Eibarrek promozioan bilatuko du Lehen Mailarako igoera
Eibarrek Lehen Mailarako igoera promozioa jokatuko du, Real Oviedo Ipuruan 4-3 irabazita, igandean, 2023-24 denboraldiko Hypermotion Ligako berrogeita bigarren eta azken jardunaldian; Joseba Etxeberriaren gizonek, horrenbestez, txapelketako hirugarren postuan amaitu dute Liga. Leganesek Elx menderatu du, 2-0, eta bigarren tokia eskuratu dute; hortaz, Madrilgo taldea zuzenean igo da EA Sports Ligara, eta Eibarrek play-offean izango du helburua gauzatzeko aukera. Promozioan, Real Oviedo bera izango da Eibarren aurreneko aurkaria, eta kanporaketa Ipuruan erabakiko da; garaileak Espanyol edo Sporting Gijon izango du aurkari igoerarako finalean.
Eibar-Real Oviedo partidako laburpena (4-3)
Ligako fase erregularrari amaiera eman dion norgehiagoka ikusgarria izan da, eta argi gelditu da Eibar sendo iritsi dela promozioaren une erabakigarrira. Euskal taldeak igande honetan bertan igotzeko aukerak zituen; horretarako, behar zuen irabazi, eta, halaber, Leganesek galtzea. Hori bai, garrantzitsua zen, nolanahi ere, garaipena lortzea, horrek bermatzen baitzuen talde armagina hirugarren postuan sailkatuko zela, eta, hala, play-offeko kanporaketetan itzuliko partida etxean jokatuko zuela. Berdegunean, Real Oviedok jo du aurretik; Asturiaseko taldeak promozioan sartzeko txartela nahi zuen ziurtatu, eta, bosgarren minutuan, Borja Sanchezen bidez, 0-1koa jarri du.
Eibarrek ez du amore eman, baina, eta lehen zatian bertan irauli egin du markagailua. Ager Aketxek, penaltiz, 25. minutuan, banakoa egin du, eta Sergio Leonek, 39.ean, 2-1koa sartu du. Talde armagina aurretik zen, orduan.
Partidako azken txanpan emozio handia izan da. 81. minutuan, Borja Bastonek 2-2koa egin du, eta ia jarraian, 83.ean, Corpasek 3-2koa gauzatu du.
Etxeberriaren taldeak, 90. minutuan, Stoichkovek burututako jokaldi on batean, 4-2koa jarri du markagailuan. Luzapenean, 97.ean, Borja Bastonek gol ederra sartu du, 4-3koan; aurrelaria, Eibarreko jokalari ohia bera, bikain aritu da.
Eibarrek, horrenbestez, datorren asteburuan emango dio hasiera promozioari, larunbatean, hilaren 8an, 18:30ean, Carlos Tartiere futbol zelaian, Real Oviedoren aurka. Itzuliko partida ekainaren 12an jokatuko dute Ipuruan, eta kanporaketako irabazleak Espanyol edo Sporting Gijon gainditu beharko du, bi partidara orduan ere, Lehen Mailarako igoera erdiesteko.
Fitxa teknikoa
4 - Eibar: Luca, Corpas, Venancio (Rios Reina, 85. min), Berrocal, Cristian (Vencedor, 85. min) , Nolaskoain, Matheus, Aketxe (Sergio Alvarez, 75. min), Mario Soriano (Mada, 75. min), Stoichkov eta Sergio Leon (Correa, 69. min).
3 - Oviedo: Leo Roman, Viti, Luengo, Dani Calvo, Pomares (Bretones, 77. min), Seoane, Colombatto, Paulino (Sebas Moyano, 67. min), Masca (Dubasin, 46. min), Borja Sanchez (Baston, 67. min) eta Alemao (Millan, 86. min).
Epailea: Jose Luis Guzman, Andaluziako Batzordekoa bera. Corpas (Eibar) eta Paulino eta Seoane (Real Oviedo) zigortu ditu, txartel horia aterata.
Golak: 0-1, 5. min. Borja Sanchez. 1-1, 25. min. Aketxe, penaltiz. 2-1, 40. min. Sergio Leon. 2-2, 81. min. Borja Baston. 3- 2, 83. min. Corpas. 4-2, 90. min. Stoichkov. 4-3, 97. min. Borja Baston.
Gertakizunak: Giro bikaina, Ipuruan. Estadioa bete egin da, 7.588 zale izan dira.
Zure interesekoa izan daiteke
Eibarrek puntu bikaina eskuratu du Real Madrilen etxean (0-0)
Iñaki Goikoetxearen taldeak, horrenbestez, lau puntu daramatza, Moeve F Ligan bi partida jokatuta. Igandean, Alfredo Di Stefano futbol zelaian, Eibarrek ahalegin handia egin du, eta, sari bezala, berdinketa eskuratu dute armaginek.
Eibarrek bere bolada ona luzatu du Granadari aise irabazita Ipuruan (3-0)
Armaginek hirugarren garaipena jarraian lortu dute Hypermotion Ligan lau jardunaldi jokatu eta gero, sailkapeneko goiko aldean kokatzeko. Ivan Gil, Adu Ares eta Jon Guruzeta izan dira golegileak.
Elijah Giftek Eibarren jokatuko du, Athleticek utzita
Futbolari nafarrak 30 partida jokatu zituen iragan sasoian RFEFko lehen mailan eta sei Youth Leaguen, Bilbao Athleticekin.
Sufrituta irabazi dio Eibarrek Andorrari (0-1)
Jokin Aranbarriren taldeak Aleix Garridok bigarren zatiaren hasieran sartu duen gola baliatu du 3 puntuak eskuratzeko, baina etxeko taldearen setioari eutsi behar izan dio, epaileak Jon Magunazelaia kanporatu ostean armaginak jokalari bat gutxiagorekin geratu baitira.
Alimata Belemek eman dio garaipena Eibarri luzapenean (1-0)
Eibarrek denboraldiko lehen garaipena eskuratu du Espanyoli 1-0 irabazita, Ipuruan jokatu den F Ligako partidan. Alimata Belemek sartu du armaginen gola, korner batean.
Sergio Alvarezek eskuineko hankako giharretan haustura du
Klubak eman du lesioaren berri, eta jokalari armagina tratamendu espezifikoa jasotzen ari da dagoeneko.
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Eibarrek 1-3 galdu du Tenerife igo berriaren aurka
Armaginek Liga hasiera kaskarra izan dute Ipuruan, eta, Bautistaren golak markagailua berdindu duen arren, Kanarietako taldea nagusi izan da eta partida irabazi du.
Eric Perez, Eibarren lehen taldeko jokalaria
Aurrelaria 2001ean jaio zen Ermuan, eta kadete mailn iritsi zen talde armaginera. Eibarren bigarren taldearekin Bigarren RFEF mailara igo zen. Ondoren, harrobiko aurrelariak eskarmentua hartu du Alcorcon, Amorebieta eta Barakaldon utzita jokatuz.
Anaitz Arbilla: “Hasiera on bat izatea nik uste dut positiboa dela”
Eibar Teneriferen aurkako debuta prestatzen ari da. Talde armaginak igandean, 17:00etan, jokatuko du lehen partida. Anaitz Arbilla taldeko kapitainak hamaikagarren denboraldia hasiko du Eibarrekin. Ondo hastea garrantzitsua dela uste du.