Teresa Fernandez-Mirandak seigarren bukatu du BMX freestyleko finalean
Teresa Fernandez-Mirandak seigarren amaitu du BMX freestyle txapelketako finala Krakovian (Polonia) jokatzen ari diren Europako Jokoetan. Asteazkenean, park modalitatean finalerako txartela eskuratu ondoren, sailkatze txandan zazpigarren postuan bukatuta, gaur, finalean, postu bat gora egin du.
Jaiotzez donostiarra den kirolariak pozik bukatu du gaur egindako lanarekin, bere trikimailu eta piruetetarako puntuazio hobea lortu baitu. 52.00ko puntuazioa eman diote epaileek lehen itzulian, eta 64.00koa, bigarrenean. Gaur ez da bi puntuazioen arteko batez bestekoa egin, onena hartu baita erreferentziatzat, eta bigarren txandako nota horrek seigarren postua eman dio Teresari.
Urrea Iveta Miculycova txekiarrak eskuratu du (82.33), zilarra Kim Lea Mueller alemaniarrak (79.66) eta brontzea Laury Perez frantziarrak (77.00).
Bestalde, Ion Galarza eta Unai Mendikote gaur hasi dira 3x3ko saskibaloian lehiatzen. Polonian ez da plaza zuzenik banatzen, baina bai puntu kopuru interesgarria olinpiar jokoetarako rankingari begira.
Txapelketaren lehen zatia multzoen faseak osatzen du. Galarza eta Mendikoteren taldeak Lituaniaren eta Esloveniaren aurka jokatu dute gaur.
Espainiak 21-12 galdu du Letonia txapeldun olinpikoaren aurka. Bigarren partidan, berriz, Galarzak eta Mendikotek Eslovenia gainditu dute, 17-21eko emaitzarekin.
Zure interesekoa izan daiteke
Novak Djokovic Estatu Batuetako Irekitik kanpo geratu da, lehen errondan galdu du eta
Novak Djokovic tenis-jokalari serbiarra Estatu Batuetako Irekitik kanpo geratu da, lehen errondako partida galdu baitu, Mariano Navoneren aurka. Akituta amaitu du neurketa.
Jon Rahmen Legion XIII taldeak irabazi du LIV txapelketa
Barrikako golf-jokalaria buru duen taldeak garaipena lortu du, Indianapolisen jokatutako txapelketa irabazita. Banakako lehian, Rahm bigarren izan da.
Sinnerrek ez du AEBetako Irekian parte hartuko, eskuineko belaunean daukan lesioarengatik
Italiarrak, munduko lehen sailkatuak, ez du partida ofizialik jokatuko bigarren urtez jarraian Wimbledon konkistatu zuenetik.
Carlos Alcarazek bere tronua defendatuko du Estatu Batuetako Irekian
Murtziako tenislaria kantxetara itzuliko da New Yorken, eskuin eskumuturrean izan duen lesioa gainditu ostean.
Pou Anaiek eta Micher Quitok “Bonus Track” ireki dute Cordillera Blancan
Uda honetan, Eneko eta Iker Pouk, Peruko Micher Quito kidearekin batera, "Bonus Track" (WI7/M6/6c/1.060 m) ireki dute Ranrapalcan (6.162 m), Peruko Cordillera Blancan. Mendikate honetan inauguratu dituzten 22 ibilbideetatik gogorrena eta konprometituena. Hiru egunetan eta estilo alpinoan egin dute hori, Andeetako mendi handietako bati autonomia osoz aurre eginez.
LIV Golfek bertan behera utzi du bere azken txapelketa eta asteburu honetara aurreratu du taldekako finala
Michiganen abuztuaren 27tik 30era aurreikusitako taldekako finala asteburu honetara aurreratzea eta Indianapolisen jokatzea erabaki dute, LIVaren etorkizunari buruzko zalantzen erdian.
Rahm hamabosgarren postura jaitsi da munduko golf sailkapenean
Barrikako golf-jokalaria hamahirugarren postutik hamabosgarren postura jaitsi da. Bizkaitarrak datorren asteburuan Indianapolisen jokatuko du LIV zirkuituko azken txapelketa. Hala ere, dagoeneko txapeldun da.
Solaunek zilarra lortu du gimnastika erritmikoko Munduko Txapelketan
Larunbatean urrea eta 2028an Los Angelesko Olinpiar Jokoetarako txartela irabazi ondoren, gasteiztarrak distira egin du berriro Alemanian.
Salma Solaun, gimnastika erritmikoko munduko txapeldun
Gasteiztarrak urrea eskuratu du Espainiako taldearekin, eta, horrekin batera, Los Angelesko 2028ko Olinpiar Jokoetan lehiatzeko txartela.
Julen Saenz de Ormijanak historia egin du Europako Trial 26” txapelketan
Julen Saenz de Ormijana arabarra Europako txapeldun izendatu da elite Trial 26” mailan, Valvergen (Frantzia) egindako txapelketan. Pilotu gasteiztarrak adierazi du oraindik “sinetsi ezinda” dagoen arren, hurrengo asteko Munduko Kopan lehiatzeko “oso prest” dagoela.