Osasunak Badalona Women taldearen aurka galdu du Taxoaren, Erregina Kopan (0-3)
Osasunak ezin izan du Badalona Women taldea gainditu eta 0-3ko emaitzarekin galdu du Taxoaren, Erregina Kopako hirugarren kanporaketan.
Norgehiagokaren hasieran bi aukera izan dituzte gorritxoek. Giselak ezin izan du baloiarekin bat egin alboko erdiraketa baten ostean, eta Igoak ere ez du markagailua ireki area barruan egindako burukarekin (12. minutua). Joko oneko minutuak kateatu ditu Osasunak, baina markagailua ez da mugitu.
29. minutuan, aldiz, N. Rodriguezek Ana Gonzalezen burukada gelditu du; hori izan da gorritxoen atean jazo den lehen "susto" serioa. Jarraian (32. min) iritsi da Badalonako taldearen lehen gola. Lorena Navarrori esker aurrea hartu dute markagailuan.
Gorritxoak suspertzen saiatu dira. Horrela, Marinak area barruan errematea egin du, baina Maria Lopezek gelditu egin dio (37. min). Ondoren, bigarren kolpea jaso dute, P. Sanchezek Badalonaren bigarren gola egin baitu (38. minutuan).
Atsedenaldian, Josu Dominguez gorritxoen entrenatzaileak hamaikakoa aldatu du, taldea suspertu nahian. Horrela, Giselak atsedenaldian utzi du zelaia, eta Zaira sartu da haren ordez. 59. minutuan aldaketa gehiago egin ditu Dominguez, Leire, Vanessa eta Ainhoa S. berdegunetik atera dira, eta L. Teruel, Andrea eta Ane Ansa zelairatu ditu.
Hala ere, Badalonak aldea areagotzea lortu du Priscillari esker, hirugarren eta azken gola egin baitu, 71. minutuan.
Zure interesekoa izan daiteke
Osasunak puntu bat lortu du Mallorcaren aurka, azken hasperenean partida iraulita (2-2)
Talde gorritxoak azken minutuan irauli du markagailua Malllorcaren aurka, 2-2 berdinduz, 89. minutura arte 0-2 galtzen joan ostean. Kike Barjak egin du lehen gola, 89. minutuan, eta Budimirrek berdinketa ezarri du 93.ean, epaileak jokalari bi kanporatu izanak markatu duen partidan.
Alessio Lisci: "Mallorcaren aurkako partida oso garrantzitsua da"
Osasunako entrenatzaileak prentsaurrekoa eman du bihar Mallorcaren aurka jokatuko duten partidaren atarian. "Gogo handia dugu, partida oso garrantzitsua da, finalaren tankera duen neurketa", azpimarratu du. "Irabaziz gero, ez ginateke matematikoki salbatuta egongo, baina bai birtualki", adierazi du.
Braulio Vazquez: “Egon nahi dudan lekuan nagoela erakutsi dut, zoriontsu naizen lekuan”
Braulio Vazquez aurkeztu dute Osasunako kirol zuzendari 2029ra arte. Galiziarra Osasunan kirol zuzendari gisa denbora gehien egon den gizona izango da. Prentsaurrekoan adierazi duenez, "hori niretzat harro egoteko modukoa da", eta klub garrantzitsuen aukerak izan dituela gaineratu du.
Braulio Vazquez kirol zuzendariak Osasunarekin berritu du, 2029ra arte
Jose Antonio Prieto Cata futbol profesionaleko idazkari teknikoak ere sinatu du berritzea Nafarroako klubarekin. Braulio 2017an iritsi zen Osasunara, eta kargua bere gain hartu zuenetik, talde gorritxoa Lehen Mailara igo zen 2019an, sei aldiz eutsi dio mailari, Errege Kopako final bat jokatu du, eta Konferentzia Ligan ere izan da.
Lisci: "Agian 0-0eko partida izan da, baina futbolean golak sartu behar dira"
Osasunako entrenatzaileak partida amaitu ostean emandako prentsaurrekoan adierazi duenez, igande honetan Valentziaren aurka Mestallan jokatu duten neurketa "agian" 0-0ekoa izan da, eta ez 1-0ekoa, baina "futbolean golak sartu behar dira".
Osasunak atera jaurti gabe galdu du Valentziaren aurka (1-0)
Arrisku gutxiko partida izan da bi aldeetatik, eta Ramazanik penaltiz egin duen gola izan da atera egin duten jaurtiketa bakarra.
Moncayola: "Gaur erakutsi dugu taldea ondo dagoela, liderren aurka garaipen borobila lortuta"
Jon Moncayola Osasunako jokalariaren adierazpenak, EA Sports Ligako 25. jardunaldiko partidan Real Madril 2-1 garaitu ostean.
Raul Garciak azken minutuetan sartutako gol bikainak garaipena eman dio Osasunari Real Madrilen aurka (2-1)
Lehenengo gola Budimirrek egin du lehen zatian, penaltiz. Bigarrenezn, Viniciusek banakoa egin du 73. minutuan, eta, luzapenean, Raul Garciak garaipena eman die nafarrei.
Lisci: "Real Madrilen aurkako partidetan Sadarreko giroa ikaragarria izaten dela esan didate"
Real Madrilen aurkako neurketa jokatu aurreko prentsaurrekoan esan duenez, Osasunako entrenatzaileak badaki Madrilgo taldearen aurkako partidetan Sadarren giro "ikaragarria" izaten dela.
Alessio Lisci: "Talde batek irabaztekotan, Elxek irabazi behar zuen"
Osasunako entrenatzaileak Elxen aurkako berdinketaz (0-0) hitz egin du EA Sports Ligako 24. jardunaldian. (Adierazpenak gazteleraz)