Nadal lesionatu eta Australiako Irekitik kanpo geratu da, McDonalden aurka galduta
Rafa Nadal tenislari espainiarra Australiako Irekitik at geratu da asteazken honetan, Mackenzie McDonald estatubatuarraren aurka hiru setetan galdu ostean (6-4, 6-4, 7-5). Balearretako kirolariak lesionatuta jokatu du bigarren setaren amaieratik aurrera.
Hala, Nadalek, Melbourne Parken berriz ere garaipena lortzeko lehen faboritoak, medikuen laguntza eskatu du lehenengo seta galdu eta bigarrenean 5-3 azpitik zihoala. Lehendabizi, pistan bertan artatu du, ezkerreko aldakaren parean izandako arazo batengatik, eta, gerora, aldageletara alde egin behar izan du. Dena den, itzuli egin da neurketa jokatzen saiatzeko.
Tenis arloko 22 txapelketa handi bereganatu dituenak Rod Laver Arenako pistan jarraitzea lortu du, baina, agerikoa zen ezinean zebilela. Hala, ahalegindu den arren, ezin izan du lehia galtzea ekidin.
"Ezin naiz inola ere nire bizitzaz kexatu. Baina kirolari, lesioei eta une zailei dagokienez bakarrik, beste kontu bat da. Ezin dut esan une honetan ez nagoenik lur jota, gezurretan ariko nintzatekeelako", aitortu du prentsaurrekoan.
"Batzuetan amorrazioa eragiten du, eta onartzeko zaila da. Batzuetan oso nekatuta sentitzen zara lesio guzti hauengatik. Ez pentsatu atzerapausorik eman nahi dudanik, ez da hala, baina nire egungo sentsazioak txarrak dira", azaldu du tenislariak.
Zure interesekoa izan daiteke
KIROLAK EITB aro berria martxan da
Martxan da KIROLAKEITB.EUS atari berria; bertan jasoko dugu EITBren kirol unibertsoa: streaming emanaldiak, bideoak, albisteak… Sartu eta gozatu!
Bost euskal kirolari lehiatuko dira Milan-Cortina d'Ampezzoko Joko Olinpikoetan
Alde batetik, Basque Team Fundazioaren beka duten hiru kirolari Espainiako selekzioarekin lehiatuko dira otsailaren 6an hasiko diren Joko Olinpikoetan: Lucas Eguibar, Alvaro Romero eta Arrieta Rodriguez; baita Daniel Milagros abiadurako patinatzaile iruindarra ere. Bestetik, Manex Salsamendi euskal herritar-brasildarra iraupen eskian lehiatuko da Brasilgo selekzioarekin.
Zarauzko golf klubean 100 urte atzera egin dute
Urtero bezala, urteari amaiera emateko Zarauzko golf klubean denboran atzera egin dute "Open Hickory" lehiaketari esker. Garai bateko jantziak soinean, eta Hickory makilak eskuartean zituztela aritu dira golfean, duela 100 urte bezala.
Lucas Eguibar bere laugarren Jokoetan lehiatuko da, Milan-Cortina d 'Ampezzon
Aldez aurretik Basque Teameko snowboardlari donostiarra Sotxi 2016, Pyeongchang 2018 eta Beijing 2022an izan da, eta bi diploma olinpiko eskuratu ditu.
Marino Zulet Dakarren izango da Toyotarekin
Azken bost urteetan bezala, Dakar Rallyaren edizio berrian azpiegitura jarriko du Zuletek. Toyotarekin egongo dira berriro eta euskal lantaldea osatuko dute.
Agur "Boxeo Izarrak" saioari
Euskal Telebistako Kiroletako taldearentzat, egun berezia da gaurkoa. 34 urteren ostean, "Boxeo Izarrak" saioaren azken atala emitituko da gaur gauean. Gure lankide Pedro Marik aurkeztuta, urte luzez nazio mailako eta nazioarteko borrokaldi onenak eskaini dituen saioak, agur esango du gaur. Zorionak, eta eskerrik asko Pedro Mari, egindako lan guztiarengatik.
Lindsey Vonnek bigarren gaztaroa bizi du, bost urtez goi mailako lehiaketatik at eman ondoren
Eskiatzaile estatubatuarrak, aurreko hamarkadan izarra izan zenak, distira egin du berriro, eski alpinoko Munduko Kopako proba bat irabazi duen beteranoena baita.
Hugo Gonzalez de Oliveira Europako txapelduna, faboritoa Ordizian, Eguberriko igeriketa Txapelketan
Proba Europako Ligakoa da; hurrengo astelehenean izanen da, abenduaren 29an, eta EITBk zuzenean emanen du.
Basque Teamek fundazioko urteko euskal kirolari nabarmenenak omendu ditu Gabonetako galan
Janire Fernandez-Etxabarri eta Aitor Francesena surflariak, Salma Solaun gimnasta, Anton Legorburu munduko eta Europako errugbi txapeldunordea eta Iñigo Llopis eta Nahia Zudaire paralinpikoak izan dira omenduetako batzuk. Bestetik, goi mailari agur esan diotenei omenaldia egiteko ere aprobetxatu dute. Tania Calvo txirrindulariaren kasua da hori.
Pedro Mari Goikoetxeak "Boxeo Izarrak" saioari agur esan dio
Ostiral gauero, Pedro Mari Goikoetxeak Manu Maritxalarrekin batera munduko lehiarik ikusgarrienak eta zirraragarrienak eskaini eta komentatu dituzte. Pedro Marik 34 urteren ondoren saioa agurtu du, laster erretiroa hartuko baitu.