Eibarrek ezin izan du Malaga gainditu Rosaledan (1-0)
Eibarrek 1-0 galdu du Malagaren aurka igande honetan, Hypermotion Ligako 12. jardunaldian, Rosaledan jokatutako partidan. Eibarrek ez du partida txarrarik egin, eta hainbat aukera izan ditu, baina David Larrubiak lehen zatian sartutako gol batek hiru puntuak eman dizkio etxeko taldeari.
Malagako taldea nahiko zalantzati zelairatu da, Dioni Villalba aurrelariak errematea egin duen arte. Une horretatik aurrera, armaginek jokoaren kontrola izan dute, eta aurkariaren areatik gertu ibili dira; Corpas eskuin hegaleko jokalariak sortu du lehen aukera argia. Hala ere, Larrubiaren golak partidaren oreka aldatu du lehen zatiaren ordu laurdenean, eta Eibar korrontearen kontra eta berdinketaren bila abiatu da.
Bigarren 45 minutuetan, Joseba Etxeberria taldea suspertzen saiatu da, erasorako indar gehiagorekin, Peru Nolaskoain eta Cristian Gutierrez zelairatuta, lesionatu den Matheus eta Arrillaga ordezkatuz. Aldaketak aldaketa, bisitariek ez dute etxekoen defentsa hautsi, azken unera arte sendo eutsi baitie bisitarien ahalegin guztiei.
Azken minutuetan (bost minutu gehigarri jokatu dira), bi taldeak golaren bila aritu dira, Eibar etxera puntu bat eramateko, eta Malaga lasaitasuna emango zion bigarrenaren bila, baina markagailua ez da aldatu.
Fitxa teknikoa:
1 - Malaga: Alfonso Herrero; Gabilondo, Einar Galillea, Nelson Monte, Dani Sanchez; Kevin Medina (Cordero, 76. min); Luismi Sanchez (Izan Merino, 70. min), Manu Molina, Larrubia (Alex Pastor, 73. min), Dani Lorenzo (Aaron Ochoa, 90. min); eta Dioni (Castel, 70. min).
0 - Eibar: Fuzato; Corpas, Carrillo, Arbilla, Hodei Arrillaga (Cristian, 75. min), Alkain (Jorge Pascual, 46. min), Sergio Alvarez, Matheus (Nolaskoain, 80. min), Merquelanz (Antonio Puertas, 46. min), Mada (Toni Villa, 62. min); eta Bautista.
Gola: 1-0, 15. min: Larrubia.
Epailea: Manuel Angel Perez Hernandez. Txartel horia atera die Malagako Luismi Sanchezi (47. min) eta Eibarreko Corpasi (53. min), Cristiani (58. min) eta Toni Villari (84. min).
Zure interesekoa izan daiteke
Eibarrek puntu bat atera du Zaragozatik, partida kaskarra egin arren (1-1)
Armaginek etxetik kanpo garaipenik lortu gabe jarraitzen dute denboraldi honetan. Bi golak Yamiqek egin ditu, bat bere atean, eta horrez gain txartel gorria ere ikusi du partidaren amaieran.
Eibarrek laugarren porrota jarraian jaso du Granadaren aurka 0-2 galduta
Eibarrek 0-2 galdu du Granadaren aurka F Moeve ligako 19. jardunaldian. Jaitsierako postuak urrun badituzte ere, porrot hau ere zenbatuta, armaginek azken lau partidak galdu dituzte.
Eibarrek eta Udinesek Leo Butaren lagapenari amaiera ematea adostu dute
Ezker hegaleko portugaldarra 2025eko udaran ailegatu zen Eibarrera, eta 15 partida ofizial jokatu ditu talde armaginean.
Madariagaren golak eta Magunagoitiaren geldiketek Ipuruan elkarren segidako laugarren garaipena eman diote Eibarri Sportingen aurka (1-0)
Beñat San Joseren taldeak 48. minutuan sartu du gol erabakigarria. Bigarren zatian, Jon Mikel Magunagoitiak hainbat geldiketa bikain egin ditu, eta hori ezinbestekoa izan da talde armaginak hiru puntuak eskuratzeko.
Eibarrek galdu egin du Badalonaren aurka (2-1)
Eibarrek 2-1 galdu du Badalonaren aurka F Moeve Ligako 18. jardunaldian. Lehen zatian, euskal taldeak aurrea hartu du markagailuan, Laura Caminok sartutako golari esker (0-1); bigarrenean, ordea, Badalonak buelta eman dio partidari, 3 puntuak eskuratzeko.
Eibarrek eta Alena Peckovak jokalariaren kontratua eten dute
Txekiako erdilaria 2024ko uztailean iritsi zen talde armaginera, eta bertan urte eta erdi eman du.
Olaetxeak 93. minutuan sartutako golak merezitako garaipena eman dio Eibarri Almeriaren aurka (1-0)
Armaginek urrezko hiru puntu dituzte sailkapenaren beheko aldetik aldentzeko.
Arene Altonaga: "Gure aukerak eduki ditugu, ez ditugu sartu, eta horrek partida baldintzatu du"
Eibarrek 3-0 galdu du Zubietan jokatutako euskal derbian. Partidaren ostean, Altonagak burumakur esan du aukerak izan dituztela baina golak sartu ez izanak partida baldintzatu duela.
Arene Altonaga: "Derbi bat irabazteko gogoa dugu, baina Reala hirugarren postuan dago eta talde oso sendoa da"
Erdilari armaginak uste du Reala "indartsu" dagoela, nahiz eta Edna Imaderen falta nabaritu. "Trantsizioan" izango direla erantsi du, baina, hala ere, "jokalari oso onak dituzte, eta kontu handiz ibili beharko gara". Datorren igandeko derbia zuzenean jarraitu ahal izango da EITBn, 11:55etik aurrera.
Armaginek berdinketa erdietsi dute Granadan, baina gabezia asko erakutsi dituzte (0-0)
Ondorioz, Beñat San Joseren taldeak salbatzeko moduan jarraitzen du. Bi taldeek lehen zati aspergarria egin dute, abagune urrirekin. Bigarren zatian ez da norgehiagoka asko aldatu.