Sergio Franciscok agur esan dio Realari, gutun hunkigarri batean: "Betiko eramango dut guztion maitasuna"
Txuri-urdinen entrenatzaile ohiak eskerrak eman dizkie zaleei "une zailenetan ere babes leiala" emateagatik. Gainera, futbol profesionalean "erronka berriei" aurre egiteko prest agertu da.
Sergio Francisco, Realaren entrenatzaile ohia, partida batean. Artxiboko argazkia: Europa Press
Sergio Francisco Realaren entrenatzaile ohiak gutun hunkigarri batekin esan dio agur gaur talde txuri-urdinari: "Betiko eramango dut guztion maitasuna". Realak igandean ofizial egin zuen entrenatzaile irundarraren kargugabetzea, lehen taldean denboraldi erdia baino gutxiago eman ondoren.
Gaur, kargua utzi eta bi egunera, gutun hunkigarri bat argitaratu du klubari, lantaldeari, jokalariei eta zaleei eskerrak emateko. Idatzian, Zubietan 11 urte baino gehiago igaro ondoren nola sentitzen den hitzez adieraztea zaila dela onartzen du. "Nire bizitzaren garai bat amaitu egin da, familia txuri-urdinaren barruan arlo pertsonalean eta profesionalean hazteko aukera eman didan bidaia", nabarmendu du.
Zubietako etapa guztietan pertsona "konprometituak, grinatsuak eta profesionalak" alboan izan dituela gogorarazi du, eta haiekin "asko" ikasi duela esan.
Sergio Franciscok ez ditu ahaztu nahi izan "taldeen inguruan bigarren maila batean lanean ari diren" guztiak. "Haien lana ez da hain agerikoa, baina balio kalkulaezina du", azpimarratu du.
Sergio Franciscoren gutuna
Nire onena eman arren, ez da nahi bezala atera
"11 urte hauetan Easo, Reala C eta Sanse zuzentzeko pribilegioa izan dut eta, azkenik, lehen taldeko entrenatzailea izateko ohorea izan dut. Amets hori, nire onena eman arren, ez da nahi bezala atera, baina harrotasunez bete nau eta betiko eramango dudan esperientzia izan da", erantsi du prestatzaileak.
Era berean, esker oneko hitzak izan ditu bide honetan lagundu dioten "entrenatzaile eta jokalarientzat, une ahaztezinak" biziarazi dizkiotelako, besteak beste, "Pasaiako igoera, Eldense eta Alcorconen aurkako playoffak, Sanseren igoera Zubietan edo Gorrok derbian sartutako gola".
Eta, jakina, jarraitzaile txuri-urdinei ere eskerrak eman dizkie, "une zailenetan ere baldintzarik gabeko babesa emateagatik". "Betiko eramango dut guztion maitasuna. Erronka berriei aurre egiteko energia izango da, jakinda ezinezkoa izango dela hemen bezala egotea, sentitzea eta gozatzea", aitortu du.
Hitz horiekin, Sergio Franciscok agur esan dio azken hamaika urteetan bere etxea izan denari, eta futbol profesionalean "erronka berriei" ekingo die.
Zure interesekoa izan daiteke
Soroetak puntu bat salbatu du Sanserentzat Zubietan (1-1)
Bigarren zatian berdegunean sartu den Donostiako aurrelariak Fabriciok Teneriferentzat sartu duen gola berdindu du, partidaren azken txanpan atezainaren gainetik ondo errematatu ondoren.
Realak ofizialki aurkeztu du Gorka Alvarez
Gorka Alvarez entrenatzaile lasartearrak ilusio handiz hartu du Realeko emakumeen lehen taldea zuzentzeko ardura. Bestalde, Maider Castillo Realeko Futbol arduradunak kritikatu egin du Arturo Ruizek denboraldia hasi ostean utzi izana kluba.
Heart of Midlothian, Eskoziako txapelduna, Realaren aurkaria Europa Cupeko atarikoan
Gorka Alvarezen taldeak Heartsen aurka neurtuko ditu indarrak irailaren 22 edo 23an eta irailaren 30an edo urriaren 1an. Joaneko partida Edinburgon jokatuko du; itzulikoa, Donostian.
Jon Martin: “Golak ez dira sartu, baina kontentu defentsan egin dugun lanarekin”
Realak hutsean utzi du markagailua Anoetan, Celtaren aurkako partidan. Ez dira gutxi izan gola sartzeko izan dituzten aukerak, batzuk argiak. Hala ere, Jon Martin kontentu agertu da defentsa lanarekin.
Golik gabeko berdinketa Realaren eta Celtaren artean (0-0)
Markagailua ez da mugitu ate aurrean bietako batek ere ez baitu asmatu. Realak eraman du jokoaren pisua lehen zatian, baina Celtak lehia orekatu du atsedenaldiaren ostean.
Ainhoa Moraza: “Gure maila non dagoen jakiteko balio behar digute horrelako partidek”
Reala Txapeldunen Ligatik at geratu da Chelsearen aurka 0-1 galdu ostean. Ainhoa Morazarek azaldu du “taldeak partida oso landua” egin duela, markagailua guztiz kontra eduki arren. Hala ere, “bide onetik” doazela adierazi du donostiarrak.
Hauxe izan da Reala-Chelsea partidako gol bakarra
Realak 0-1 galdu du Chelsearen aurka, Txapeldunen Ligako hirugarren sailkatze-txandako itzuliko partidan, Zubietan. Keira Walshek sartu du talde ingelesaren aldeko gola, 54. minutuan.
Realak ahalegin handia egin du Chelsearen aurka, baina galdu du Zubietan, eta Txapeldunen Ligatik at gelditu da (0-1)
Keira Walshek, 54. minutuan, hirugarren sailkatze-txandako itzuliko partidako gol bakarra sartu du. Horrenbestez, euskal taldeak Europa Kopa jokatuko du. Chelseak erakutsi du talde bikaina dela, baina Reala ondo aritu da bigarren norgehiagoka honetan, eta kanporaketan ere bai.
Erik Bretos: “Munduko klub guztiek nahiko lukete Mikel Oyarzabal izan, baina berak Realean egon nahi du”
Realaren Futbol zuzendariak, asteazkenean, amaitu berri den fitxaketetako merkatua izan du hizpide; agerraldian, Realaren kapitainaren gainean mintzatu da: “Merkatuan egon nahiko balu”, adierazi du, “mila eskaintza izango genituzke”.
Mikel Goti Real Oviedora, utzita
Erdilaria Realetik utzita helduko da Asturiaseko taldera, 2026-27 denboraldiaren amaierara arte.