Carlota Cigandak hamabigarren amaitu du Chevron txapelketan, denboraldiko lehen "handia"
Carlota Ciganda nafarrak hamabigarren postuan bukatu du igande honetan Chevron Txapelketan, Lilia Vu irabazlearengandik 5 kolpera, eta sentsazio gazi-gozoekin amaitu du denboraldiko lehen lehiaketa "handia".
Larraintzarkoak parra egin du laugarren eta azken jardunaldian (eagle bat, lau birdie eta sei bogey), eta parraren azpitik 5 kolpeko emaitzarekin amaitu du bere parte-hartzea.
"Nik uste dut badudala beharrezkoa den joko maila, eta zelai gogorrak ondo datozkidala. Zelai hauetan -10 eta -11ko emaitzekin irabazten da, eta onak dira niretzat. Beraz, saiatzen jarraitzea besterik ez da geratzen. Burua gora, eta aurrera", esan du Cigandak hedabideen aurrean.
Garaipena Lilia Vu estatubatuarrak bereganatu du, Angel Yin herrikideari berdinketa hausteko zuloan irabazita. -10 kolperekin amaitu dute biek txapelketako ohiko ibilbidea, eta, hala, berriro jokatu behar izan dute 18. zuloa. Zulo hori egiteko, 5 kolpe behar izaten dituzte, eta Vuk 4 baino ez zituen behar izan bolatxoa zuloan sartzeko. Aurkariak, ordea, 5 kolpe behar izan zituen.
Zure interesekoa izan daiteke
Jon Rahm zortzigarren postuan kokatu da munduko sailkapenean, 2024ko ekainetik ondoen
Euskal golf-jokalariak lau postu egin du gora aurreko astelehenarekin alderatuta, LIV Golf Andaluzian bigarren tokian amaituta. 2025eko denboraldia bukatu zenean, Rahm 84. postuan zebilen, mundu mailan.
Nellly Kordak Estatu Batuetako Irekia irabazi du, eta lau txapelketa nagusi daramatza bere ibilbidean
Golf-jokalari estatubatuarra kolpe bateko abantailaz gailendu da; Gaby Lopez mexikarra eta Charley Hull britainiarra izan dira bigarren postuan, berdinduta. Kordak zortzi parretik behera izan du, txapelketa amaituta.
Zverevek sufritu egin bere lehenengo handia irabazteko Parisen
Alemaniarrak Flavio Coboli garaitu du oso parekatuta egon den partida batean, hau bostgarren setean erabaki da, eta bertan, Zverev italiarraren gainetik pasa da.
Rahmek ezin izan du eragotzi Hattonen garaipena Valderraman
Barrikoztarra bi kolpera geratu da, eta bigarren postuan bukatu du Andaluziako txapelketa.
Maddi Barona, Andrea Mendiguren eta Nico Perez garaile Kyokushineko Munduko Kopan
Yin Yang Gasteizko karate klubaren 50. urteurrena dela eta, Kyokushineko Munduko Kopako proba bat Arabako hiriburuan egin da. 24 herrialdetako 460 karateka lehiatu dira Mendizorrotzan. 10 final jokatu dira, eta hirutan etxekoak nagusitu dira: Maddi Barona, 65 kilotik beherako 23 urtez azpiko mailan, Andrea Mendiguren, 55 kilotik beherako senior mailan, eta Nico Perez, 75 kilotik beherako senior mailan.
Andreevak bere lehenengo handia irabazi du Roland Garrosen
Tenislari errusiarrak Maja Chwalinska poloniarra garaitu du bi setetan (6-3 eta 6-2), ordubete eta 22 minutu iraun duen finalean.
Carlota Cigandak ez du kortea igaro AEBko Irekian
Nafarrak parretik gora 8 kolpe pilatu ditu guztira bigarren jardunaldiaren amaieran, eta 4 kolpe edo gutxiago bildu dituzten jokalariek egin dute aurrera.
Zverevek ez du hutsik egin, eta Cobolliren aurka jokatuko du Roland Garroseko finala
Matteo Arnaldi italiarrak ezin izan du bigarren finalaurrekoa lehiatu, birus batek jota, eta, ondorioz, Flavio Cobolli izango da Alexander Zvereven aurkaria Parisko final handian.
Adreevak eta Chwaliskak jokatuko dute emakumezkoen Roland Garroseko finala
Tenislari errusiarra bi setetan gailendu zaio Marta Kstyuk ukrainarrari finalerdietan (6-1 / 6-3). Poloniarrak, berriz, Diana Shnaider errusiarra garaitu du lehia estuago batean, bi setetan baita ere (7-6 (4) / 6-4).
Diana Shnaiderrek Aryna Sabalenka kanporatu du Roland Garrosen, final-laurdenetan
Tenislari errusiarrak, munduko sailkapeneko 23.a bera, hiru setetan menderatu du lehenengoa, 3-6, 7-5 eta 6-0. Finalerdietan, Shnaider eta Maja Chwalinska poloniarra arituko dira nor baino nor gehiago.