Brais Mendezek bi partidako zigorra bete beharko du, epaileak San Mameseko derbian txartel gorria erakutsi ondoren
Realak alegazioak aurkeztu zituen txartel gorria "bidegabekeriatzat" jo ondoren, baina batzordeak ez ditu kontuan hartu eta jokalaria zigortu du. Horrela, Braisek ezin izango du Elxen eta Real Madrilen kontra jokatu.
Brais Mendez Jauregizarrekin lehian, San Mameseko derbian. Argazkia: Europa Press
Brais Mendez Realeko jokalaria EA Sports Ligako 22. jardunaldiko Athleticen aurkako derbian egotzi zuen epaileak, eta orain Espainiako Futbol Federazioko Diziplina Batzordeak erdilari txuri-urdinari bi partidako zigorra ezarri dio .
Guillermo Cuadra Fernandezek txartel gorria erakutsi zion Brais Mendezi 83 minutuan , Aitor Paredes Athleticeko atzelariarekin izandako tirabira polemiko baten ondoren, eta Batzordeak zigor hori ezarri dio, "jokotik kanpo modu bortitzean gertatu zelako, eta jokoa geldituta edo ez zegoelako baloia jokatzeko aukerarik".
Epaileak aktan azaldu zuenez, "indarkeriazko jokabide bat izan zen, baloia jokoan egon gabe gehiegizko indarra erabili baitzuen aurkari bati aurpegian zartada emateko".
Realak alegazioak aurkeztu zituen txartel gorria "bidegabekeriatzat" jon ondoren, baina batzordeak ez ditu aintzat hartu eta jokalaria zigortu du.
RFEFk jakitera zuenez, Donostiako klubak bere idatzian adierazi zuen jokaldian "inguruabar aringarriak izan zirela, arau-haustearen aurretik, Paredesen probokazioa egon zelako", atzelari zuri-gorriak erdilari galiziarra bultzatu baitzuen.
"Era berean, asmorik, erasorik eta gehiegizko indarrik ez zen izan, ezta ondorio kaltegarri edo lesiorik ere", gaineratu zuen Realak.
Honenbestez, Brais Mendez baja izango da Elxen aurka, larunbatean Anoetan, eta Real Madrilen kontra, otsailaren 14an, Santiago Bernabeun.
Zure interesekoa izan daiteke
Aramburu: "Urteak daramatzagu finaletik gertu; guztia emango dugu"
Jon Mikel Arambururekin elkartu gara, Realeko jokalaria da eta Athleticen aurkako derbian San Mamesen gehien nabarmendu zen futbolarietako bat. Kopako finalerdiak ate joka ditugula, asteazkeneko partidaz, taldeaz eta, nola ez, finalaz hitz egin dugu. (Bideoa, espainolez).
Realak errebantxa hartu du Kopan (2-0)
Realak 2-0 irabazi dio Levante Badalonari, Erreginaren Kopatik at utzi zuen taldeari, Zubietan jokatu den F Moeve Ligako 19. jardunaldiko partidan. Lagovezek lehen gola sartu du, lehen zatian, eta Eizagirrek bigarrena, luzapenean.
Gorrotxategi: "Futbola boladak dira, eta orain momentu oso onean gaude"
Realeko jokalariak Elxen aurka lortutako garaipenaz (3-1) hitz egin du, EA Sports Ligako 23. jardunaldian.
Matarazzoren Realak geldiezin jarraitzen du (3-1)
Elx Sucic, Oyarzabal eta Oskarssonen golei esker menderatuta, txuri-urdinek porrotik gabe jarraitzen dute entrenatzaile berria etorri zenetik.
Sansek bolada txarra eten du Andorran (1-2)
Donostiako taldeak jaitsiera postuetatik ihes egin du, behin-behinean, Gorosabelen eta Carreraren golei esker.
Matarazzo: “Oso berezia da finalerdietan Athleticen aurkako derbia izatea”
Pellegrino Matarazzoren adierazpenak, Errege Kopako finalerdietan Athleticen aurka jokatuko duten derbiari buruz.
Realak zaplaztekoa jaso du luzapenean eta finalerdien atarian geratu da (0-1)
Arturo Ruizen jokalariek partidako aukerarik argiena izan dute norgehiagokaren azken minutuetan, baina Pardok jaurtitako penaltia Maria Lopez Badalonako atezainak gelditu du. Luzapenaren bigarren zatian, Pinillosek kanporaketa erabaki duen gola sartu du.
Jon Martin: “Ez gara oso ondo hasi, baina azken unera arte lanean jarraitu dugu eta irabazi egin dugu”
Reala Errege Kopako finalerdietarako sailkatu da Alavesi Mendizorrozan 2-3 irabazi ostean. Jon Martinek azaldu duenez, ez dira nahi bezain ondo hasi, baina egoerari buelta emateko gai izan dira, azken unera arte borrokatu dute eta lan horri esker lortu dute garaipena.
Pellegrino Matarazzo Realeko entrenatzailea: “Oso kontziente gara Kopak daukan garrantziaz”
“Oso kontziente gara Kopak daukan garrantziaz, oso emozionatuta gaude biharko partidarako”, argitu du talde txuri-urdinaren entrenatzaileak, eta “gure lehenengo finala” bezala definitu du Alavesen aurkako partida. Gainera, Matarazzok Alavesen jokalari onenak espero ditu: “Deskantsatzeko bi egun gehiago izan dituzte, eta, beraz, ez dute aldaketarik egiteko beharrik”.