Osasunak ez du golaren bidea aurkitu Levanteren aurkako lehian (0-0)
Osasunak eta Levantek golik gabe berdindu dute Santander Ligako 16. jardunaldian. Valentziarrak nafarrak baino erasokorrago aritu dira, baina Arrasaterenak ondo jardun dute defentsan.
Lehen zatian ia ez da abagunerik egon, eta argiena atsedenaldiaren atarian heldu da De Frutosek gorritxoen ateko zutoinera bidalitako baloi batean.
Era berean, talde nafarrak ez du Cardenasi inongo estutasunik sortu lehen zati osoan, eta hutsean berdinduta iritsi dira atsedenaldira.
Aldageletatik bueltan, partida gogortu eta jokoa trabatu egin da, bi taldeek falta ugari egin baitituzte arerioen jokaldiak eteteko.
Ez Levantek, ez Osasunak ez dute gaitasunik izan jokoaren kontrola bereganatzeko; hartara, etxekoek baloi-jabetza gehiago bereganatu duten arren (lehen zatian egin legez), atezainek ez dute arrisku egoerarik igaro behar izan.
Neurketa bigarren zatian erabat murgilduta zegoela, Mustafi Sergio Herrera gainditzen saiatu da burukada batekin, baina atzelari alemaniarraren erremateari segurtasunez erantzun dio nafarren atezainak.
Zelai erdian jokatuz eta erasoari begira sakontasunik izan gabe, partida azken txanpan sartu da, markagailuan aldaketarik ez zegoela. Eta halaxe bukatu da, etxeko zaleen protesten artean, azken jokaldietako batean penaltia egon zitekeela uste baitzuten.
Fitxa teknikoa
0 - Levante: Cárdenas, Son, Vezo, Mustafi, Clerc (Cantero, 88. min), De Frutos (Franquesa, 88. min), Radoja (Malsa, 59. min), Campaña, Pepelu (Bardhi, 68. min), Morales eta Roger (Soldado, 68. min).
0 - Osasuna: Sergio Herrera, Nacho Vidal, Unai García, David García, Juan Cruz, Torró, Moncayola (Cote, 90. min), Darko Brasanac (Javi Martínez, 73. min), Manu Sánchez (Oier, 90. min), Chimy Ávila (Rubén García, 63. min) eta Budimir (Kike Barja, 63. min).
Epailea: Pizarro Gómez. Txartel horiak: Radoja eta De Frutos (Levante);Nacho Vidal, Darko Brasanac eta Lucas Torró (Osasuna).
Zure interesekoa izan daiteke
Asier Osambela: "Hemendik goraka joaten saiatu behar gara"
Asier Osambela pozarren agertu da Osasunak Rayo Vallecano 1-3 menderatu ondoren. Dena den, jokalari nafarrak azpimarratu du, garaipenak poza eman badie ere, orain inoiz baino gehiago, lanean jarraitu behar dutela.
Osasunak 9 hilabeteko lehortea hautsi du etxetik kanpo Rayo garaituta (1-3)
Ligan 10 jardunaldi jarraian irabazi gabe egon ondoren, talde gorritxoa Iñigo Perezen taldeari gailendu zaio Budimir, Jozhua (bere atean) eta Asier Osambelaren golei esker.
Alessio Lisci: "Raul oso gustuko dugu, eta zorionez ekarri ahal izan dugu"
Bestalde, Rayoren aurka "oldarkorra izan nahi duen Osasuna, partidan egon nahi duen taldea" ikusi nahi duela, adierazi du entrenatzaile erromatarrak.
Raul Moro: “Ondo jarraitzeko eta taldeari eta klubari laguntzeko zereginarekin nator”
Raul Morok 2031ra arte fitxatu du Osasunarekin. Ajaxeko jokalari ohiak prentsaurrekoa eman du Braulio Vazquezekin batera, eta bere ustez egon behar duen lekuan dagoela adierazi du.
Osasunak Raul Moro fitxatu du, 2031ra arte
Jokalari kataluniarra Ajax taldean aritu da denboraldi honetan, baina ia ez du jokatu. Iruñeko klubak bost milioi euro ordaindu ditu, eta futbolariaren etete klausula 50 milioikoa izango da.
Aimar Oroz: "Asko sufritu dugu, baina azkenean irabazi egin dugu, eta hori da garrantzitsuena"
Aimar Oroz pozarren agertu da Osasunak Oviedo 3-2 menderatu eta gero. Edonola ere, jokalari nafarrak adierazi du gorritxoak ez direla eroso egon eta asko kostatako garaipena izan dela, markagailuan atzetik joan baitira.
Osasunak bi aldiz irauli du markagailua Oviedori irabazteko (3-2)
Bi aldiz berdindu behar izan dute markagailua gorritxoek, Budimirren bi golekin, eta Victor Muñozek luzapenean sartu du Osasunari garaipena eman dion gola.
Alessio Lisci: "Lehengo eguneko partidak ez du arrastorik utzi behar"
Osasunako entrenatzaileak larunbatean, EA Sports Ligako 20. jardunaldian, Oviedoren aurka jokatuko duten partidari buruz hitz egin du.
Braulio Vazquez, Osasunako kirol zuzendaria: "Plantilla berriztatu beharko genuke; printzipioz ez dago irteerarik"
Braulio Vazquezek agerraldia egin du prentsaurrekoan, eta talde gorritxoak etorkizunerako dituen asmoen berri eman du. Izenik eman ez duen arren, argi utzi du asmoa egungo plantilla hobetzea dela.
Jorge Herrando, Osasunarekin kontratua berritu duela iragarri ostean: "Jokatzeko eta nire lana erakusteko gogotsu nago"
Osasunarekin 2030era arte kontratua berritu duela iragarri ostean, Jorge Herrandok prentsaurrekoa eman du talde gorritxoan izango duen etorkizunaz hitz egiteko.