Jaka eta Zabaleta, sendo lidertzan; berdinketa laukoitza bigarren posturako borrokan
Binakako Txapelketak gainditu du jada bederatzigarren jardunalda, eta sailkapena estutu egin da. Jaka-Zabaleta bikotea da guztien gainetik lidertzan dagoena, eta Bengoetxea-Mariezkurrena bikoteak azken postuan jarraitzen du garaipen bakarrarekin.
Zortzi garaipen pilatu dituzte Jaka eta Zabaletak, eta lehen postuan daude. Jardunaldi honetan 22-9ko emaitzarekin nagusitu dira laugarren posturaino jaitsi diren Altuna III.aren eta Ladis Galarzaren aurka. Altuna eta Galarza bost garaipenekin daude. Bigarren postura igo dira Artola eta Imaz (bost garaipenekin) azken-aurreko diren Olaizola II.ari eta Urrutikoetxeari 22-9 irabazita.
Ezkurdiak eta Martijak porrota jaso zuten Irribarriaren eta Rezustaren aurka (22-9) ostiralean; ondorioz, hirugarren postuan da Ezkurdia-Martija bikotea bost garaipenekin, eta seigarren posizioan daude Irribarria eta Rezusta, lau neurketa irabazita.
Bost garaipen dituzten bikoteen multzoan sartu dira Laso eta Albisu (5. postuan), azken-aurreko diren Bengoetxea VI-Mariezkurrena bikoteari 22-19ko emaitzarekin irabazi ostean.
|
BINAKAKO TXAPELKETAKO SAILKAPENA | ||||||
| Bikoteak | Partidak | Tantoak | ||||
| Jok. | Irab. | Ald. | Kont. | +/- | ||
| 1. | Jaka-Zabaleta | 9 | 8 | 197 | 123 | +74 |
| 2. | Artola-Imaz | 9 | 5 | 177 | 162 | +15 |
| 3. | Ezkurdia-Martija | 9 | 5 | 180 | 171 | +9 |
| 4. | Altuna-Galarza | 9 | 5 | 168 | 165 | +3 |
| 5. | Laso-Albisu | 9 | 5 | 175 | 183 | -8 |
| 6. | Irribarria-Rezusta | 9 | 4 | 164 | 168 | -4 |
| 7. | Olaizola-Urrutikoetxea | 9 | 3 | 140 | 182 | -42 |
| 8. | Bengoetxea-Mariezkurrena | 9 | 1 | 150 | 197 | -44 |
Zure interesekoa izan daiteke
Larrazabalek eta Mariezkurrenak prestigiozko garaipena lortu dute Altunaren eta Ezkurdiaren aurka (19-22)
Larrazabalek eta Mariezkurrenak 19-22 irabazi diete Altunari eta Ezkurdiari Binakako Txapelketako 4. jardunaldian. 19-17 zihoazen atzetik, baina markagailuari buelta ematea lortu dute haien bigarren garaipena lortzeko.
Jakak eta Iztuetak Artola eta Imaz menderatu dituzte, 22-8, eta bi puntu daramatzate Binakakoan
Beotibarren astelehen arratsaldean jokatutako partidan, Lizartzako aurrelaria eta Tolosako atzelaria hasieratik izan dira nagusi, eta aise gailendu dira.
Peña II.aren nahi gabeko pilotakada batek, partida jokoan egon gabe, Salaverri II.a belaunean mindu du
Jon Ander Peña eta Ruben Salaverri 21-18 ari ziren gailentzen, Amiano-Eskiroz aurkari; orduan, Peña II.ak hormara bota du pilota, eta, nahi gabe, Fuenmayorreko atzelaria jo du. Salaverri II.ak aldagelara joan behar izan du, baina, gerora, bueltatu da kantxara, eta partida amaitu du.
Larrazabalek eta Mariezkurrenak garaipena lortu dute Lasok sustoa eman duen partidan (20-22)
Larrazabalek eta Mariezkurrenak 20-22 irabazi diete Lasori eta Albisuri Binakako Txapelketako hirugarren jardunaldian. Lasok, gainera, min hartu du ebakuntza egin zioten belaunean.
Zabalak eta Martijak bi puntu dituzte, Altuna III.a eta Ezkurdia mendean hartuta (16-22)
Jokin Altuna eta Joseba Ezkurdia aurrenekoz irten dira galtzaile, Binakakoan; Bartzelonan jokatutako partidan, 0-6 hasi dira galtzen. Javi Zabalak eta Julen Martijak merezita irabazi dute, neurketa ona eginda.
Bigarren puntua Elordi eta Zabaletarentzat, Etxeberria eta Rezusta irabazi ezinik daudelarik (22-14)
Elordik eta Zabaletak 22-14 garaitu dituzte Etxeberria eta Rezusta Binakako Txapelketaren hirugarren jardunaldian. Hala, bigarren puntua lortu dute. Bikote urdinak, aldiz, irabazi gabe jarraitzen du.
Altuna eta Ezkurdia sailkapenaren buruan jarri dira Elordi eta Zabaleta garaituta (22-14)
Altunak eta Ezkurdiak 22-14 irabazi diete Elordi eta Zabaletari Binakako Txapelketako bigarren jardunaldian. Hala, sailkapeneko lehen postuan jarri dira. Laso eta Albisu dituzte soilik parez-pare, bi garaipenekin.
Lasoren eta Albisuren astindua jaso dute Jakak eta Iztuetak (6-22)
Unai Lasok eta Jon Ander Albisuk erakustaldia eman dute Erik Jakaren eta Martxel Iztuetaren aurka jokatu duten partidan. 0-12 joan dira irabazten, eta 6-22 gailendu dira, ligaxkako bigarren puntua bereganatzeko.
Zabalak eta Martijak Etxeberria eta Rezusta menderatu dituzte (12-22), eta lehen puntua lortu dute Binakakoan
Bigarren jardunaldiko lehenengo partidan, ostiral gauean, Basaurin, Javi Zabala eta Julen Martija ez dira oso ondo hasi, Peio Etxeberria eta Beñat Rezusta aurkari, baina, neurketako bigarren zatian, guztiz nagusi izan dira.
2025-2026ko Binakako Txapelketako sailkapenak, emaitzak eta egutegia
Hasierako ligak 14 jardunaldi izango ditu. Ondoren, play-offa jokatuko dute hirugarren eta seigarren postuen artean sailkatutako bikoteek. Finalerdietako ligaxka izango da gero, eta, azkenik, finala, martxoaren 29an.