Jon Rahmek Sentry Tournament of Champions txapelketa bereganatu du, emaitza iraulita
Jon Rahm golf jokalari bizkaitarrak Sentry Tournament of Champions txapelketa bereganatu zuen igandean, erakustaldi aparta eman ostean. Hamar parretik behera bukatu zuen saioa.
Zazpi kolpeko desabantaila -horietako bederatzi azken 17 zuloetan- bazuen ere, Morikawaren beheraldia aprobetxatu zuen garaipenaz jabetzeko.
Horrela, golflari barrikarrak zortzigarren titulua (2023ko lehena) eskuratu zuen PGA txapelketan.
Sekulako balentria izan zen Rahmek erdietsitakoa, are gehiago kontuan hartuta laugarren jardunaldia bogey batekin hasi zuela eta ordura arte bikain ibili zen Morikawak, berriz, birdie bat erdietsi zuela estreinako zulo horretan. Hartara, emaitza horrekin iparramerikarrarengandik bederatzi kolpera egon zen 17 zuloren faltan.
Gainera, estatubatuarrak aurreko hiru egunetan jokatutako 54 zuloetan akatsik egin gabe egin zion aurre azken txanpari, eta bide beretik jarraitzen zuen 67. zuloan jokatu ostean ere.
Aitzitik, Rahmek ez zuen argitasuna galdu, eta pausoz pauso joatea erabaki zuen, erritmoa hartu eta torneoa ondo bukatu nahian, azken garaipenean pentsatu gabe.
"Hasierako bogeyaren ostean hau egingo nukeela esanez gero, ez dakit sinetsiko nizukeen. Une horretan ez duzu irabaztean pentsatzen, lan egin eta birdieak lortu besterik ez duzu egin behar erritmoa hartzeko", aitortu zuen bizkaitarrak txapelketa amaitzean.
Eta modu ezin hobean egin zuen. Lau birdie lortu zituen hurrengo bost zuloetan, eta hiru birdie eta eagle bat kateatu zituen hamabigarrenetik hamabosgarrenera bitartean. Une horretan konturatu zen bere helmugak alda zitezkeela, eta ezinezkoa zirudiena gerta zitekeela.
Hamahirugarren zuloraino bikain jardun zuen Morikawak argitasuna galdu zuen bere lehen akatsaren ondoren (hamalaugarrenean), eta bi bogey gehiago kateatu zituen hamabosgarrenean eta hamaseigarrenean. Akats horien eraginez, lidertza galdu zuen.
Rahmek, geldiezin jada, birdie batekin itxi zuen bere ibilbidea, eta ordurako lur jota zegoen Morikawak bere jarduna osatu arte itxaron besterik ez zuen egin behar izan tituluaren ofizialtasuna izateko.
Rahmentzat lehen garaipena da Sentry Tournament of Champions txapelketan, nahiz eta aurreko denboraldian ere oso gertu izan zuen garaipena, bigarren geratu baitzen Cameron Smith irabazlearengandik kolpe bakarrera da. Antzekoa egin zuen Vijay Singh fijitarrak duela 16 urte, hots, aurreko denboraldian bigarren eginda txapelketa bereganatzea.
Horrez gain, Rahmek protagonizatutako balentria 1978tik ikusten ez zen horietako bat izan zen.
Azkenerako, bi kolpeko aldearekin gailendu zitzaion Morikawari bi kolpeko. Ondoren, Tom Hoge eta Max Homa sailkatu ziren, lau kolpera. Urrunago geratu ziren Sei kolpera geratu ziren Scottie Scheffler eta Matthew Fitzpatrick (seira).
Zure interesekoa izan daiteke
KIROLAK EITB aro berria martxan da
Martxan da KIROLAKEITB.EUS atari berria; bertan jasoko dugu EITBren kirol unibertsoa: streaming emanaldiak, bideoak, albisteak… Sartu eta gozatu!
Bost euskal kirolari lehiatuko dira Milan-Cortina d'Ampezzoko Joko Olinpikoetan
Alde batetik, Basque Team Fundazioaren beka duten hiru kirolari Espainiako selekzioarekin lehiatuko dira otsailaren 6an hasiko diren Joko Olinpikoetan: Lucas Eguibar, Alvaro Romero eta Arrieta Rodriguez; baita Daniel Milagros abiadurako patinatzaile iruindarra ere. Bestetik, Manex Salsamendi euskal herritar-brasildarra iraupen eskian lehiatuko da Brasilgo selekzioarekin.
Zarauzko golf klubean 100 urte atzera egin dute
Urtero bezala, urteari amaiera emateko Zarauzko golf klubean denboran atzera egin dute "Open Hickory" lehiaketari esker. Garai bateko jantziak soinean, eta Hickory makilak eskuartean zituztela aritu dira golfean, duela 100 urte bezala.
Lucas Eguibar bere laugarren Jokoetan lehiatuko da, Milan-Cortina d 'Ampezzon
Aldez aurretik Basque Teameko snowboardlari donostiarra Sotxi 2016, Pyeongchang 2018 eta Beijing 2022an izan da, eta bi diploma olinpiko eskuratu ditu.
Marino Zulet Dakarren izango da Toyotarekin
Azken bost urteetan bezala, Dakar Rallyaren edizio berrian azpiegitura jarriko du Zuletek. Toyotarekin egongo dira berriro eta euskal lantaldea osatuko dute.
Agur "Boxeo Izarrak" saioari
Euskal Telebistako Kiroletako taldearentzat, egun berezia da gaurkoa. 34 urteren ostean, "Boxeo Izarrak" saioaren azken atala emitituko da gaur gauean. Gure lankide Pedro Marik aurkeztuta, urte luzez nazio mailako eta nazioarteko borrokaldi onenak eskaini dituen saioak, agur esango du gaur. Zorionak, eta eskerrik asko Pedro Mari, egindako lan guztiarengatik.
Lindsey Vonnek bigarren gaztaroa bizi du, bost urtez goi mailako lehiaketatik at eman ondoren
Eskiatzaile estatubatuarrak, aurreko hamarkadan izarra izan zenak, distira egin du berriro, eski alpinoko Munduko Kopako proba bat irabazi duen beteranoena baita.
Hugo Gonzalez de Oliveira Europako txapelduna, faboritoa Ordizian, Eguberriko igeriketa Txapelketan
Proba Europako Ligakoa da; hurrengo astelehenean izanen da, abenduaren 29an, eta EITBk zuzenean emanen du.
Basque Teamek fundazioko urteko euskal kirolari nabarmenenak omendu ditu Gabonetako galan
Janire Fernandez-Etxabarri eta Aitor Francesena surflariak, Salma Solaun gimnasta, Anton Legorburu munduko eta Europako errugbi txapeldunordea eta Iñigo Llopis eta Nahia Zudaire paralinpikoak izan dira omenduetako batzuk. Bestetik, goi mailari agur esan diotenei omenaldia egiteko ere aprobetxatu dute. Tania Calvo txirrindulariaren kasua da hori.
Pedro Mari Goikoetxeak "Boxeo Izarrak" saioari agur esan dio
Ostiral gauero, Pedro Mari Goikoetxeak Manu Maritxalarrekin batera munduko lehiarik ikusgarrienak eta zirraragarrienak eskaini eta komentatu dituzte. Pedro Marik 34 urteren ondoren saioa agurtu du, laster erretiroa hartuko baitu.