Irujo-Barriola eta Olaizola-Urruti, San Mateorako bikoteen artean
Juan Martinez de Irujo iazko San Mateo Torneoan lortutako garaipena errepikatzen saiatuko da, udako azken torneo handian, eta Abel Barriolarekin batera lehiatuko da. Orain arte, bien artean uda bikaina egin dute, emaitzei dagokienez.
Bi nafarrek udako ia txapelketa guztiak egin dituzte elkarrekin, eta 2015eko San Mateo Torneoaren aurkezpeneko albisteetako bat izan da. Irailaren 20tik 27ra bitartean egingo dute txapelketa, udako azkena eta prestigio handiena duena.
Enpresako hiruna bikote
Txapelketa nagusian, Aspek eta Asegarcek hiruna bikote aurkeztuko dituzte; Asperen aldetik, Martinez de Irujok eta Barriolak osatutakoaz gain, Ezkurdia-Zubieta eta Altuna III-Merino II lehiatuko dira.
Asegarcek Torneoko berritasun nagusienetakoa aurkeztuko du, alegia, Mikel Urrutikoetxea aurrelaria, buruz buruko egungo txapelduna, atzelari jokatuko duela. Olaizola II.aren bikotekidea izango da; azken hori gero eta hobeto eta indartsuago ibili da azken asteetan.
Horretaz gain, Victor-Albisu (iazko txapeldunordeak) eta Bengoetxea VI-Untoria bikoteak ere aurkeztuko ditu Asegarcek.
Lehiaketa-sistema
Sei bikoteak bi taldetan banatu dituzte (enpresa zein den ez du eraginik), eta bi taldeek ligaxka bana izango dute, irailaren 20tik 25era bitartean. 26an, bi enpresek "ardoaren erronka"ko finala jokatuko dute, 1.200 botila jokoan egongo direlarik (bikoteak aurreko emaitzen arabera erabakiko dituzte); final nagusia irailaren 27an jokatuko dute, eta talde bakoitzeko txapeldunak lehiatuko dira bertan.
Zure interesekoa izan daiteke
2026ko CaixaBank Masterseko sailkapena, emaitzak eta egutegia
Txapelketa uztailaren 17an hasiko da, eta urriaren 4an amaitu; finala Iruñean jokatuko dute, Nafarroa Arenan.
Etxeberriak eta Imazek Laso eta Martija menderatu dituzte, 18-22, eta CaixaBank Mastersko sailkapena are gehiago estutu dute
Peio Etxeberria Altuna III.aren ordez aritu da, Zarautzen; nafarrak eta Imazek bikotearen aurreneko puntua eskuratu dute, eta Lasok eta Martijak, ordea, bi puntu dituztela jarraitzen dute.
Elordik eta Mariezkurrena II.ak argi menderatu dituzte Ezkurdia eta Albisu, CaixaBank Mastersean (8-22)
Bikote urdina hasieratik izan da oso nagusi, Elizondon ostiral gauean jokatutako partidan, eta, hala, 3 puntu daramatza txapelketan; Ezkurdiak eta Albisuk, ordea, puntu bakarra dute sailkapenean.
Laso-Martija gailendu dira Zarautzen, Artola-Rezustaren aurka (20-22)
Lasok eta Martijak 20-22 hartu dituzte mendean Artola eta Rezusta, Zarautzen jokatu den Caixabank Masterseko laugarren jardunaldian. Txapelketako bigarren garaipena lortuta, sailkapeneko bigarren postua lortu du bikoteak.
Laso eta Iztueta nagusitu dira Donostia Hiria Torneoan
Lasok eta Iztuetak 19-22 garaitu dituzte Ezkurdia eta Zabaleta Donostia Hiria Torneoko finalean. Lehen tantoak gorrienak izan diren arren, partida berdindu egin da eta, azkenean, Baikoko bikotea nagusitu da.
Ezkurdia eta Zabaleta Donostia Hiria Torneoaren finalerako sailkatu dira, neurketa gogor, parekatu eta zirraragarria jokatuta (22-21)
Bikote nafarrak Jokin Altunak eta Beñat Rezustak osatutako bikote gipuzkoarra mendean hartu zuen asteazkenean, finalerdietan. Horrela, Joseba Ezkurdiak eta Jose Javier Zabaletak Unai Laso eta Martxel Iztuetaren aurka neurtuko dituzte indarrak ostiral honetan, final handian. Bi finalak, Seriea A eta B, zuzenean eskainiko ditu EITBk, eta pilota jaialdia 21:00etan hasiko da.
Enara Gamindek etxean du falta zitzaion txapela: ‘Plazandreak' txapelketako Lau t´erdikoa
Gaminderen txapel mordoaren artean, azkena ere ikus dezakegu: ‘Plazandreak' txapelketako Lau t´erdikoa. Laukizko pilotaria Itsaso Erasun baino gehiago izan zen hasi eta buka. Hala ere, hobetzen jarraitu nahi du eta etorkizunerako helburua argi dauka.
Lasok eta Iztuetak Donostia Hiria Torneoaren finalerako txartela lortu dute
Aurrelari nafarrak eta atzelari gipuzkoarrak Peña eta Albisu hartu dituzte mendean, finalerdietan (22-12). Martxel Iztueta atzeko koadroetan nagusitu da, eta Bizkarretako aurrelariak ere atzean kargatu du jokoa. Ataun atzelariak ezin izan die aurre egin, eta bikote irabazleak abantaila hartu du markagailuan.
?fmt=webp-alpha&qlt=80)
Emma Garcia aurkezlea, bere iloba Beñat Senarren jarraitzaile, Atano III.a pilotalekuan
Telebistako aurkezlea opor egun batzuk igarotzen ari da etxean, eta pilotaz gozatzera hurbildu da Donostiako pilotalekura. "Nahiko genukeena baino gutxiago gatoz, baina Aste Nagusiaz gozatzen ari gara", esan du. "Beñatek eta nire beste ilobak, Ikerrek, pilotara zaletu naute", aitortu du ordiziarrak. Senarrek eta Landak 22-14 galdu dute Amiano eta Ugartemendiaren aurka.
Enara Gamindek irabazi du ‘Plazandreak' saioko txapela, Itxaso Erasun finalean aise gaindituta (18-6)
Atzelari laukiztarrak pilota ezin hobeto mugitu du, eta sakez ere min handia egin dio aurkariari. Atzelari zizurkildarra ezinean ibili da partida osoan zehar.