Sansek mailari eustea ziurtatu du Mirandesen aurka azken unean berdinduta (2-2)
Dani Diazek 93. minutuan sartutako golak puntu erabakigarria eman dio talde txuri-urdinari Anoetan, Bigarren Mailan jarraitzea matematikoki ziurtatzeko.
Reala B vs Mirandes. Argazkia: @RSZubieta_
Talde txuri-urdinak bere salbazioa matematikoki ziurtatu du Mirandesen aurka 2-2 berdindu ondoren. Partida ia galduta izan dute donostiarrek, baina Dani Diazek 93.minutuan egindako golak eztanda eragin du Anoetan.
Mirandesek 17. minutuan hartu du aurrea markagailuan, Medranok korner baten irteeran sartutako golari esker.
Gol horrek erreakzionatzera behartu du Ansotegiren taldea, eta pixkanaka nagusitzen hasi da etxeko taldea.
Astiazaranek lehen abisua eman du area kanpotik egindako jaurtiketa batekin, eta handik gutxira Juanpak beste aukera argi bat gelditu dio aurrelariari. Realak baloiarekin protagonismo handiagoa hartu du, eta Lebarbierrek zein Gorosabelek arriskua sortu dute etengabe. Azken horrek aukera garbia izan du ezkerkada batekin, baina baloia gutxigatik joan da kanpora.
Atsedenaldira iritsi aurretik heldu da berdinketa. Beitiak 1-1ekoa egin du korner batean.
Bigarren zatia hasi eta berehala, Bauzak berriro aurreratu du Mirandes buruz egindako burukada bikain batekin, Hugo Novoaren erdiraketa aprobetxatuta (1-2).
Hortik aurrera, Mirandes partida kontrolatzen saiatu da jabetza luzeekin, eta etxeko taldeak berdinketa bilatu du behin eta berriz.
Ansotegik aldaketak egin ditu erasoa indartzeko, eta Gorka Carreraren sarrerak eragina izan du. Mirandesek partida erabakitzeko aukeraren bat izan duen arren, ez du asmatu eta garesti ordaindu du.
Partida erabakita zegoela zirudienean, Dani Diazek eromena piztu du Anoetan, 93. minutuan. Kantabriarrak baloi arriskutsu bat bidali du areara, eta Juanparen atean sartu da 2-2koa egiteko.
Berdinketa honekin, talde txuri-urdinak salbazio matematikoa ziurtatu du bi jardunaldiren faltan, eta Mirandes salbaziotik hiru puntura geratu da.
Zure interesekoa izan daiteke
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
_945_?fmt=webp-alpha&qlt=80)
Matarazzo: “Jokalariak prest daude; mugimenduak espero ditugu hurrengo asteotan”
Realak gaur egin du azken entrenamendua. Bihar 21:00etan Elxen aurkako partida izango dute eta 24 jokalari eramango ditu Matarazzok, tartean Sanseko bost. Estatubatuarrak eskaini duen lehen prentsaurrekoan “datozen asteotan mugimenduak” espero dituela adierazi du.
Carlos Soler: “Iaz gol gehien jaso zituen taldea izan ginen, argi dago zerbait aldatzen saiatu behar garela"
Erdilari valentziarraren ustez, talde txuri-urdina "gol gutxiago jasotzen saiatu behar da, taldearen defentsa lana hobea izatea, iaz ez baitzen hala izan". Carlos Solerren hitzetan, Realak "denboraldiaurre ona" egin du. Gainera, pozik dago lehen denboraldiaurre osoa izan delako berarentzat, joan den udan talde gipuzkoarrera iritsi ostean.
Javi Lopez, utzita Feyenoordera
Realak eta Herbehereetako klubak akordioa itxi dute, hegalekoak Rotterdamen jarrai dezan hurrengo denboraldian.
Realak badaki dagoeneko Txapeldunen Ligako atariko kanporaketaren itzuliko partida noiz jokatuko duen
Txuri-urdinek irailaren 2an, asteazkenean, 19:00etan, Zubietan jokatuko dute neurketa erabakigarria.
Chelsearen eta Realaren arteko lagunartekoaren golak (3-1)
Realak 3-1 galdu du Chelsearen aurkako lagunartekoa. Rogersek eta João Pedrok egin dituzte etxekoen golak, azken honek bi sartu dituelarik. Aramburuk, berriz, Realekoa.
FUTBOLA ZUZENEAN: Chelsea vs Reala
Ikusi Chelseak eta Realak jokatuko duten lagunarteko partidaren zuzeneko emanaldia.
Liga hasiera kaskarra Sanserentzat, Castelloren aurka galduta (0-1)
Ousmane Camararen gol goiztiarrak punturik gabe utzi ditu txuri-urdinak, gutxinaka hoberantz joan direnak, baina sendotasuna falta izan zaie azken metroetan.