Osasunak luzapenean kanporatu du Huesca (2-4), eta Errege Kopako final-zortzirenetan da
Huesca 1-0 aurreratu da, baina Raul Garcia de Harok berehala egin du berdinketa; luzapenean, Raul Garcia de Harok, beste behin, 1-2koa sartu du, Osambelak 2-3koa lortu du, eta Budimirrek egin du laugarrena.
Osasuna 2025-2026 denboraldiko Errege Kopako final-zortzirenetarako sailkatu da, asteazken gauean. Nafarroako taldeak, final-hamaseirenetako kanporaketan, Huesca utzi du txapelketatik at, 2-4 gailenduta, luzapenean, Alcorazen; Raul Garcia de Harok bi gol egin ditu, eta beste biak Asier Osambelak eta Ante Budimirrek sartu dituzte.
Alessio Liscik iragarrita zuen aldaketak egingo zituela hasierako hamaikakoan, baina talde sendoa zelairatuko zuela, eta hala egin du. Testuinguru horretan, Huesca eta Osasuna parean aritu dira aurreneko zatian; lehenengo ordu erdian ia-ia ez da gol aukerarik izan, baina azken minutuetan, ordea, partida bizitu egin da. 35. minutuan, Huescak aurrea hartu du, Dani Lunaren bidez; horrek falta jaurtiketa egin du, eta, baloia, arean zeuden hainbat jokalariren artean igarota, Aitor Fernandezen atera sartu da, atezain arrasatearrak ezin izan baitu jaurtiketa ikusi; luzapenean, baina, Raul Garcia de Harok berdinketa egin du, area barrutik egindako erremate trebe bat baliatuta.
Bigarren zatian, Osasunak oso gertu izan du 1-2koa, Roberto Arroyoren eta Raul Garciaren bi jokalditan, baina ezin izan du golik egin, eta luzapena izan da. 30 minutu horietan, Nafarroako taldearen indar fisikoa eta gorritxoek estrategia jokaldietan izan duten argitasuna erabakigarriak izan dira. 95. minutuan, Raul Garcia de Harok, burukada eder baten bidez, aurretik jarri du Osasuna, baina Kortajarenak binakoa jarri du, luzapeneko lehenengo zatia amaitu baino lehen; 111. eta 117. minutuetan, ordea, Osambelak eta Budimirrek, bi kornerretan, kanporaketa erabaki dute. Osasuna final-zortzirenetan izango da.
Fitxa teknikoa
2 - Huesca: Martin, Abad (A. Pérez, 100. m), Pulido (Piña, 63. m), Arribas, Ro; Rico (Enol, 81. m), Alvarez (Kortajarena, 63. m), Chatiliez (Portillo, 71. m); Luna, Enrich eta Liberto (Ojeda, 71. m).
4 - Osasuna: Aitor Fernandez; Arguibide (Victor Muñoz, 68. m), Osambela, Herrando (Catena, 68. m), Juan Cruz; Becker, Iker Muñoz (Torro, 96. m), Moi Gomez, Kike Barja (Rubén Garcia, 68. m); Arroyo (Moncayola, 68. m) eta Raul García de Haro (Budimir, 105. m).
Epailea: Garcia Verdura. Huescako Liberto, Piña, Ojeda eta Bolo entrenatzailea eta Osasunako Osambela zigortu ditu, txartel horia aterata.
Golak: 1-0, 34. m: Luna; 1-1, 45+1. m: Garcia de Haro; 1-2, 95. m: Garcia de Haro; 2-2. 106. m: Kortajarena; 2-3, 111. m: Osambela: 2-4, 118. m: Budimir.
Nabarmentzekoa: 6.413 ikusle, Alcorazen.
Zure interesekoa izan daiteke
Ramis, zaleen txistuei buruz: “Kikildu behar ez gaituen zerbait dela uste dut”
Luis Miguel Ramis Osasunako entrenatzaileak prentsaurrekoa eman du Levanteren aurkako berdinketa aztertzeko. Halaber, zale gorritxoen txistuen inguruan ere mintzatu da.
Osasunak estutu du, baina ez du gola aurkitu
Talde gorritxoa Levante baino gehiago izan da neurketan, baina asmatze faltak nagusitasun horrek garaipena lortzea eragotzi du.
Ramis, LaLigako egutegiarekin haserre: “Ez dakit lehen jardunaldia edo bigarrena ikusten ari naizen, ez da normala"
Osasunako entrenatzailea etsita agertu da Osasunak Levanteren aurka jokatuko duen partidaren atarian, LaLigako lehen bi jardunaldiekin dagoen nahasmenarekin. Talde batzuek bi partida jokatu dituzte jada, Osasunak bat ere ez, eta astebetean hiru jokatu beharko ditu.
Luis Miguel Ramis: “Osasuna irabazle bat nahi dut”
Osasunaren entrenatzaile berria lahiaketa hasteko irrikitan dago. Iragan igandean Osasunak Celtarekin jokatu ez zuenez, denboraldiaurreko aste bat gehiago izan dute, eta ondo etorri zaiela esan du. Sadarreko giroa bertatik bertara bizi nahi duela ere esan du, eta, aldi berean, zein Osasuna ikustea nahi duen azaldu du. Azkenik, Luis Miguel Ramisek mezu bat bidali die Osasunako zaleei. (Bideoa, gazteleraz).
Iker Benitok Queretaron jokatuko du
Mirandako jokalariak etapa berri bati ekingo dio Mexikon 2027ko abuztuaren 31ra arte.
Luis Sabalza, Celta-Osasuna partidari buruz: “Zer nahi duzu egitea? Ez jokatzea? "
Celta-Osasuna partida atzera buruz hitz egin du Osasunako presidenteak, taldeak Javierrera LaLiga hasi aurreko lore-eskaintza egiteko egin duen bisitaren ondorengo uneetan.
Celta-Osasuna partida abuztuaren 27ra atzeratu da, baina talde gorritxoak “erabateko desadostasuna" erakutsi du
Balaidoseko futbol-zelaia ez dago futboleko neurketa bat hartzeko moduan, onddo batek erasan baitio. Bere aldetik, talde nafarra erabat kaltetua sentitzen da LaLigak eta Federazioak hartutako erabakiaren aurrean.
Rockson Yeboah erdiko atzelariaren fitxaketa iragarri du Osasunak
22 urteko defendatzaile ghanarra Suediako I.F.K. Göteborg taldetik iritsi da 3 milioi euroren truke, bost denboraldirako sinatu du eta 30 milioiko klausula izango du.
Osasunak Diego Rico fitxatu du, 2026-2027 denboraldirako
Ezker hegaleko atzelaria, azken hiru denboraldiak emanda, libre zegoen; 2021etik 2023ra bitartean, Realean aritu zen.
Dubasin: “Osasunara etortzeko zalantzarik ez nuen"
Jonathan Dubasin pozik dago Osasunak eman dion aukerarekin. Esan du Ramisek lana eta ahalegina eskatu dizkiola, eta hori "negoziaezina" dela berarentzat. Katalanak dio balio anitzeko jokalaria dela erasoan, hainbat posiziotan jokatzeko gai dena, baina argi du zein den egokiena berarentzat. Bestalde, Braulio Vazquez kirol zuzendariak eskerrak eman dizkio Dubasini Osasunan jokatzeko erakutsi dituen gogoengatik. Taldeak denboraldi honetarako dituen helburuak ere zehaztu ditu, baita taldea ixteko indartzen saiatuko den posizioak ere. (Bideoa, gazteleraz).