Eibarrek partida serio eta eraginkorra egin du Pontevedran, Kopan sailkapena lortzeko (0-3)
Javi Martonek, Corpasek eta Magunazelaiak egin dituzte Beñat San Joseren taldearen golak. Galiziako futbol-zelaiaren baldintzetara egokitzen jakin dute armaginek.
Jokalari armaginak Javi Martonen gola ospatzen. Irudia: SD Eibar
Eibarrek partida serioa egin du Pontevedran eta Errege Kopako final-hamaseirenetarako sailkapena lortu du. Talde armagina Galiziako futbol-zelai astunera egokitu da, eta etxeko taldearen intentsitatea berdindu du.
Lehen zati orekatu batean, Javi Martonek berdinketa desegin du 30. minutuan, talde armaginak aurkarien zelaian baloia lapurtu ostean.
Atsedenaldiaren ostean, bigarren zatiaren hasieran Luis Lopezek geldiketa bikaina egin behar izan du Pontevedrako taldearen jaurtiketa batean. Eibar taldeko atezainak kornerrera bidali du baloia. 53. minutuan, atezain armaginak areaz kanpotik egindako beste jaurtiketa bat urrundu behar izan du.
Bi susto txiki horien ondotik, Eibarrek bigarren kolpea eman du. Beñat San Joseren taldeak beste baloi bat ostu du aurkarien zelaian, eta kontraeraso arriskutsu eta azkarra abiatu du. Minutu batzuk lehenago zelairatu den Corpasek jokaldia amaitu eta baloia sareetara bidali du (65. min).
Armaginen bigarren golaren ostean, Eibarrek beste hiru erremate izan ditu ia jarraian Pontevedraren arean, baina ez dute aterik aurkitu. Ondoren, Galiziako taldea erreakzionatzen saiatu da, markagailuan hurbiltzeko asmoz, baina ez du asmatu azken metroetan.
Asmatu duena Magunazelaia izan da, hirugarren gola egin baitu area kanpotik egindako jaurtiketarekin (78. min), norgehiagoka erabakita utziz.
Zure interesekoa izan daiteke
Arene Altonaga: "Derbi bat irabazteko gogoa dugu, baina Reala hirugarren postuan dago eta talde oso sendoa da"
Erdilari armaginak uste du Reala "indartsu" dagoela, nahiz eta Edna Imaderen falta nabaritu. "Trantsizioan" izango direla erantsi du, baina, hala ere, "jokalari oso onak dituzte, eta kontu handiz ibili beharko gara". Datorren igandeko derbia zuzenean jarraitu ahal izango da EITBn, 11:55etik aurrera.
Armaginek berdinketa erdietsi dute Granadan, baina gabezia asko erakutsi dituzte (0-0)
Ondorioz, Beñat San Joseren taldeak salbatzeko moduan jarraitzen du. Bi taldeek lehen zati aspergarria egin dute, abagune urrirekin. Bigarren zatian ez da norgehiagoka asko aldatu.
Eibarrek galdu egin du Madril CFF taldearen aurka, bigarren zati txarraren erruz (1-3)
Carmen Alvarezek aurretik jarri ditu armaginak lehen zatian, baina bigarrenean Madrilgo taldeak hiru gol sartu ditu eta garaipena lortu du.
Eibarrek ezin izan du punturik eskuratu Burgosen aurka (1-0)
Partida parekatua izan den arren, Burgosek bigarren zatian sartutako gola erabakigarria izan da; armaginak, azken minutura arte saiatu diren arren, ez dute berdinketa lortu.
Eibarrek penaltiz irabazi dio Alhamari (0-1)
Eibarrek 0-1 irabazi dio Alhamari F Moeve Ligako 15. jardunaldian. Carmen Alvarezek sartu du partidako gol bakarra, penaltiz, eta armaginak sailkapeneko bederatzigarren postura igo dira.
Eibarrek 2028ra arte berritu du Ander Madariagaren kontratua
Berangoko erdilari gazteak (23 urte) armaginen lehen taldeko fitxa dauka denboraldi honen hasieratik.
Armaginen garaipena 2026a estreinatzeko (2-1)
Bart Ipuruan jokatutako partidan, armaginek markagailua irauli zuten Alvaro Rodriguezen eta Javi Martonen golei esker, eta garaipenak Eibarren joera ona sendotu du.
Eibarrek porrot egin du Madrilen, eta Erregina Kopatik kanpo geratu da (3-2)
Talde armaginak bi gol sartu ditu norgehiagokaren azken txanpan, baina ezin izan du emaitza irauli, eta agur esan dio Erregina Kopari.
Eibar garaipenaren bidera itzuli da Valladolid menderatuta (3-0)
Armaginak hasieratik bukaeraraino nagusitu dira, eta emaitza honekin amaiera eman diote bolada txarrari, bost jardunalditan garaipenik lortu gabe egon eta gero.
Eibarrek ezin izan du Elxen aurka (0-1), eta Errege Kopatik kanpo gelditu da
Adam Boayar Elxeko jokalariak egin du, 27. minutuan, final-hamaseirenetako kanporaketan erabakigarria izan den gola, Ipuruan. 71. minutuan, Dituro atezainak penalti bat gelditu dio Jose Corpasi.