Etxauri argi gailendu zaio Albizuriri harri baldarraren lehian, eta "Harri Herri" saioko finalean izango da
Etxauri taldeak Albizuri hartu du mendean "Harri Herri" saioko gizonezkoen lehenengo finalerdian, astelehenean, eta, horrenbestez, EITBk hilaren 27an emango duen final handirako sailkatu da. Etxauri, Joseba Ostolaza kapitain, eta Luis Mari Telleria kapitain duen Albizuri oso parean ibili dira harri landuekin, baina harri baldarraren lehian Aimar Galarraga eta Paulo Azpiazu Etxauriko ordezkariak oso nagusi izan dira; izan ere, 24 jasoaldi egin dituzte, alegia, Albizuriko Jokin Eizmendik eta Gari Garmendiak baino 11 gehiago, azken horiek 13 aldiz jaso baitute harri baldarra.
Arestian esan bezala, harri landuekin ia-ia berdinduta aritu dira bi taldeak. Luis Mari Telleriak irabazi du zozketa, eta zehaztu du harri-jasotzaileek hiru minutu izango zituztela koadroarekin aritzeko, bi minutu kubikorako, minutu bat zilindrorako, eta bi minutu bolarako. 188 kiloko koadroan, Jokin Eizmendi Albizuriko harri-jasotzaileak bederatzi jasoaldi lortu ditu, eta Etxauriko Aimar Galarragak, berriz, zazpi; 125 kiloko kubikoan, berdinketa izan da, Etxauriko Hodei Iruretagoienak eta Albizuriko Gari Garmendiak hamahiruna jasoaldi erdietsi baitituzte.
Etxauriko Paulo Azpiazuk, 125 kiloko zilindroan, 14 jasoaldi eskuratu ditu, Albizuriko Iraitz Arrutik baino bi gehiago; eta 100 kiloko bolari dagokionez, Etxauri izan da nagusi beste behin, Iker Sojok 20 aldiz jaso baitu, eta Mikel Marijuanek, 17 aldiz. Kontuan izanik harri baldarraren lehiarako segundo gehien ematen dituzten jasoaldiak errektangularrean lortutakoak direla, Jokin Eizmendiren taldeak lau minutu eta 44 segundo izan ditu azken lehia horretarako, hau da, Joseba Ostolazaren harri-jasotzaileek baino segundo bat gehiago. Erabakitzeke zegoen dena, beraz.
Harri baldarrari aurre egiteko, Joseba Ostolazak Aimar Galarraga eta Paulo hautatu ditu; Luis Mari Telleriak, ordea, Jokin Eizmendi eta Gari Garmendia aukeratu ditu. Etxauri aise gailendu zaio Albizuriri, 24-13. Ondorioz, Ostolazaren gizonak "Harri Herri" saioaren finalean izango dira; horretan, Laukariz edo Igeldo izango dute aurkari, eta hilaren 21ean argituko da bi talde horietako zeinek eskuratzen duen finalerako sailkatzea. Aurretik, hurrengo astelehenean, Uliak eta Mollarrik emakumezkoen bigarren finalaurrekoa jokatuko dute; irabazlea Ibiurren kontra arituko da final handian.
| GIZONEZKOEN LEHENENGO FINALERDIA | |||||
| KOADROA | KUBIKOA | ZILINDROA | BOLA | DENBORA | |
| ETXAURI | 7 | 13 | 14 | 20 | 3:43 (+1:00) |
| ALBIZURI | 9 | 13 | 12 | 17 | 3:44 (+1:00) |
| HARRI BALDARRA | |||||
| JASOALDIAK | |||||
| ETXAURI | 24 | ||||
| ALBIZURI | 13 | ||||
Puntuazioa: KOADROA (8 segundo jasoaldiko), KUBIKOA (5 segundo jasoaldiko), ZILINDROA (3 segundo jasoaldiko) eta BOLA (3 segundo jasoaldiko).
Zure interesekoa izan daiteke
Morandeirak, Atxutegik, Ansorregik, Etxebestek, Alberdik eta Larrañagak finalerako txartela eskuratu dute
Banakako Kirol Herriko hirugarren jardunaldia jokatu dute gaur Oñatin. Parte hartu duten sei kirolarik eskuratu dute finalerako txartela: harri-jasotzean, Malen Morandeirak eta Ane Atxutegik; aizkoran, berriz, Uxue Ansorregik, Arkaitz Etxebestek, Julen Alberdik eta Mikel Larrañagak.
Euskal Selekzioak hiru domina kolkoratu ditu Taiwango Munduko Txapelketan
Emakumezkoek zilarra eskuratu dute 500 kilora artekoan, eta beste biak brontzezkoak izan dira: bata gizonezkoek lortu dute 600 kilora artekoan, eta bestea, berriz, 23 urtez azpiko mistoak.
Ibarra Sokatira Taldea, hirugarren, Taiwango Mundu Txapelketan
Munduko Sokatira Txapelketa jokatzen ari dira egunotan Taiwanen, Taipei hiriburuan. Euskal ordezkaritzari dagokionez, Abadiño Sokatira Taldeak hirugarren egin zuen, eta gauza bera egin dute gaur Ibarra Sokatira Taldeko emakumeek.
Ardi-moztaileen euskal selekzioak mugarri historikoak ezarri ditu Munduko Txapelketan
Euskal Herriko ardi-moztaileen eta artilarien selekzioak mugarri historikoak ezarri ditu Zeelanda Berrian. Batetik, Euskal Herriko selekzioa lehen aldiz lehiatu da mundu mailako txapelketarik handienean; bestetik, Munduko Kontseiluko kidea izango da aurrerantzean.
'Harri Herri'ren laugarren edizioa martxoaren 30ean abiatuko da
Maiatzaren 4ra arte luzatuko da lehia. Gainera, txapelketa berritasunekin dator.
Harri-jasotzearen ikuskizuna bueltan da EITBn, 'Harri Herri'ren laugarren edizioarekin
Momentuko kirolari onenak izango dira lehian, martxoaren 30etik maiatzaren 4ra bitartean, ETB1en eta kirolakeitb.eus atarian. Juanan Legorburuk, Idoia Etxeberriak eta Ane Muruamendiarazek gidatuko dute emanaldia Etxebarriko frontoitik.
Soroak eta Zalduak larunbatean Tolosan jokatuko den desafioa aurkeztu dute
Ibai Soroak eta Xabier Zalduak larunbat arratsalderako egin dute hitzordua, Tolosako zezen-plazan. 4.000 euro izango dira jokoan, eta 10 kanaerdiko eta 4 oinbiko moztu beharko dituzte. Soroak lehen desafioa du; Zalduak, berriz, hamabigarrena.
Gari Garmendia nabarmendu da bigarren jardunaldian, nahiz eta saioa hasi aurretik harrietako bat hautsi
Idiazabalgo harri-jasotzailea Urtainek bere garaian erabilitako koparekin aritzekoa zen, baina apurtu zaio, eta Xabat Olaizolaren koadroarekin egin behar izan du saioa. 13 jasoaldi egin ditu, kubikoarekin 12 eta bolarekin 16. Honenbestez, Garmendiak finalerako txarteletako bat berea du.
"Kirol Herri" saioko banakako lehia bizi-bizi hasi da, harri-jasotzean eta aizkolaritzan
Lehen jardunaldian, Ainitze Zumeta Maddi Gesalaga baino hobeto aritu da, eta Mikel Lopetegik Beñat Telleria menderatu du; Nerea Arruti finalerako sailkatu da, eta Julen Alberdik lehia ederra izan du Arkaitz Etxebesterekin.
Larunbat honetan hasiko da Banakako Kirol Herri
"Kirol Herri" saioaren banakako txapelketa hasiko da asteburu honetan, Aizkoitian. Emakumezkoak zein gizonezkoa aizkorarekin eta harriarekin ikusiko ditugu. Final handia martxoaren 28an izango da.