Djokovic-Paul eta Sabalenka-Linette, Australiako Irekiko bigarren finalerdiak
Novak Djokovic tenislari serbiarrak eta Tommy Paul estatubatuarrak, gizonezkoetan, eta Aryna Sabalenka bielorrusiarrak eta Magda Linette poloniarrak, emakumezkoetan, osatu dituzte Australiako Irekiko bigarren finalerdiak.
Lehiaketak aurrera egin ahala, ematen du Australiako txapelketan bederatzi aldiz garaipena lortutako tenislaria gora egiten ari dela, eta aurreko txandan Alex de Miñaur australiarra erraz mendean hartu ondoren, antzekoa egin du final-laurdenetako neurketan, Andrey Rublev bosgarren zerrendaburuaren aurka (6-1, 6-2, 6-4) bi ordu pasatxoan.
Txapelketa handi batean jokatuko duen 44. finalerdian, eta Melbourne Parken bere hamargarren finala jokatzeko bidean, "Nole"k Tommy Paul estatubatuarra izango du aurkari. Paulek Ben Shelton herrikidea kanporatu du lau setetan, 7-6 (6), 6-3, 5-7 eta 6-4ko emaitzarekin.
LINETTEK BERE AMETSAREKIN JARRAITZEN DU
Bestalde, emakumezkoen atalean, Magda Linette poloniarrak ezustekoa ematen jarraitzen du. Munduko sailkapeneko 45. postuan sailkatuta dagoenak Grand Slam bateko bere lehen titulutik bi urratsera gelditu da. Bere ibilbidean zehar, orain arte ez du sekula hirugarren txandako kanporaketa gainditzerik izan.
Linettek Iga Swiatek bere herrikiderentzat gordeta zegoen protagonismoa hartu du; izan ere, munduko lehen sailkatuak final-zortzirenetan esan behar izan zion agur txapelketari. Horrenbestez, Linettek Melbournen egiten ari den jardun onari eutsi dio, eta Karolina Pliskova txekiarrari gailendu zaio (6-3, 7-5).
Aryna Sabalenka bielorrusiarra izango du aurrez aurre, emakumezkoen sailkapenean bizirik geratzen den serie-buru altuena (bosgarrena). Sabalenka lehen aldiz heldu da Australiako Irekiko finalerdietara, eta Donna Vekic kroaziarrari nagusitasunez irabazita (6-3, 6-2).
Sabalenkak espero du hurrengo kanporaketan finalerdiekin duen madarikazioa haustea eta Grand Slameko bere lehen finala jokatu ahal izatea, 2021ean eta 2022an Estatu Batuetako Irekian eta 2021ean Wimbledonen finalaren atarian galdu ostean.
Zure interesekoa izan daiteke
KIROLAK EITB aro berria martxan da
Martxan da KIROLAKEITB.EUS atari berria; bertan jasoko dugu EITBren kirol unibertsoa: streaming emanaldiak, bideoak, albisteak… Sartu eta gozatu!
Bost euskal kirolari lehiatuko dira Milan-Cortina d'Ampezzoko Joko Olinpikoetan
Alde batetik, Basque Team Fundazioaren beka duten hiru kirolari Espainiako selekzioarekin lehiatuko dira otsailaren 6an hasiko diren Joko Olinpikoetan: Lucas Eguibar, Alvaro Romero eta Arrieta Rodriguez; baita Daniel Milagros abiadurako patinatzaile iruindarra ere. Bestetik, Manex Salsamendi euskal herritar-brasildarra iraupen eskian lehiatuko da Brasilgo selekzioarekin.
Zarauzko golf klubean 100 urte atzera egin dute
Urtero bezala, urteari amaiera emateko Zarauzko golf klubean denboran atzera egin dute "Open Hickory" lehiaketari esker. Garai bateko jantziak soinean, eta Hickory makilak eskuartean zituztela aritu dira golfean, duela 100 urte bezala.
Lucas Eguibar bere laugarren Jokoetan lehiatuko da, Milan-Cortina d 'Ampezzon
Aldez aurretik Basque Teameko snowboardlari donostiarra Sotxi 2016, Pyeongchang 2018 eta Beijing 2022an izan da, eta bi diploma olinpiko eskuratu ditu.
Marino Zulet Dakarren izango da Toyotarekin
Azken bost urteetan bezala, Dakar Rallyaren edizio berrian azpiegitura jarriko du Zuletek. Toyotarekin egongo dira berriro eta euskal lantaldea osatuko dute.
Agur "Boxeo Izarrak" saioari
Euskal Telebistako Kiroletako taldearentzat, egun berezia da gaurkoa. 34 urteren ostean, "Boxeo Izarrak" saioaren azken atala emitituko da gaur gauean. Gure lankide Pedro Marik aurkeztuta, urte luzez nazio mailako eta nazioarteko borrokaldi onenak eskaini dituen saioak, agur esango du gaur. Zorionak, eta eskerrik asko Pedro Mari, egindako lan guztiarengatik.
Lindsey Vonnek bigarren gaztaroa bizi du, bost urtez goi mailako lehiaketatik at eman ondoren
Eskiatzaile estatubatuarrak, aurreko hamarkadan izarra izan zenak, distira egin du berriro, eski alpinoko Munduko Kopako proba bat irabazi duen beteranoena baita.
Hugo Gonzalez de Oliveira Europako txapelduna, faboritoa Ordizian, Eguberriko igeriketa Txapelketan
Proba Europako Ligakoa da; hurrengo astelehenean izanen da, abenduaren 29an, eta EITBk zuzenean emanen du.
Basque Teamek fundazioko urteko euskal kirolari nabarmenenak omendu ditu Gabonetako galan
Janire Fernandez-Etxabarri eta Aitor Francesena surflariak, Salma Solaun gimnasta, Anton Legorburu munduko eta Europako errugbi txapeldunordea eta Iñigo Llopis eta Nahia Zudaire paralinpikoak izan dira omenduetako batzuk. Bestetik, goi mailari agur esan diotenei omenaldia egiteko ere aprobetxatu dute. Tania Calvo txirrindulariaren kasua da hori.
Pedro Mari Goikoetxeak "Boxeo Izarrak" saioari agur esan dio
Ostiral gauero, Pedro Mari Goikoetxeak Manu Maritxalarrekin batera munduko lehiarik ikusgarrienak eta zirraragarrienak eskaini eta komentatu dituzte. Pedro Marik 34 urteren ondoren saioa agurtu du, laster erretiroa hartuko baitu.