Eibarrek 1-0 galdu du Riazorren, Mario Sorianok luzapenean gola sartuta
Eibarrek galdu egin zuen astelehenean Deportivoren kontra, Riazorren, Hypermotion Ligako 14. jardunaldiko partidan, Mario Sorianok luzapenean sartutako gol baten ondorioz, arerioaren korner baten defentsan egindako akats bat dela eta. Horrenbestez, Joseba Etxeberriaren taldeak hirugarren neurketa galdu zuen jarraian.
Armagin izandako jokalariaren golak Helton Leites eta Jonmi Magunagoitia atezainen lan onak markatutako partida desorekatu zuen. Izan ere, nork bere taldeari eutsi zion, Sorianok Oscar Gilsanzen gizonei garaipena eman zien arte. Gilsanzek ez du norgehiagokarik galdu Deportivoren entrenatzailea denetik.
Magunagoitiari esker, Eibarrek ez zuen etsi Deportivok hasieran erakutsitako erasoaren aurrean. Atezaina hasierako hamaikakora itzuli zen Riazorren, eta hasierako berdinketa mantendu zuen, David Mellak 4. eta 17. minutuetan egindako jaurtiketak geldituta.
Eibarrek, hala ere, baloiari eutsi egin zion. Minutuek aurrera egin ahala, pazientziaz jokatu zuen Deportivori eraso egiteko. Lehen zatiko 30 minutuak heldu zirenean, Pascualek buruz egindako errematea geratu zuen Helton brasildarrak.
Norgehiagokak bide beretik jarraitu zuen bigarren zatian. Galiziako taldeak erasoan segi zuen, baina gipuzkoarrak izan ziren markagailuan aurreratzeko urrezko bi aukera izan zituztenak. Helton, beste behin ere, erabakigarria izan zen, Nolaskoainen jaurtiketa bat eskuz bikain geratu baitzuen.
91. minutuan, Mario Sorianok etekina atera zion Eibarrek azken lerroan egindako akats bati, aurrealdetik hanka prestatu, eta Magunagoitiak geratu ezin izan zuen jaurtiketa batekin.
-Fitxa teknikoa:
1 - Deportivo: Helton; Petxarroman, Pablo Vazquez, Barcia, Obrador (Escudero, 88. min); Mario Soriano, Villares, Yeremay, Lucas Perez, Mella (Davo, 76. min); Barbero (Cristian Herrera, 66. min).
0 - Eibar: Magunagoitia; Corpas, Carrillo, Arambarri, Arrillaga (Kento, 77. min); Sergio Alvarez, Mada (Cristian Gutierrez, 77. min); Alkain (Jon Guruzeta, 69. min), Nolaskoin, Puertas (Merquelanz, 88. min); Pascual (Bautista, 77. min). Gola: 1-0, 91. min: Mario Soriano.
Epailea: Sanchez Villalobos (Andaluziako komitea). Obradorri (Deportivo) txartel horia atera zion (79. min), eta Eibarko Guruzetari (74. min) eta Carrillori (91. min).
Gertakariak: Hypermotion Ligako 14. jardunaldiko partida, Riazorren, 19.980 ikuslerekin.
Zure interesekoa izan daiteke
Eibarrek puntu bikaina eskuratu du Real Madrilen etxean (0-0)
Iñaki Goikoetxearen taldeak, horrenbestez, lau puntu daramatza, Moeve F Ligan bi partida jokatuta. Igandean, Alfredo Di Stefano futbol zelaian, Eibarrek ahalegin handia egin du, eta, sari bezala, berdinketa eskuratu dute armaginek.
Eibarrek bere bolada ona luzatu du Granadari aise irabazita Ipuruan (3-0)
Armaginek hirugarren garaipena jarraian lortu dute Hypermotion Ligan lau jardunaldi jokatu eta gero, sailkapeneko goiko aldean kokatzeko. Ivan Gil, Adu Ares eta Jon Guruzeta izan dira golegileak.
Elijah Giftek Eibarren jokatuko du, Athleticek utzita
Futbolari nafarrak 30 partida jokatu zituen iragan sasoian RFEFko lehen mailan eta sei Youth Leaguen, Bilbao Athleticekin.
Sufrituta irabazi dio Eibarrek Andorrari (0-1)
Jokin Aranbarriren taldeak Aleix Garridok bigarren zatiaren hasieran sartu duen gola baliatu du 3 puntuak eskuratzeko, baina etxeko taldearen setioari eutsi behar izan dio, epaileak Jon Magunazelaia kanporatu ostean armaginak jokalari bat gutxiagorekin geratu baitira.
Alimata Belemek eman dio garaipena Eibarri luzapenean (1-0)
Eibarrek denboraldiko lehen garaipena eskuratu du Espanyoli 1-0 irabazita, Ipuruan jokatu den F Ligako partidan. Alimata Belemek sartu du armaginen gola, korner batean.
Sergio Alvarezek eskuineko hankako giharretan haustura du
Klubak eman du lesioaren berri, eta jokalari armagina tratamendu espezifikoa jasotzen ari da dagoeneko.
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Eibarrek 1-3 galdu du Tenerife igo berriaren aurka
Armaginek Liga hasiera kaskarra izan dute Ipuruan, eta, Bautistaren golak markagailua berdindu duen arren, Kanarietako taldea nagusi izan da eta partida irabazi du.
Eric Perez, Eibarren lehen taldeko jokalaria
Aurrelaria 2001ean jaio zen Ermuan, eta kadete mailn iritsi zen talde armaginera. Eibarren bigarren taldearekin Bigarren RFEF mailara igo zen. Ondoren, harrobiko aurrelariak eskarmentua hartu du Alcorcon, Amorebieta eta Barakaldon utzita jokatuz.
Anaitz Arbilla: “Hasiera on bat izatea nik uste dut positiboa dela”
Eibar Teneriferen aurkako debuta prestatzen ari da. Talde armaginak igandean, 17:00etan, jokatuko du lehen partida. Anaitz Arbilla taldeko kapitainak hamaikagarren denboraldia hasiko du Eibarrekin. Ondo hastea garrantzitsua dela uste du.