Jon Rahmek ostiralean egingo du debuta LIV Golf zirkuituan, Mexikon
Jon Rahmek, 2023ko Augustako Masterseko eta 2021eko Estatu Batuetako Irekiko txapelduna bera, ostiral arratsaldean egingo du debuta LIV Golf zirkuituan, alegia, Saudi Arabiako Inbertsio Publikoko Funtsak bultzatutako zirkuituan. Barrikako golf jokalaria LIV Golfeko hirugarren ekitaldian estreinatuko da, Mexikon, Riviera Mayan, LIV Golf Mayakoban, El Camaleon zelaian.
29 urte dituela, Rahmek heldutasun garaia du, eta LIV Golfen ahaleginduko da hori berresten. PGA Tourren aritu da orain arte, baina zirkuitu hori uztea erabaki zuen, eta LIV Golfekin sinatu zuen kontratua. Ezingo du parte hartu, hortaz, orain arte ibili den zirkuituan, baina lau txapelketa handietan lehiatzeko aukera izango du, alegia, Augustako Mastersen, PGA Championshipen, Open Championshipen eta Estatu Batuetako Irekian.
LIV Golf Mayakoba Euskal Herriko 18:00ak aldera hasiko da, ostiralean. Jon Rahm XIII. Legioa izeneko taldeko liderra izango da, eta golf jokalari hauek izango ditu aldamenean, taldean: Tyrrell Hatton ingelesa, Kieran Vincent zimbabwetarra eta Caleb Surratt estatubatuar gaztea; azken horrek etorkizun oparoa du, adituen iritziz.
Rahm kenduta, beste hauek ere dira Mexikon irabazteko hautagaiak diren zerrendan: Dustin Johnson, Phil Mickelson, Brooks Koepka eta Cameron Smith. LIV Golf Mayakobak emango dio hasiera LIV Golfeko hirugarren denboraldiari. Guztira, hamabi txapelketa jokatuko dituzte horretan: Mexikon, Ameriketako Estatu Batuetan, Saudi Arabian, Hong Kongen, Australian, Singapurren, Espainian eta Erresuma Batuan. Bigarren txapelketa datorren astean egingo dute, otsailaren 8tik 10era bitartean, Las Vegasen.
Zure interesekoa izan daiteke
Carlota Ciganda 71 kolpeko txartelarekin estreinatu da Chevron Championshipen, bat parraz azpitik
Nafarrak bi birdie egin ditu, 5. eta 14. zuloetan, baina 9. zuloan bogey bat ere egin du. Eguneko gainerako zuloetan parra egin du. Ciganda bederatzigarren geratu zen iaz Chevron Championshipen.
Hawaiiko Kaiwi kanala, Iskander Sagarminagaren hurrengo erronka
Iskander Sagarminaga igerilari galdakaoztarrak aurrean duen hurrengo erronkaren berri eman du: Hawaiiko Kaiwi kanala zeharkatu nahi du, Molokai uhartean.
?fmt=webp-alpha&qlt=80)
Jon Rahmek LIV Golf Mexico City txapelketa irabazi du, eta hogeigarren postuan jarri da munduko sailkapenean
2026ko denboraldian, bigarrenez eskuratu du garaipena euskal golf jokalariak; izan ere, Hong Kongen ere gailendu zen. Mexikon, Rahmek paretik azpiko 21 egin du, alegia, bigarren sailkatuak baino sei kolpe gutxiago behar izan ditu.
Ainhize Belar: “15 egunetan hiru 9A bide egitea lortu dut, espero ez nuen zerbait da eta kriston motibazioa eman dit"
Eskalatzaile bizkaitarrak bere lorpenak errepasatu ditu denboraldi honetan, besteak beste, 'La Reina Mora' eta 'Estado Crítico'. Gainera, eskaladaren hazkundea azpimarratu du oro har, eta bereziki emakumeek kirol honetan duten parte-hartzea, batez ere "arrokan" eskalatzen.
McIlroyk irabazi du Augustan, bigarren aldiz jarraian; Rahmek, berriz, 39. postuan amaitu du
Barrikakoak ez zuen txapelketa ondo hasi ostegunean, eta aukerarik gabe iritsi zen azken jardunaldira. 289 kolperekin itxi zuen lehia.
Jon Rahmek agur esan dio garaipenerako borrokari Augustako Mastersean
Barrikako golf jokalariak ez du hirugarren jardunaldian suspertzerik lortu, eta Rory McIlroyren gainbeherak final irekia utzi du Cameron Youngekin batera.
Rahmek ozta-ozta egin du aurrera Augustako Mastersean
Jose Maria Olazabal, bi aldiz txapeldun izandakoa, kanpoan geratu da. Rory McIlroy iazko txapeldunak, berriz, sendo jarraitzen du titulua berriro irabazteko bidean.
Rahmek bigarren jaka berdea jantzi nahi du, McIlroyk bigarrena jarraian eta Schefflerrek Augustan historia egin
Lehen aldia da Barrikako, Ipar Irlandako eta Estatu Batuetako hiru golflariak Erresuma Batuko Irekitik, iragan uztailetik, txapelketa batean elkartzen direna. Bestalde, Jose Maria Olazabal hondarribiarrak berriro parte hartuko du, biziarteko tokia gordeta baitu 1994an eta 1999an lortutako garaipenengatik.
Janire Gonzalez-Etxabarri eta Adur Amatriain, Europako txapelketa irabazi ondoren: “Ez zen gure helburua, baina lortu dugu"
Txapelketara belauneko arazoekin iritsi zela aitortu du surflari zumaiarrak. Pare bat manga gainditzea xede zuela erantsi du Gonzalez-Etxabarrik. Era berean, Amatriainek esan du zazpigarren postua zuela helburu, Challengerrera sailkatzeko.
“Moztaileak Munduan” dokumentala, asteazken gauean, ETB1en
“Moztaileak Munduan” dokumentalak ardi moztaileen lana eta Euskal Selekzioak Zeelanda Berrian bizi izan zuen esperientzia ditu ardatz. Aurrestreinaldia egin dute gaur, Abadiñoko Errota Kultur Etxean.