Nahia Zudairek seigarren postua lortu du estiloko 200 metroetan, Manchesterreko Munduko Txapelketan

Nahia Zudaire igerilari usurbildarrak seigarren postua lortu du, larunbatean, estiloko 200 metroetan, Manchesterren (Erresuma Batua) jokatzen ari diren igeriketa egokituko Munduko Txapelketan.

Zudaire, Basque Teamekoa bera, larunbat arratsaldean jokatutako finalean, podiumetik zortzi segundora gelditu da.

Horrenbestez, gipuzkoarraren balantzea bikaina da, Munduko Txapelketan. Bi domina irabazi ditu: bata, zilarrezkoa, estilo libreko 400 metrokoan, eta bestea, brontzezkoa, bular estiloko 100 metroko proban; hori gutxi balitz, ohorezko bi postu erdietsi ditu: bosgarren bat, estilo libreko 100 metrokoan, eta, arestian esan bezala, estiloko 200 metrokoan.