Chourrautek zilarrezko domina erdietsi du Munduko Kopan

Maialen Chourrautek zilarrezko domina erdietsi du Seu d’Urgellen jokatutako K1n Munduko Kopan. Lasartearrak 98.93 denboran burutu du probaren azken jaitsiera.

Londreseko Mundiala du orain jomuga Chourrautek, izan ere, Rio 2016ko Olinpiar Jokoetarako tokia irabazi dezake bertan. “Etxean beti irabazi nahi dugu, baina denboraldiko laugarren domina da eta pozik egon behar naiz”, azaldu du Seu d’Urgellen bizi den euskaldunak.

Azkenik, Chourrauten hitzetan, “Olinpiar Jokoetara joan beharra daukagu, horixe behar eta desio dugulako. Londresera heltzeko gogoak dauzkat, bertako oroitzapen onak baititut gordeak, hala ere, jakin badakit oso zaila eta gogorra izango dela”.