Irujo-Barriola vs. Ezkurdia-Zabaleta, zuzenean, ETB1en eta eitb.eus-en
Eibarko pilota jaialdia, Endesa Ligako bi saskibaloi partida eta Venta de Bañoseko krosa izango dira gaurko kirol eskaintzaren ardatz nagusiak.
12:15ean hasiko da ETB1en Fiatc Joventut-Bilbao Basket norgehiagoka, Xabier de la Fuenteren eta Josean Aldalurren kontakizunarekin, eta 12:30ean ETB4n Ucam Murcia-Laboral Kutxa, Asier Arangurenekin eta Aitor Uriondorekin. Biak ala biak, eitb.eus-en ere jarraitu ahal izango dira.
Eibarko pilota jaialdia 17:00etan hasiko da, ETB1en eta eitb.eus-en. Partida nagusia Binakako Txapelketakoa izango da, Irujo-Barriola vs. Ezkurdia-Zabaleta. Aurretik Jaunarena-Merino I eta Altuna III-Cecilio izango dira aurrez aurre, eta ondoren, Apezetxea-Urruzola eta Gorka-Larrinaga. Xabier Euzkitze, Joxan Tolosa eta Elena Azpeitia izango dira esatariak.
14:15ean, ETB4n eta eitb.eus-en, Venta de Bañoseko nazioarteko krosaren berri emango dute Juanan Legorburuk eta Xabier Leibarrek.
16:00etan, herri kirolen tartea zabalduko du ETB1ek, hilaren 14an Diman Julian Larreak marka bila egindako saioa eskaintzeko. Juanan Legorburuk egingo du kontakizuna Joxe Etxebeste lagun duela.
20:15ean, ETB4n, Durangoko zesta punta torneoko 3. eta 4. posturako norgehiagokaren berri emango du Iñigo Aiestaranek: Lesbats-Etcheto / Olha-Del Río.
Amaitzeko, Mikel Olazabalek futbol jardunaldiaren errepasoa egingo du 'Gol Festa' saioan 19:30etik aurrera ETB1en. 23:00etan, Athletic-At. Madrid partidaren laburpena egingo du Jorge Cerratok.
Zure interesekoa izan daiteke
Rahmek ez du kortea pasatu AEBko Irekian
Bigarren jardunaldi gorabeheratsu baten ondoren, Barrikakoak 6 kolpe hartu ditu parearen gainean, eta bertan behera utzi behar izan du.
Kirol ekitaldiak eta beroa: “Hidratazioa da garrantzitsuena”
Iñaki Arratibel medikuak gomendio batzuk ematen dizkie kirola egiten dutenei bero handia egiten duen egunetan. Hidratazioaz gain, oso garrantzitsuak dira, elikadura, janzkera eta norberaren zentzua.
Jon Rahmek bigarren bukatu du eguna AEBko Irekian, lainoak baldintzatutako lehen jardunaldian 2 parretik behera eginda
Behin-behinean, euskal golf-jokalariak 4 kolpera du liderra, Wyndham Clark estatubatuarra. Meteorologia tarteko, txapelketa ia bi orduz gelditu behar izan dute. Rahmen 13 zulo jokatu ditu, eta zazpi lehiakiderekin dago bigarren postuan berdinduta.
Jose Maria Olazabal: “V. Bizkaia Openak etorkizun ona dauka; profesionalek zelaia eta txapelketa maite ditugu”
Jose Maria Olazabal, Augustako Mastersa bi aldiz irabazi duen jokalaria, V. Bizkaia Openeko kartelaren buru da, Espainiako Golf Profesionalaren Elkarteko (PGAe) zirkuituaren txapelketa garrantzitsuenetakoan. Olazabalekin batera, beste 145 jokalarik eman dute izena. Hondarribikoak ostegun honetan hasi den US Opena ere aztertu du, baita Jon Rahmek txapelketan izango dituen aukerak ere.
Donostiako Hipodromoaren 110. Udako Denboraldia aurkeztu dute
EITBk lankidetza hitzarmena berreskuratu du Donostiako Hipodromoarekin eta albistegi zein euskarri digitalean ikusgai izango dira Udako 110. Denboraldiko lasterketen laburpenak.
Rahmek hirugarren handia nahi du Estatu Batuetako Irekian, Shinnecock Hills zelai zailean
Barrikako jokalariak protagonista izan nahi du Scottie Scheffler eta Rory McIlroyren aurrean, besteak beste, zelai beldurgarri batean, Shinnecock Hillsen (New York).
Mattin Iñiguez eta Aner Bueno: “Mentalki prestatu gara, baita hagan ere; helburua disfrutatzea da”
Mattin Iñiguez eta Aner Bueno elkarren artean lehiatuko dira Pirinioetako zeharkaldian. Ez dute erronka makala aurretik, Hondarribia eta Port de la Selva herria lotzen dituzten 528 kilometro egingo dituzte korrikaz eta airez. Gainera, hogei herrialdeetatik etorritako mundu mailako kirolariak izango dituzte aurkari.
Angela Vilariño: “Buelta pixka bat kostatu zait, baina gutxinaka hobetzen ari gara eta oso pozik nago”
Angela Vilariño pilotua lehiaketara itzuliko da bost urteko etenaldiaren ostean. Europako Mendi Txapelketan lehiatuko da, eta “moldatzen” eta “lasterketaz lasterketa hobetzen” ari badira ere, “emakumezkoen kopa berriro ekartzen” saiatuko dela adierazi du hondarribiarrak. (Bideoa gazteleraz)
Egoitz Bijueskak brontzezko domina irabazi du Ostiako skateboarding Munduko Kopan
2028an Los Angelesen izango diren Olinpiar Jokoetarako bidean, World Skateko munduko zirkuituko lehen proba puntuagarria jokatu dute, asteburuan, eta Basque Teameko skaterrak hirugarren postua eskuratu du. Gainera, emakumezkoen finalean, Naia Lasok, Basque Teamekoa bera ere, zazpigarren tokia erdietsi du.
Ainhize Belarrek urteko 9a mailako laugarren bidea kateatu du Baltzolan
2026a urte aparta izaten ari da Atxondoko eskalatzaile gaztearentzat. 20 urte besterik ez izan arren, munduko eskalatzaile onenen artean kokatu da bere azken lorpenei esker, eta etorkizun oparoa du aurretik.