Sergio Herrera harresi bilakatu da Osasunari puntu bat emateko Elxen aurka (0-0)
Sergio Herrera, partidan zehar. Argazkia: Osasuna
Osasunak hutsean berdindu du Elxekin ostiral honetan, EA Sports Ligako 24. jardunaldiari hasiera eman dion partidan, Martinez Valero zelaian.
Etxeko taldea nabarmen hobea izan da lehen zatian, jokoan nagusitasuna erakutsi du eta aukerarik argienak izan ditu. Alvaro Rodriguezek bi aukera paregabe izan ditu Elx aurretik jartzeko, baina aurrelaria ez da fin ibili.
Lehen ordu erdia igaro arte ez da iritsi gorritxoen lehen aukera argia. Victor Muñozek area barruan baloia kontrolatu eta jaurtiketa egin du, baina defentsa jo du. Oro har, baloiarekin eta hura gabe, Osasunari kosta egin zaio arriskua sortzea, eta jokaldi pare bat lotu dituen arren, ez dira atezaina probatzeko gai izan.
Bigarren zatia hobeto hasi du talde nafarrak, eta Budimirrek aukera bi izan ditu: Aimarren pasea jaso ondoren kanpora bota du jaurtiketa, eta korner bat buruz errematatu du.
Hortik aurrera, Elxek berriz hartu du agintea, eta Sergio Herrera adi ibili behar izan da eraso bat mozteko. Da Silva izan da etxekoan jokalari arriskutsuena oraingoan, baina Osasunako atezainak partida bikaina jokatu du, eta hainbat gol aukera zapuztu ditu.
Azken uneetan, Morok Osasunari hiru puntuak emango zizkion gola sartzeko aukera izan du, baina atezainak ongi estali dio atea. Hala, hutsean bukatu da partida, eta Osasunak bosgarren jardunaldia batu du galdu gabe.
Zure interesekoa izan daiteke
Braulio Vazquez: “Uste dut pizgarri bat behar genuela, katarsi bat"
"Ez dut barkamenik eskatuko 8 urtez lehen mailan mantentzeagatik, nortzuk garen jakin behar dugu. Ez dakit zenbat aldiz entzun dudan anbizio falta dagoela", aurpegiratu du kirol zuzendari gorritxoak denboraldi amaierako prentsaurrekoan. Bestalde, Kike Barja kapitainaren kontratu berritzea % 99ra itxitzat jo du.
Juan Cruzek ez du Osasunan jarraituko
Atzelariak sei denboraldi eman ditu Nafarroako klubean; Elxetik iritsi zen bertara. 164 partida jokatu ditu talde gorritxoan: “Bere lehen denboralditik, taldekideen eta zaleen errespetua eta maitasuna bereganatu zituen, eta balioak defendatzen jakin izan du”, nabarmendu du Iruñeko klubak.
Alessio Liscik Osasunako entrenatzailea izateari utzi dio
Nafarroako klubak astelehenean iragarri du italiarrak ez duela jarraituko taldea zuzentzen; Liscik beste urtebeterako kontratua zuen, Osasunarekin.
Catena: “Ez da izan espero genuen bezala, ezta nahi genuen bezala ere, baina Lehen Mailan gaude"
Osasunako jokalariak salbazioa lortu ondoren hitz egin du, nahiz eta Getaferen aurka galdu (1-0) EA Sports Ligako azken jardunaldian. Kritiko agertu da denboraldi amaieragatik, batez ere atzetik datozenei eragindako "sufrimenduagatik".
Osasunak galdu egin du Getaferen aurka, baina Lehen Mailan jarraituko du (1-0)
Porrotaren ondoren, aurkari zuzenen emaitzen zain geratu dira. Gironaren eta Elxeren arteko berdinketak mesede egin dio talde nafarrari, horri esker beste urtebetez Lehen Mailan jarraituko baitu.
Lisci: “Taldea zelaian hilko da”
Alessio Lisci Osasunako entrenatzaileak autokritika egin du eta adierazi du gaizki egin zutela pentsatuz 42 puntu bilduta nahikoa zela mailari eusteko. Edonola ere, taldea ondo dagoela eta Getaferen aurkako “finalean” gorritxoek dena emango dutela ziurtatu du.
Zer behar du Osasunak mailari eusteko?
Osasunak ez dauka ziurtatuta lehen mailan jarraitzea, eta Getaferen etxean jokatuko du ligako azken partida. Jose Bordalasen taldeak, berriz, Conference Ligan sartzea izango du lehian.
Ateak irekita entrenatuko du Osasunak ostiralean, Sadarren, 18:00etan, Getaferen aurkako partida erabakigarriaren aurretik
Osasunaren zaleek talde nafarrari bultzada emateko aukera izango dute, Coliseum estadioan jokatuko den partidaren bezperan; talde gorritxoak EA Sports Ligan eustea bilatuko du.
Kike Barja: “Konfiantzaz, gogoz eta motibazioz gaude"
Kike Barja Osasunaren jokalariak asteburu honetan Getaferen aurka jokatuko duten partida erabakigarriari buruz hitz egin du. Adierazpenak, gaztelaniaz.
Osasunak Espanyolen aurka galdu du Sadarren (1-2), eta azken jardunaldian bermatu beharko du mailari eustea
Romerok, lehen zatian, aurretik jarri du Espanyol, Victor Muñozek berdinketa egin du atsedenaldiaren ostean, eta Kike Garciak, 53. minutuan, partidan erabakigarria izan den gola sartu du. Emaitza horrek dakar Osasunak 42 puntu dituela jarraitzen duela, alegia, hamazortzigarren postuan dabilen Gironak baino bi gehiago, eta hemeretzigarren tokian dagoen Mallorcak baino hiru gehiago.