Carlota Cigandak eskuratu du Estrella Damm Ladies Opena
Carlota Ciganda golflari nafarrak (Larraintzar, 32 urte) bere bigarren Estrella Damm Mediterranean Ladies Opena lortu zuen igandean, laugarren txanda 70 kolperekin amaituta (2 parraz azpitik) eta guztira 270 kolpe eginda (18 parraz azpitik) txapelketa osoan. Gauzak horrela, bere zortzigarren garaipena lortu zuen profesional gisa: sei, Europako Zirkuituan eta bi, Amerikako Zirkuituan.
Cigandak lehen egunetik bereganatu zuen txapelketaren lidergoa, nahiz eta azken jardunaldia bukatzeko zortzi zulo falta zirela hura galdu zuen zenbait unez. Hain zuzen ere, atzetik zetozenei aukerak eman zizkien garaipenaren lehian sar zitezen bederatzigarren zuloan egindako bogey bikoitz batekin.
Horri Laura Beveridge eskoziarraren jardun bikaina gehitu zitzaion (6 parraz azpitik). Hala ere, azkenerako bigarren gelditu zen, nafarrarengandik 2 kolpera.
Izan ere, golflari Cigandak indarrak bildu eta, txapelketa irabazteko, bultzada eman zion eagle bat lortu zuen 16. zuloan.
Horrez gain, Magdalena Simmermacher argentinarrak, jardunaldia Cigandarengandik 5 kolpera hasi zuen arren, harekin berdindu zuen 6 zuloren faltan; dena den, azken txanpan indarra galdu eta hirugarren amaitu zuen, 15 parraz azpitik lortuta.
Zure interesekoa izan daiteke
Jon Rahm zortzigarren postuan kokatu da munduko sailkapenean, 2024ko ekainetik ondoen
Euskal golf-jokalariak lau postu egin du gora aurreko astelehenarekin alderatuta, LIV Golf Andaluzian bigarren tokian amaituta. 2025eko denboraldia bukatu zenean, Rahm 84. postuan zebilen, mundu mailan.
Nellly Kordak Estatu Batuetako Irekia irabazi du, eta lau txapelketa nagusi daramatza bere ibilbidean
Golf-jokalari estatubatuarra kolpe bateko abantailaz gailendu da; Gaby Lopez mexikarra eta Charley Hull britainiarra izan dira bigarren postuan, berdinduta. Kordak zortzi parretik behera izan du, txapelketa amaituta.
Zverevek sufritu egin bere lehenengo handia irabazteko Parisen
Alemaniarrak Flavio Coboli garaitu du oso parekatuta egon den partida batean, hau bostgarren setean erabaki da, eta bertan, Zverev italiarraren gainetik pasa da.
Rahmek ezin izan du eragotzi Hattonen garaipena Valderraman
Barrikoztarra bi kolpera geratu da, eta bigarren postuan bukatu du Andaluziako txapelketa.
Maddi Barona, Andrea Mendiguren eta Nico Perez garaile Kyokushineko Munduko Kopan
Yin Yang Gasteizko karate klubaren 50. urteurrena dela eta, Kyokushineko Munduko Kopako proba bat Arabako hiriburuan egin da. 24 herrialdetako 460 karateka lehiatu dira Mendizorrotzan. 10 final jokatu dira, eta hirutan etxekoak nagusitu dira: Maddi Barona, 65 kilotik beherako 23 urtez azpiko mailan, Andrea Mendiguren, 55 kilotik beherako senior mailan, eta Nico Perez, 75 kilotik beherako senior mailan.
Andreevak bere lehenengo handia irabazi du Roland Garrosen
Tenislari errusiarrak Maja Chwalinska poloniarra garaitu du bi setetan (6-3 eta 6-2), ordubete eta 22 minutu iraun duen finalean.
Carlota Cigandak ez du kortea igaro AEBko Irekian
Nafarrak parretik gora 8 kolpe pilatu ditu guztira bigarren jardunaldiaren amaieran, eta 4 kolpe edo gutxiago bildu dituzten jokalariek egin dute aurrera.
Zverevek ez du hutsik egin, eta Cobolliren aurka jokatuko du Roland Garroseko finala
Matteo Arnaldi italiarrak ezin izan du bigarren finalaurrekoa lehiatu, birus batek jota, eta, ondorioz, Flavio Cobolli izango da Alexander Zvereven aurkaria Parisko final handian.
Adreevak eta Chwaliskak jokatuko dute emakumezkoen Roland Garroseko finala
Tenislari errusiarra bi setetan gailendu zaio Marta Kstyuk ukrainarrari finalerdietan (6-1 / 6-3). Poloniarrak, berriz, Diana Shnaider errusiarra garaitu du lehia estuago batean, bi setetan baita ere (7-6 (4) / 6-4).
Diana Shnaiderrek Aryna Sabalenka kanporatu du Roland Garrosen, final-laurdenetan
Tenislari errusiarrak, munduko sailkapeneko 23.a bera, hiru setetan menderatu du lehenengoa, 3-6, 7-5 eta 6-0. Finalerdietan, Shnaider eta Maja Chwalinska poloniarra arituko dira nor baino nor gehiago.