Jorge Lorenzo, irabazle Qatarko Sari Nagusian
Jorge Lorenzok (Yamaha YZR-M1) irabazi du Qatarko Sari Nagusia, eta munduko txapeldunak iragan denboraldia amaitu zuen modu berean ekin dio aurtengo sasoiari; garaipena lortuta.
Yamahako pilotu espainiarra izan da onena Losail zirkuituan. Andrea Dovizioso (Ducati Desmosedici GP16) izan da bigarren, eta Marc Marquez (Repsol Honda RC213V), hirugarren. Valentino Rossik (Yamaha YZR-M1) laugarren bukatu du, eta, ondorioz, podiumetik at geratu da.
Efrén Vazquez, 22. Moto2 mailan
Efren Vazquez euskal pilotuak ez dio oso ondo ekin denboraldiri Moto2 mailan. Bilbotarrak 22. postuan amaitu du Qatarko Sari Nagusia. Thomas Luthik irabazi du lasterketa, Luis Salom izan da bigarren, eta Simone Corsi, hirugarren.
Qatarko Sari Nagusiko sailkapena, MotoGP mailan:
1. Jorge Lorenzo (Espainia), Yamaha, 42:28.452
2. Andrea Dovizioso (Italia), Ducati, 42:30.471
3. Marc Marquez (Espainia), Honda, 42:30.739
4. Valentino Rossi (Italia), Yamaha, 42:30.839
5. Dani Pedrosa (Espainia), Honda, 42:42.535
6. Maverick Vinales (Espainia), Suzuki, 42:43.875
7. Pol Espargaro (Espainia), Yamaha, 42:47.081
8. Bradley Smith (Erresuma Batua), Yamaha, 42:47.104
9. Hector Barbera (Espainia), Ducati, 42:49.612
10. Scott Redding (Erresuma Batua), Ducati, 42:52.887
11. Aleix Espargaro (Espainia), Suzuki, 43:04.299
12. Eugene Laverty (Irlanda), Ducati, 43:10.208
13. Alvaro Bautista (Espainia), Aprilia, 43:10.384
14. Jack Miller (Australia), Honda, 43:10.434
15. Tito Rabat (Espainia), Honda, 43:23.405
Zure interesekoa izan daiteke
2026ko Carmen Adarraga Saria, Marian Azpirozentzat
Marian Azpirozek jaso du 2026ko Carmen Adarraga Saria surfean izan duen ibilbide oparoarengatik. Pukas marka ezagunaren sortzaileetako bat izateaz gain, 70. Hamarkadan surfaren profesionalizazioan lan handia egindakoa da.
Justin Rosek DP World Tourrean dauzkan zorrak ordaintzea eskatu dio Jon Rahmi: “Ryder Kopa dirua baino gehiago da”
Justin Rose golf jokalari britainiarrak, munduko sailkapeneko bosgarrena bera, DP World Tourrek ezarritako zorrak ordaintzea eskatu dio Jon Rahmi, hurrengo Ryder Kopan jokatu ahal izateko helburuarekin; txapelketa hori “diru kontua baino gehiago da”, ziurtatu du.
Mikel Linazisoro etxera itzuli ondoren: "Bergarak dena ematen dit, etxean sentitzeak bete egiten nau"
Medikuntzako ikasketak amaitu eta eskaladaren aldeko erabateko apustua egin zuen. San Cugateko errendimendu altuko zentroan izan zen, sasoiz ederto, baina buruz ez hainbeste. Etxera itzuli eta gutxira Baltzolan Iñi Ameriketan 9a+ mailako bide ezaguna kateatu du.
"Laetitia”, Leti Canalesi buruzko dokumentala, Surf Film Festivalen
Leti Canales Euskal Herriko surflari handienetakoa da, eta dagoeneko badu dokumentala: “Laetitia”. Sopelako surflaria “oso pozik" dago "bere filma hemen, etxean, jartzeko aukera izateagatik”.
Bilbao Surf Film Festivalen 11. edizioa aurkeztu da
Martxoaren 18tik 22ra bitartean egingo da eta aurten lau egoitza ofizial izango ditu, bina Getxon eta Bilbon. 60 filmetik gora ikusi izango dira ikusgai; tartean, Laetitia.
Higinio Rivero ez da sailkatu iraupen-eskiko esprinteko finalerdietarako, baina historia egin du
Iraupen-eskian lehiatuta, barakaldarra, 43 urtekoa bera, hiru kiroletan aritu da Joko Paralinpikoetan; Estatuan, ez du hori beste inork egin. Riverok, asteartean, hogeita laugarren postua eskuratu du.
Argazki-galeria: Egoitz Bijueska, park modalitateko munduko txapelduna
Egoitz Bijueska skater bilbotarra izan da nagusi Sao Paulon jokatutako Munduko Skate Txapelketetan. Kalani Konig brasildarra geratu da bigarren, eta Tom Schaar estatubatuarraren, hirugarren.
Egoitz Bijueska, park modalitateko munduko txapelduna 15 urterekin
Bilbotarrak urrea eskuratu du 95.83ko puntuazioarekin, Kalani Konig brasildarraren (zilarra) eta Tom Schaar estatubatuarraren (brontzea) aurretik.
Egoitz Bijueska, park modalitateko finalera!
Naia Lasok, aldiz, 15. postuan bukatu du lehia finalerdietan, eta finaletik kanpo geratu da.
Higinio Riverok historia egin du Milango Neguko Paralinpiar Jokoetan
Espainiarekin biatloi egokituan parte hartu duen lehen kirolaria izan da.