Getxoko Munduko Sokatira Txapelketak 16 selekzio nazional eta 580 kirolari bilduko ditu
Getxoko Lur gaineko Munduko Sokatira Txapelketak 16 selekziotako 580 kirolari bilduko ditu. Ostegun honetan egindako aurkezpenean baieztatu dutenez, txapelketa irailaren 16tik 19ra jokatuko da, Fadurako Kiroldegian. Txapelketak jarraipen berezia izango du, egunero, EITBn: 09:30etik 12:30era eta 13:30etik 17:30era.
Getxo izango da Lur gaineko Munduko Sokatira Txapelketaren egoitza, irailaren 16tik 19ra. Txapelketa 2020ko irailerako aurreikusita zegoen, baina COVID-19aren pandemiak atzeratzera behartu zuen.
Basque Country selekzioak 8 mailatako tiraldietan parte hartuko du. Bestalde, lau euskal klubek hartuko dute parte munduko txapelketan, 7 kategoriatan aritzeko 18 talde osatuz. Gainera, 15 selekzio gehiago izango dira bertan, herrialde hauetakoak: Belgika, Txina Taipei, Txekiar Errepublika, Ingalaterra, Frantzia, Alemania, Israel, Italia, Letonia, Herbehereak, Polonia, Errusia, Hegoafrika, Suitza eta Suedia.
Lehiaketak zenbait kategoria izango ditu, modalitate eta pisuen arabera. Horien artean, sexuaren araberako atalak eta mistoak ere badaude.
Munduko Txapelketak jarraipen berezia izango du egunero EITBn, 09:30etik 12:30era eta 13:30etik 17:30era.
Basque Country
TWIF (Tug of War International Federation) Munduko Sokatira Federazioak eskubide osoko kide gisa onartu zuen Euskal Herriko taldea 2014an, eta, beraz, nazioarteko lehiaketetan parte har dezake, Euskal Herria izenarekin.
Kirolari dagokionez, Euskal Herriko selekzioak arrakasta-maila handienak lortu nahi ditu, euskal selekzioek nazioartean edozein kirol-modalitatetan lehiatzeko duten gaitasuna eta nahia erakutsiz.
Txapelketa honetan Euskal Herriko taldeak 8 mailatan arituko dira: emakumezkoen 500 eta 540 kiloko mailetan; gizonezkoen 560, 640, 680 eta 720 kiloko mailetan; 580 kiloko mistoan eta 23 urtez azpiko gizonezkoen 600 kiloko mailan.
2021eko Getxoko Munduko Txapelketako egitaraua
Irailak 14, asteartea: Izen-ematea hoteletan
Irailak 15, asteazkena: Izen ematea eta pisaketa hoteletan
- 14:00 boten berrikuspena eta onespena Faduran eta bisita egoitzara
- 16:00 Briefinga Faduran
Irailak 16, osteguna
Goizeko saioa
- 680 kg, gizonak
- 580 kg, mistoa
Arratsaldeko saioa
- 560 kg, gizonak
- 500 kg, emakumeak
Irailak 17, ostirala
Goizeko saioa
- 720 kg, gizonak
- 600 kg, gizonak, 23 urtez azpikoak
Arratsaldeko saioa
- 640 kg, gizonak
- 540 kg, emakumeak
- 18:00 Hasiera ekitaldia
Irailak 18, larunbata: Munduko Txapelketa
Goizeko saioa
- 680 kg, gizonak
- 580 kg, mistoa (Munduko Jokoetarako txartela lortzeko baliagarria)
Arratsaldeko saioa
- 560 kg, gizonak
- 500 kg, emakumeak
Irailak 19, igandea: Munduko Txapelketa
- 720 kg, gizonak
- 600 kg, gizonak, 23 urtez azpikoak
Arratsaldeko saioa
- 640 kg, gizonak (Munduko Jokoetarako txartela lortzeko baliagarria)
- 540 kg, emakumeak (Munduko Jokoetarako txartela lortzeko baliagarria)
Zure interesekoa izan daiteke
Taiwango Munduko Txapelketatik bueltan, pozarren
Taiwanen jokatutako Munduko Sokatira Txapelketan euskal ordezkaritza zabala izan da, eta urrezko dominarik lortu ez badute ere, maila ona eman dute. Ibarra, Abadiño, Antsoain eta Txantreako taldeek parte hartu dute, taldeka ez ezik, Euskal Herria ordezkatuz ere lehiatuta.
Euskal Selekzioak hiru domina kolkoratu ditu Taiwango Munduko Txapelketan
Emakumezkoek zilarra eskuratu dute 500 kilora artekoan, eta beste biak brontzezkoak izan dira: bata gizonezkoek lortu dute 600 kilora artekoan, eta bestea, berriz, 23 urtez azpiko mistoak.
Ibarra Sokatira Taldea, hirugarren, Taiwango Mundu Txapelketan
Munduko Sokatira Txapelketa jokatzen ari dira egunotan Taiwanen, Taipei hiriburuan. Euskal ordezkaritzari dagokionez, Abadiño Sokatira Taldeak hirugarren egin zuen, eta gauza bera egin dute gaur Ibarra Sokatira Taldeko emakumeek.
Abadiñoko Sokatira Taldea, hirugarren, Taiwango Mundu Txapelketan
Munduko Sokatira Txapelketa jokatzen ari dira egunotan Taiwanen, Taipei hirian. Euskal ordezkaritzari dagokionez, Abadiñoko Sokatira Taldeak hirugarren egin du ostegun honetan. Asteburuan Euskal Selekzioaren txanda izango da.
Euskal Herriak zilarra lortu du Munduko Sokatira Txapelketan, gizonezkoen 560 kilokoan
Euskal selekzioak zilarrezko domina lortu du Nottinghamen (Ingalaterra), Munduko Sokatira Txapelketan, gizonezkoen 560 kiloko kategorian, finalean Suitzaren aurka galdu eta gero.
Euskal Herriko 23 urtez azpiko talde mistoak brontzea bereganatu du Munduko Sokatira Txapelketan
Euskal Herriko 23 urtez azpiko talde mistoak brontzea bereganatu du Nottinghamen (Ingalaterra), Munduko Sokatira Txapelketan, hirugarren posturako lehian Suitza menderatuta.
Euskal Herria munduko txapeldun sokatiran, gizonezkoen 600 kilokoan
Euskal selekzioak urrea irabazi du Nottinghamen (Ingalaterra) jokatzen ari den Munduko Sokatira Txapelketan, gizonezkoen 600 kiloko kategorian final estuan Suitza menderatuta.
Goiherrik zilarra bereganatu du 23 urtez azpikoan; Gaztedik, berriz, brontzea 540 kilokoan
Nottinghamen (Ingalaterra) jokatzen ari den Munduko Sokatira Txapelketan, Goiherrik zilarra bereganatu du emakumeen 23 urtez azpiko modalitatean; Gaztedik, berriz, brontzea 540 kilokoan.
Gaztedik lortu du urrea, eta Goiherrirentzat izan da zilarra, Munduko Sokatira Txapelketan
Munduko Sokatira Txapelketan, Nottinghamen (Ingalaterra), bi euskal talde izan dira aurrez aurre 560 kiloko kategoriako gizonezkoen finalean: Gaztedi eta Goiherri. Lehia estua izan dute, eta, azkenean, hirugarren tiraldian, Laukizko taldeak mendean hartu du Erandiokoa.
23 urtez azpiko Goiherriko talde mistoak brontzezko domina lortu du Sokatirako Munduko Txapelketan
Goiherriko neska-mutilek brontzezko domina zintzilikatu dute Sokatirako Munduko Txapelketan, 23 urtez azpiko mailan. Bestalde, emakumezkoen 500 kiloko mailan Gaztedi ko A eta B taldeek, eta Goiherrik ezin izan dute multzoen fasea gainditu. Gizonezkoen 680 kilokoan, Mutrikuk ez du tiraldirik irabazi.