Ergobia eta Etxauri, "Harri Herri" saioko lehen finalistak
"Harri Herri" programak bere lehen saioa izan du astelehen honetan, eta bertan Ergobia eta Etxauri izan dira talde abilenak Harri eta Herri harri baldarrekin, eta apirilaren 10eko finalerako sailkatu dira.
Berezia da saioaren formatua. Izan ere, taldekako lanaren helburua harri landuekin ahalik eta altxaldi gehien batzea da, bukaeran harri baldarrarekin denbora gehiago izateko, azken horrek emango baitio garaipena taldeari.
Harri landuekin egindako altxaldi bakoitzak denbora kopuru jakin bat gehituko dio amaierako saioari. Emakumezkoetan, kuboari egindako jasoaldi bakoitzak 5 segundo batuko ditu, zilindroak 4 eta bolak 2. Gizonezkoetan, bestalde, koadroak eta kubiokoak 4 segundo batuko dituzte, zilindroak eta bolak 2 segundo.
Ergobia (Karmele Gisasola, Lierni Osa eta Garazi Arruti) eta Ulia (Udane Ostolaza, Patricia Martin, Olaia Esnaola) taldeen arteko lehian, Joseba Ostolazari (Ulia taldeko kapitaina) egokitu zaio harri bakoitza altxatzeko denbora banatzea, eta 88 kiloko koadroari 2 minutu eman dizkio, 63 kiloko zilindroari 3 minutu eta 50 kiloko bolari minutu bat.
Koadroarekin Udane Ostolaza eta Karmele Gisasola egon dira parez pare. Ulia taldeko Ostolazak heldu dio lehenik harriari eta 7 aldiz jaso du; Gisasolak, berriz, 9 aldiz. Zilindroaren txanda heldu da ondoren, Patricia Martinek 31 aldiz jaso du 5 arroako harria, eta Lierni Osak ezin izan du marka berdindu, 27 jasoaldira heldu baita. Azkenik, bolarekin aritu dira Olaia Esnaola eta Garazi Arruti. Ostolazaren gidaritzapekoak 14 aldiz altxa du harria. Garazi Arrutik, ordea, 11 aldiz eraman du harria sorbaldara.
Horrela, Uliak 3 minutu eta 7 segundoko denbora batu du (35 segundoko, 124 segundoko eta 28 segundoko bonusak), eta Ergobiak 2 minutu eta 55 segundokoa (45 segundoko, 108 segundoko eta 22 segundoko bonusak). Beraz, 12 segundo gutxiago zituen Zelai II.aren (Ergobia taldeko kapitaina) hirukoak harri baldarrarekin aritzeko.
Zeregin horretan, Karmele Gisasola izan da Herri jasotzen lehena, hasieran buruarekin ezetz egiten badu ere, gerora 10 aldiz eraman du harri baldarra kolkora. Olaia Esnaolak, baina, jasoaldi bakarra egitea lortu du, eta horrek Ergobiaren finalerako sailkapena ziurtatu du.
Gizonezkoen txandan, Laukariz (Xabier Aranburu, Jon Unanue, Xabat Olaizola, Gorka Etxeberria) eta Etxauri (Jokin Eizmendi, Aimar Galarraga, Imanol Royo eta Paulo Azpiazu) laukoteen arteko neurketan ere, Ostolazak (Etxauriko kapitaina) irabazi du hasierako zozketa, eta hark banatu ditu jasoaldien denborak: 3 minutu 200 kiloko koadroarentzat, 4 minutu 137,5 kiloko kubikoarentzat, 2 minutu 125 kiloko zilindroarentzat eta minutu bat 100 kiloko bolarentzat.
Koadroarekin, Laukarizeko Xabier Aranburuk ekin dio lanari eta 6 jasoaldi egin ditu. Jokin Eizmendik 3 jasoaldi gehiago (9) egin ditu. 11 arroako kubikoarekin, berriz, Jon Unanue eta Aimar Galarraga aritu dira, oraingoan Laukarizekoak jasoaldi gehiago egin ditu, 15; Etxaurikoak, berriz, 13. Xabat Olaizola eta Imanol Royo zilindroarekin aritu dira. Lehenak 22 jasoaldi egin ditu, bigarrenak, 20. Harri landuekin egindako azken saioa bolarekin egin dute Gorka Etxeberriak eta Paulo Azpiazuk; 12 eta 17 jasoaldi egin dituzte hurrenez hurren.
Etxauri 10 segundoko abantailarekin heldu da Harri harri baldarra jasotzera. Ostolazak zuzendutako mutilek 2 minutu eta 42 segundo (36 segundoko, 52 segundoko, 40 segundoko eta 34 segundoko bonusak) izan dituzte. Zelairenek (Laukariz taldeko kapitaina), bestalde, 2 minutu eta 32 segundo (24 segundoko, 60 segundoko, 44 segundoko eta 24 segundoko bonusak). Abantaila horrek ezarri du aldea Gorka Etxeberriaren eta Jokin Eizmendiren artean, hain zuzen ere, jasoaldi bat gehiagorekin sailkatu baita Etxauri finalerako (9 eta 10 egin dituzte, hurrenez hurren).
FITXA TEKNIKOA:
| EMAKUMEZKOAK | ||||
| KOADROA | ZILINDROA | BOLA | DENBORA | |
| ERGOBIA | 9 | 27 | 11 | 2:55 |
| ULIA | 7 | 31 | 14 | 3:07 |
| HARRI BALDARRA | ||||
| JASOALDIAK | ||||
| ERGOBIA | 10 | |||
| ULIA | 1 | |||
Puntuazioa: KOADROA (5 segundo jasoaldiko), ZILINDROA (4 segundo jasoaldiko) eta BOLA (2 segundo jasoaldiko).
| GIZONEZKOAK | |||||
| KOADROA | KUBIKOA | KOPA | BOLA | DENBORA | |
| LAUKARIZ | 6 | 15 | 22 | 12 | 2:32 |
| ETXAURI | 9 | 13 | 20 | 17 | 2:42 |
| HARRI BALDARRA | |||||
| JASOALDIAK | |||||
| LAUKARIZ | 9 | ||||
| ETXAURI | 10 | ||||
Puntuazioa: KOADROA (4 segundo jasoaldiko), KUBIKOA (4 segundo jasoaldiko), KOPA (2 segundo jasoaldiko) eta BOLA (2 segundo jasoaldiko).
Zure interesekoa izan daiteke
Euskal Duatloiaren bigarren finalerdia, asteburuan, Zumarragan
13 kirolari izango dira lehian, baina bakarrik hiruk lortuko dute ekainaren 7an Tolosan jokatuko den finalerako txartela. Pasa den astean, Eloy Kortxerok, Julen Kañamaresek eta Oier Mitxelenak lortu zuten aurrera egitea Berastegin jokatutako lehen finalerdian.
Euskal Duatloiaren finalerdiak hasiko dira asteburuan Berastegin
Euskal Duatloiaren lehen finalerdia jokatuko da asteburu honetan. Larunbatean, Berastegiko eskola atarian arratsaldeko bostetan. Bigarrena, Maiatzaren 23an Zumarragako Euskadi Plazan. Finala ekainaren 7an jokatuko da, Tolosan.
Albizuri aise nagusitu zen gizonezkoen “Harri Herri” finalean
Albizuri taldeak irabazi zuen Harri Herri saioko gizonezkoen finala, Etxauriko harri-jasotzaileak mendean hartuta. Harri baldarrari 28 jasoaldi egin zizkioten Oskar Aguasek, Jon Gisasolak, Mikel Lopetegik eta Xabier Aranburu Guztak.
Albizuriko txapeldunen sentsazioak, finalean zehar
Albizuri taldeak irabazi du Harri Herri saioko laugarren edizioa, gizonezkoen finalean Etxauri mendean hartuta. Taldekako azken lan saioan, harri baldarrari 28 jasoaldi egin dizkiote Oskar Aguasek, Jon Gisasolak, Mikel Lopetegik eta Xabier Aranburu Guztak.
Albizurik jantzi du txapela, harri baldarrari 28 jasoaldi eginda eta Etxauri menderatuta
Txapeldunek ia minutu bat gehiago izan dute harri baldarraren azken lan saioa burutzeko, eta ez dute barkatu. Proba guztietan nagusi izan dira, batean salbu, 125 kiloko zilindroan soilik gailendu baita Etxauri.
Iker Vicente, Australian txapeldunorde amaituta: “Oso pozik, baina hortxe nabil, pauso hori ematea falta izan zait”
Otsagabiako aizkolariak bigarren postua lortu du, Australian, Munduko Txapelketan, Azkartasun proban. EITBK elkarrizketa egin dio, eta adierazi du oso ondo iritsi zela lehiara, baina “aizkolari handiak” izan ditu aurkari.
Uliako txapeldunek finalean zehar izan dituzten sentsazioak eta amaierako poza
Udane Ostolaza kapitainaren gidaritzapean, Estefania Etxebeste, Eider Garcia Durana, Sara Jimenez de Aberasturi eta Alba Zubiria harri-jasotzaileek osatutako taldeak 47 jasoaldi egin dizkio harri baldarrari azken lan saio erabakigarrian.
Ulia, txapeldun, finalean Mollarri mendean hartu eta harri baldarrari 47 jasoaldi eginda
Udane Ostolaza kapitainaren gidaritzapean, Estefania Etxebeste, Eider Garcia Durana, Sara Jimenez de Aberasturi eta Alba Zubiria harri-jasotzaileek osatutako taldeak irabazi du final estu eta zirraragarria.
Etxaurik Igeldo gainditu du bigarren finalerdian, harri baldarrarekin markarik onena lortuta
Joseba Ostolaza kapitainaren mutilek, Jon Marijuan, Gari Garmendia, Beñat Telleria eta Imanol Royo Lartain harri-jasotzaileek, harri baldarrari 20 altxaldi eman dizkiote 04:37 minutuan. Joxerramon Iruretagoiena Izeta II.aren lau mutilek, ostera, 15 jasoaldi egin dituzte, 04:03 minutuan.
Ulia nagusi izan da bigarren finalerdian, eta Ibiur finaletik at utzi du
Estefania Etxebeste, Eider Garcia Durana, Sara Jimenez de Aberasturi eta Alba Zubiria harri-jasotzaileek osatutako taldeak 34 jasoaldi egin dizkio harri baldarrari azken lan saioan. Patricia Martin, Lierni Osa, Ane Cestau eta Naroa Arruti, ordea, denbora tarte dezente laburragoan 30 aldiz altxatzeko gai izan dira.