Biarritzeko Pilotako Munduko Txapelketa berritasunez beteta dator
Biarritzek hartuko du 2022ko Pilotako Munduko Txapelketa urriaren 23tik 29ra artean. Guztira, 34 herrialdek parte hartuko dute, orain arteko parte-hartze handiena izango dena. Euskal Selekzioa ez da Munduko Txapelketan egongo; beraz, Espainiako eta Frantziako selekzioekin jokatuko dute euskal ordezkariek.
Inaugurazioa ekitaldia igande honetan (urriak 23) egingo da, 17:00etan, eta zuzenean eskainiko du eitb.eus-ek.
Hainbat berritasun izango ditu txapelketak: zesta-puntan emakumezkoen mailako lehiaketa egongo da, paletak ez dira zur noblezkoak izan beharko eta karbono-zuntzezko materialak erabili ahalko dira, gomazko modalitateetan lehiatuko diren gizonezkoek prakamotzetan jokatuko dute, eta Munduko Txapelketak lehen aldiz hartuko du frontball modalitatea.
Zesta-puntako emakumezkoen mailako txapelketarako lehen urratsa eman zen 2021eko Gaztela eta Leongo Munduko Txapelketan: 36 metroko frontoian txapeldun izan ziren Maite Ortiz de Mendibil eta Eneritz Lizardi. Bi puntista hauek 2022ko Munduko Txapelketan parte hartuko dute eta emakumezkoek 54 metroko frontoian, handienean, jokatuko dute.
Gomazko paleten materialari dagokionez, ez da derrigorrezkoa zurezkoak edota zur noblezkoak izatea, eta sintetikoak diren karbono-zuntzezkoak izan ahalko dira. Gainera, janzkeran ere aldaketak egongo dira: gizonezkoek prakamotzetan jokatuko dute; emakumezkoek, bestalde, gonarekin.
Baina berritasun nagusia frontball txapelketarena da. Horma nagusiarekin soilik jokatzen da, alboko hormarik gabe. Modalitate honetako partidak Bidarteko frontoian jokatuko dira. Asko zabaltzen ari den modalitatea da; adibidez, datorren urtean Txilen egingo den Panamerikako Jokoetan ere fontballak bere tokia izango du. Munduko Txapelketaren ostean, Euskal Pilotako Nazioarteko Federazioak prestakuntza ikastaroak emango ditu Venezuelan.
Munduko Txapelketako diziplina ezberdinetako neurketak Biarritzen, Baionan, Hasparrenen eta Bidarten jokatuko dira, 30, 36 eta 54 metroko frontoietan, trinketean eta frontballean. Pilotaleku handiena Biarritzekoa da, 1.200 pertsonako edukierarekin. Sarrera guztiak salduta daude jada.
2018an Bartzelonan egin zen Munduko Txapelketa Frantzia izan zen domina gehien lortu zituena Espainia bigarren izan zelarik zilarrezko domina bat gutxiago lortuta.
Zure interesekoa izan daiteke
Imanol Ansak ez du Summer Season torneoa jokatuko
Erremonteko Summer Season txapelketa aurkeztu dute. Lau bikotek hartuko dute parte larunbatean hasi eta hilaren 25ean amaituko den torneoan. Imanol Ansak ez du jokatuko “Oriamendiko zuzendaritzak hartutako erabakien kontra” egindako ekintza batzuen ondorioz, hala azaldu du Xabi Gonzalez kudeatzaileak.
Hondarribiko Grand Slama aurkeztu dute
Bihartik aurrera eta 9 ostiraletan zehar zesta puntako Grand Slamaz gozatu ahal izango da Hondarribiko Jostaldi Pilotalekuan. Hogeigarren edizioa berezia izango da. Gizonezkoetan 6 bikotek parte hartuko dute eta emakumezkoetan 4 bikotek. Finalak, abuztuaren 28an.
Jakak eta Mariezkurrenak 9-22 menderatu dituzte Ezkurdia eta Gabirondo
Jakak eta Mariezkurrenak izan dira nagusi Ezkurdia eta Gabirondoren aurka San Fermin Torneoan jokatutako kanporaketan: 9-22. Jakak onartu du lan handia egin behar izan dutela garaipena eskuratzeko.
Unai Laso: “Ez dut oraindik asko sinesten”
Unai Lasok egin duen esfortzuagatik buruko minez bukadu duela finala adierazi du: “kriston lehertua hartu dut gaur”. Asko sufritu duela ere esan du, eta “oso pozik” dagoela txapela lortzeagatik.
Horrelakoa izan da finaleko azken tanto ikusgarria
Unai Laso eta Jokin Altunaren arteko finaleko azken tantoa oso gogorra eta lehiatua izan da, partida osoa bezala.
Unai Laso borrokalariak 4 terdiko San Fermin Txapelketa irabazi du (20-22)
Aurrelari nafarrak final gogorra eta zirraragarria irabazi du Jokin Altunaren aurka Nafarroa Arenan.
Arrizabalaga-Bergara bikotea eta Gaminde nagusitu dira lehen jardunaldian
Olatz Arrizabalagak eta Arrate Bergarak Goiuri Zabaleta eta Nora Mendizabal hartu dituzte mendean (20-22), bigarren erdian estutu den neurketan. Lau T’erdikoan, Enara Gamindek Madalen Etxegarai jipoitu du (18-4).
Enara Gaminde: “Gustura ibili naiz, ondo egin dut nire jokoa”
Enara Gamindek aise irabazi dio Madalen Etxegarairi 4 t’erdian. Laukiztarrak adierazi duenez “4 t'erdiko marra ahalik eta gehien topatzea, kantxa erdia hartzea eta hortik min egitea” da bere indargunea eta horrela jarraituko du estrategiak funtzionatzen dion bitartean.
Olatz Arrizabalaga: “Takadetako partida izan da; serio jarraitu dugu eta egindako lanarekin oso gustora”
Arrizabalaga-Bergara bikotea gailendu da Zabaleta-Mendizabali. Partida oso aldakorra izan da, baina azkenean 20-22 irabazi dute urdinek. Une frustragarri batzuk pasa dituzten arren, partidatik atera ez izanagatik eta lortutako emaitzarekin gustora geratu dira irabazleak.
Elaia-Arai eta Erkiaga-Atain bikoteak Markinako Grand Slameko finalera sailkatu dira
Markinako Grand Slameko finalerdietan, Erkiagak eta Atainek kitarakoan hartu dituzte mendean Goitia eta Basque. 15-12, 14-15 eta 5-3 nagusitu dira. Finala, Urreisti-Gorka edo Txanika-Salegi bikotearen aurka jokatuko dute. Emakumezkoetan, berriz, Elaiak eta Araik, Erika eta Frida menderatu dituzte bi setetan. 15-11 eta 15-12 nagusitu dira. Lur-Alize edo Helena-Maia bikotea izango dute aurkari finalean.