Osasuna Kordobari gailendu zaio (0-1), hilabete bat irabazi gabe egon ostean
Osasunak garaipenen bideari heldu dio berriro hilabete oso bat partidarik irabazi gabe egon ostean, eta are gehiago sartu du sailkapenaren zuloan Kordoba taldea, 123 Ligako hamalaugarren jardunaldiari dagokion partidan.
Gorritxoek nahikoa izan dute bigarren zatiaren hastapenetan lortu duten Xiscoren gola hiru puntuak bereganatzeko.
Lehenengo zatian joko gutxi eta are aukera gutxiago ikusi ahal izan dira. Aitzitik, bigarren zatia hasi eta berehala gauzak erabat aldatu dira, Xiscok (Kordobako jokalari ohia, bera) aurretik jarri baititu gorritxoak laugarren minutuan, Sebastian Corisen erdiraketa bati burukada ezin hobea emanda.
Juan Merinoren mutilek ez dute erreakzionatzeko gaitasunik azaldu, eta 71. Minutuan Roberto Torres bigarrena egiteko zorian egon da Alex Vallejoren mantsotasuna aprobetxatuta, baina nafarraren jaurtiketa kanpora joan da Kieszek atezainaren ezkerreko zutoinetik oso gertu.
Horrenbestez, Diego Martinezek zuzentzen duen taldeak 12 jardunaldi pilatu ditu galdu gabe, eta bigarren mailako sailkapenaren punta-puntan dago, 25 punturekin.
Fitxa teknikoa:
Kordoba 0: Kieszek, Álex Vallejo, Joao Afonso (Jaime Romero, 76. min), Josema (Alfaro, 84. min); Fernández, Edu Ramos, Sergio Aguza, Caballero (Markovic, 68. min), Javi Galán; Sergi Guardiola eta Jona.
Osasuna 1: Sergio Herrera; Lillo, Aridane, Oier, Clerc; Sebas Coris (Mateo, 58. min), Fausto Tienza (Arzura, 70. min), Lucas Torró, Roberto Torres (Unai García, 87. min); Quique eta Xisco.
Gola: 0-1, 49. min: Xisco.
Epailea: Dámaso Arcediano Monescillo. Txartel horiak: Joao Afonso, Sergio Aguza, Javi Galán eta Sergi Guardiola (Kordoba); Lillo, Fausto Atienza eta Roberto Torres (Osasuna).
Zure interesekoa izan daiteke
Osasunak denboraldiaurreko lehen porrota jaso du Napoliren aurka, Italian (2-1)
Lehendabiziko gola italiarrentzat Mateo Politanok sartu du 27. minutuan. Atsedenalditik bueltan Lorenzo Luccak bigarrena egin du 53. minutuan. Osasunaren gol bakarra penaltiz iritsi da. Ante Budimirrek 69. minutuan ez du barkatu hamaika metroetatik.
Osasuna 1-2 gailendu zaio Norwich Cityri
Osasuna 1-2 gailendu zaio Norwich City taldeari Colchesterren jokatutako lagunartekoan. Darlingek 58. minutuan eginiko gola iraultzeko gai izan dira gorritxoak. Aimar Orozek lehen minutuak izan ditu eta Arazurikoak bere maila erakutsi du bigarren zatian. Penaltiz egin dute banakoa gorritxoek. Garaipenaren gola, luzapenean, Asier Bonelek sartu du.
Raul Morok udako bigarren garaipena eman dio Osasunari (1-2)
Taldea sasoi ederrean dabil Liga hasierari begira, Ispwichen aurkako Ingalaterrako birako lehen lagunartekoan.
Osasunak Dubasin fitxatu du 2030era arte
Kataluniako jokalaria Sporting Gijon taldean jokatzen aritu da orain arte, eta Espainiako Lehen Mailarako aldaketa egingo du aurrerantzean, gorritxoen eskutik.
Osasunak garaipena lortu du Racingen aurka udako lehen lagunartekoan (2-0)
Luis Miguel Ramisen Osasuna abian da. Talde gorritxoak Racingen aurka jokatu du Mendigorrian, eta uda honetako lehen garaipena lortu du, 2-0 gailendu baita. Golegileak Raul Garcia de Haro (56. min) eta Iker Muñoz (87. min) izan dira.
Osambela: “Sentsazio onak izan ditugu hasieratik; lehiatzen hasteko gogoz gaude”
Osasunak tentsio handiarekin amaitu zuen aurreko denboraldia. Asier Osambelak azaldu duenez, Luis Miguel Ramisek argi dauzka ideiak eta horiek taldeari transmititzeko lanean dihardute. Nafarrak uste du “bide onean” dabiltzala eta horrela jarraituz gero gauzak ondo aterako direla.
Ramisen agindupean ekin dio Osasunak lanari
Osasuna ere jarri da martxan denboraldi berriari begira. Osasun azterketak burutu ondoren, lehen lan saioa egin dute Taxoaren. Lan saio arina izan da, Luis Miguel Ramis entrenatzaile berria, pixkanaka, jokalariak ezagutzen joateko. Sanferminak izan arren, hainbat zale gerturatu dira.
Osasunak mediku azterketak egiten jarraitzen du, eta ostiralean egingo du lehen entrenamendua
Luis Miguel Ramisek ostiralean zuzenduko du, Taxoaren, lehenengo lan saioa, Osasunako futbolarien azterketa medikuak amaituta.
Osasunako jokalariek osasun azterketak pasa dituzte
Osasunak uztailaren 10ean hasiko du Luis Miguel Ramisen aroa aurre denboraldiarekin. Baina aurretik azterketa medikuak pasazeko txanda izaten da eta gaur hasi dira jokalari gorritxo batzuk prozesu horrekin.
Javi Galanek agur esan dio Osasunari eta Celtan jarraituko du bere ibilbide profesionala
Talde gorritxoak ez du Extremadurako atzelariaren kontratua luzatuko eta klubean egindako sei hilabeteko etapari amaiera emango dio horrela.