketako hirugarren partida irabazi dute Lasok eta Albisuk Etxeberria eta Rezusta garaituta (22-17)
Lasok eta Albisuk 22-17 irabazi diete Etxeberriari eta Rezustari Binakako Txapelketako 4. jardunaldian. Aspeko bikoteak jokatutako lau partidak galdu ditu, hortaz, ez dute punturik lortu oraindik.
Larrazabalek eta Mariezkurrenak prestigiozko garaipena lortu dute Altunaren eta Ezkurdiaren aurka (19-22)
Larrazabalek eta Mariezkurrenak 19-22 irabazi diete Altunari eta Ezkurdiari Binakako Txapelketako 4. jardunaldian. 19-17 zihoazen atzetik, baina markagailuari buelta ematea lortu dute haien bigarren garaipena lortzeko.
Jakak eta Iztuetak Artola eta Imaz menderatu dituzte, 22-8, eta bi puntu daramatzate Binakakoan
Beotibarren astelehen arratsaldean jokatutako partidan, Lizartzako aurrelaria eta Tolosako atzelaria hasieratik izan dira nagusi, eta aise gailendu dira.
Peña II.aren nahi gabeko pilotakada batek, partida jokoan egon gabe, Salaverri II.a belaunean mindu du
Jon Ander Peña eta Ruben Salaverri 21-18 ari ziren gailentzen, Amiano-Eskiroz aurkari; orduan, Peña II.ak hormara bota du pilota, eta, nahi gabe, Fuenmayorreko atzelaria jo du. Salaverri II.ak aldagelara joan behar izan du, baina, gerora, bueltatu da kantxara, eta partida amaitu du.
Larrazabalek eta Mariezkurrenak garaipena lortu dute Lasok sustoa eman duen partidan (20-22)
Larrazabalek eta Mariezkurrenak 20-22 irabazi diete Lasori eta Albisuri Binakako Txapelketako hirugarren jardunaldian. Lasok, gainera, min hartu du ebakuntza egin zioten belaunean.
Zabalak eta Martijak bi puntu dituzte, Altuna III.a eta Ezkurdia mendean hartuta (16-22)
Jokin Altuna eta Joseba Ezkurdia aurrenekoz irten dira galtzaile, Binakakoan; Bartzelonan jokatutako partidan, 0-6 hasi dira galtzen. Javi Zabalak eta Julen Martijak merezita irabazi dute, neurketa ona eginda.
Bigarren puntua Elordi eta Zabaletarentzat, Etxeberria eta Rezusta irabazi ezinik daudelarik (22-14)
Elordik eta Zabaletak 22-14 garaitu dituzte Etxeberria eta Rezusta Binakako Txapelketaren hirugarren jardunaldian. Hala, bigarren puntua lortu dute. Bikote urdinak, aldiz, irabazi gabe jarraitzen du.
Altuna eta Ezkurdia sailkapenaren buruan jarri dira Elordi eta Zabaleta garaituta (22-14)
Altunak eta Ezkurdiak 22-14 irabazi diete Elordi eta Zabaletari Binakako Txapelketako bigarren jardunaldian. Hala, sailkapeneko lehen postuan jarri dira. Laso eta Albisu dituzte soilik parez-pare, bi garaipenekin.
Lasoren eta Albisuren astindua jaso dute Jakak eta Iztuetak (6-22)
Unai Lasok eta Jon Ander Albisuk erakustaldia eman dute Erik Jakaren eta Martxel Iztuetaren aurka jokatu duten partidan. 0-12 joan dira irabazten, eta 6-22 gailendu dira, ligaxkako bigarren puntua bereganatzeko.
Zabalak eta Martijak Etxeberria eta Rezusta menderatu dituzte (12-22), eta lehen puntua lortu dute Binakakoan
Bigarren jardunaldiko lehenengo partidan, ostiral gauean, Basaurin, Javi Zabala eta Julen Martija ez dira oso ondo hasi, Peio Etxeberria eta Beñat Rezusta aurkari, baina, neurketako bigarren zatian, guztiz nagusi izan dira.