Eibarrek Zaragoza azken sailkatuaren aurka galdu du Ipuruan (1-2)
Eibarrek denboraldiko lehen porrota jaso du Ipuruan. Zaragoza Hypermotion Ligako azken sailkatuak 1-2 irabazi dio, 27. minututik jokalari bat gutxiagorekin aritu bada ere, Saidu kanporatu dutelako.
Emaitza honen ondorioz, armaginak jaitsiera postuetara hurbildu dira. Zaragoza, berriz, Bigarren Mailan jarraitzeko borrokan sartu da berriro, azken bi jardunaldietan, ezustean, irabazi eta gero.
Neurketa piztu egin da 20. minututik aurrera. Valeryk baloia eskuarekin jo du area barruan, eta epaileak penaltia adierazi du. Jon Bautistak jaurti du, baina Andrada atezainak baloia aldaratu du.
Zaragozaren pozak, baina, gutxi iraun du, Eibarrek bi minutu geroago egin baitu gola. Peru Nolaskoainek sartu du, buruz, Toni Villaren erdiraketa ondo baliatuta.
Partida zoratu egin du orduan. 27. minutuan, epaileak Saidu kanporatu du, bigarren txartel horia aterata, eta Zaragoza jokalari bat gutxiagorekin geratu da.
Alabaina, handik minutu batera, epaileak Eibarren kontrako penaltia adierazi du, Cuberok baloia eskuarekin jo duelako area barruan.
Mario Soberonek ez du hutsik egin, eta 1-1ekoa jarri du markagailuan, jaurtiketa bortitza eginda.
Eibar golaren bila joan da, eta estu hartu du Zaragoza, baina kanpoko taldeak ondo babestu du bere atea, eta Zaragozak berak eman dio azken kolpea etxeko taldeari, 81. minutuan 1-2koa sartuta. Bigarren zatian zelairatu den Bakisek egin du gola.
Eibar azkeneraino ahalegindu da markagailua berdintzen, baina ezin izan du Ipuruan lehen porrota saihestu.
Zure interesekoa izan daiteke
Eibarrek puntu bikaina eskuratu du Real Madrilen etxean (0-0)
Iñaki Goikoetxearen taldeak, horrenbestez, lau puntu daramatza, Moeve F Ligan bi partida jokatuta. Igandean, Alfredo Di Stefano futbol zelaian, Eibarrek ahalegin handia egin du, eta, sari bezala, berdinketa eskuratu dute armaginek.
Eibarrek bere bolada ona luzatu du Granadari aise irabazita Ipuruan (3-0)
Armaginek hirugarren garaipena jarraian lortu dute Hypermotion Ligan lau jardunaldi jokatu eta gero, sailkapeneko goiko aldean kokatzeko. Ivan Gil, Adu Ares eta Jon Guruzeta izan dira golegileak.
Elijah Giftek Eibarren jokatuko du, Athleticek utzita
Futbolari nafarrak 30 partida jokatu zituen iragan sasoian RFEFko lehen mailan eta sei Youth Leaguen, Bilbao Athleticekin.
Sufrituta irabazi dio Eibarrek Andorrari (0-1)
Jokin Aranbarriren taldeak Aleix Garridok bigarren zatiaren hasieran sartu duen gola baliatu du 3 puntuak eskuratzeko, baina etxeko taldearen setioari eutsi behar izan dio, epaileak Jon Magunazelaia kanporatu ostean armaginak jokalari bat gutxiagorekin geratu baitira.
Alimata Belemek eman dio garaipena Eibarri luzapenean (1-0)
Eibarrek denboraldiko lehen garaipena eskuratu du Espanyoli 1-0 irabazita, Ipuruan jokatu den F Ligako partidan. Alimata Belemek sartu du armaginen gola, korner batean.
Sergio Alvarezek eskuineko hankako giharretan haustura du
Klubak eman du lesioaren berri, eta jokalari armagina tratamendu espezifikoa jasotzen ari da dagoeneko.
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Eibarrek 1-3 galdu du Tenerife igo berriaren aurka
Armaginek Liga hasiera kaskarra izan dute Ipuruan, eta, Bautistaren golak markagailua berdindu duen arren, Kanarietako taldea nagusi izan da eta partida irabazi du.
Eric Perez, Eibarren lehen taldeko jokalaria
Aurrelaria 2001ean jaio zen Ermuan, eta kadete mailn iritsi zen talde armaginera. Eibarren bigarren taldearekin Bigarren RFEF mailara igo zen. Ondoren, harrobiko aurrelariak eskarmentua hartu du Alcorcon, Amorebieta eta Barakaldon utzita jokatuz.
Anaitz Arbilla: “Hasiera on bat izatea nik uste dut positiboa dela”
Eibar Teneriferen aurkako debuta prestatzen ari da. Talde armaginak igandean, 17:00etan, jokatuko du lehen partida. Anaitz Arbilla taldeko kapitainak hamaikagarren denboraldia hasiko du Eibarrekin. Ondo hastea garrantzitsua dela uste du.