Ryder Cupek Solheim Koparen lekukoa hartuko du, asteburuan, Erroman
Ryder Cup txapelketaren 44. ekitaldiak lekukoa hartuko dio, asteburuan, Solheim Kopari; hain zuzen ere, ostiralean, irailaren 29an, hasi eta igandean, urriaren 1ean, amaituko da. Erroman jokatuko dute, Marco Simone klubean, asteburuan Malagan Solheim Kopa jokatu ostean. Ameriketako Estatu Batuetako eta Europako golf jokalaririk onenak (24) arituko dira Ryder Cupen, eta Jon Rahm ere izango da bertan; barrikarra, egun, munduko sailkapeneko hirugarren postuan dago, eta Europari laguntzen saiatuko da, egun AEBk duen Ryder Kopa berreskura dezan.
Munduko sailkapena aztertuta, Ameriketako Estatu Batuetako taldeak aurreneko 25 jokalari onenen artean ditu jokalari guztiak; Rickie Fowlerrek du zerrendan posturik baxuena, 25. baitago. Europak, aldiz, hainbat golf jokalari ditu postu horretatik behera sailkatuta: Shane Lowry irlandarra 34. postuan dago, Justin Rose ingelesa 37. tokian, Robert McIntyre 55.ean, Ludvig Aberg suediarra 80.ean, eta Nicolai Hojgaard daniarra 82.ean.
Lehen hamar tokiei erreparatuta, AEBko sei golf jokalari eta Europako lau daude horien artean. Scottie Scheffler estatubatuarra dago, berriro, aurreneko postuan (11.29), eta Rory McIlroy iparrirlandarra da bigarrena (10.55). Jon Rahm (9.61) eta Victor Hovland (7.66) daude hirugarren eta laugarren postuetan.
Jarraian, hiru estatubatuar daude: Patrick Cantlay (7.13), Xander Schauffele (6.63) eta Max Homa (5.23). Matt Fitzpatrick ingelesa da zortzigarrena (4.98), eta Brian Harman (4.94) eta Wyndham Clark (4.77) estatubatuarrak daude bederatzigarren eta hamargarren postuetan.
Honako hauek dira Ryder Kopan arituko diren golf jokalariak: Ameriketako Estatu Batuetako taldean arituko dira Scottie Scheffler, Wyndham Clark, Brian Harman, Patrick Cantlay, Max Homa, Xander Schaffele, Brooks Koepka, Jordan Spieth, Collin Morikawa, Sam Burns, Rickie Fowler eta Justin Thomas; Europakoan, ordea, Rory McIlroy, Jon Rahm, Robert McIntyre, Victor Hovland, Tyrrell Hatton ingelesa, Matt Fitzpatrick, Tommy Fleetwood ingelesa, Sepp Straka austriarra, Justin Rose, Shane Lowry, Nicolai Hojgaard eta Ludvig Aberg hautatu dituzte.
Azken hamabi horiek Ryder Kopa Europako taldeari ematen saiatuko dira. Asteburuan jokatutako Solheim Kopak Europan jarraituko du; izan ere, hamazortzigarren ekitaldian, Europak eta AEBk 14-14 berdindu dute, eta emaitza horri esker, Europak eutsi egin dio Kopari. Carlota Ciganda bikain aritu da, eta erabakigarria izan da Europako taldearen arrakasta horretan.
Zure interesekoa izan daiteke
Carlota Ciganda 71 kolpeko txartelarekin estreinatu da Chevron Championshipen, bat parraz azpitik
Nafarrak bi birdie egin ditu, 5. eta 14. zuloetan, baina 9. zuloan bogey bat ere egin du. Eguneko gainerako zuloetan parra egin du. Ciganda bederatzigarren geratu zen iaz Chevron Championshipen.
Hawaiiko Kaiwi kanala, Iskander Sagarminagaren hurrengo erronka
Iskander Sagarminaga igerilari galdakaoztarrak aurrean duen hurrengo erronkaren berri eman du: Hawaiiko Kaiwi kanala zeharkatu nahi du, Molokai uhartean.
?fmt=webp-alpha&qlt=80)
Jon Rahmek LIV Golf Mexico City txapelketa irabazi du, eta hogeigarren postuan jarri da munduko sailkapenean
2026ko denboraldian, bigarrenez eskuratu du garaipena euskal golf jokalariak; izan ere, Hong Kongen ere gailendu zen. Mexikon, Rahmek paretik azpiko 21 egin du, alegia, bigarren sailkatuak baino sei kolpe gutxiago behar izan ditu.
Ainhize Belar: “15 egunetan hiru 9A bide egitea lortu dut, espero ez nuen zerbait da eta kriston motibazioa eman dit"
Eskalatzaile bizkaitarrak bere lorpenak errepasatu ditu denboraldi honetan, besteak beste, 'La Reina Mora' eta 'Estado Crítico'. Gainera, eskaladaren hazkundea azpimarratu du oro har, eta bereziki emakumeek kirol honetan duten parte-hartzea, batez ere "arrokan" eskalatzen.
McIlroyk irabazi du Augustan, bigarren aldiz jarraian; Rahmek, berriz, 39. postuan amaitu du
Barrikakoak ez zuen txapelketa ondo hasi ostegunean, eta aukerarik gabe iritsi zen azken jardunaldira. 289 kolperekin itxi zuen lehia.
Jon Rahmek agur esan dio garaipenerako borrokari Augustako Mastersean
Barrikako golf jokalariak ez du hirugarren jardunaldian suspertzerik lortu, eta Rory McIlroyren gainbeherak final irekia utzi du Cameron Youngekin batera.
Rahmek ozta-ozta egin du aurrera Augustako Mastersean
Jose Maria Olazabal, bi aldiz txapeldun izandakoa, kanpoan geratu da. Rory McIlroy iazko txapeldunak, berriz, sendo jarraitzen du titulua berriro irabazteko bidean.
Rahmek bigarren jaka berdea jantzi nahi du, McIlroyk bigarrena jarraian eta Schefflerrek Augustan historia egin
Lehen aldia da Barrikako, Ipar Irlandako eta Estatu Batuetako hiru golflariak Erresuma Batuko Irekitik, iragan uztailetik, txapelketa batean elkartzen direna. Bestalde, Jose Maria Olazabal hondarribiarrak berriro parte hartuko du, biziarteko tokia gordeta baitu 1994an eta 1999an lortutako garaipenengatik.
Janire Gonzalez-Etxabarri eta Adur Amatriain, Europako txapelketa irabazi ondoren: “Ez zen gure helburua, baina lortu dugu"
Txapelketara belauneko arazoekin iritsi zela aitortu du surflari zumaiarrak. Pare bat manga gainditzea xede zuela erantsi du Gonzalez-Etxabarrik. Era berean, Amatriainek esan du zazpigarren postua zuela helburu, Challengerrera sailkatzeko.
“Moztaileak Munduan” dokumentala, asteazken gauean, ETB1en
“Moztaileak Munduan” dokumentalak ardi moztaileen lana eta Euskal Selekzioak Zeelanda Berrian bizi izan zuen esperientzia ditu ardatz. Aurrestreinaldia egin dute gaur, Abadiñoko Errota Kultur Etxean.