Eibarrek 2-3 irabazi du Alcorazen, Huesca aurkari, eta puntu bakarrera du igoera zuzena
Eibarrek 2-3 menderatu du Huesca, Alcoraz futbol zelaian, igandean, 2023-24 denboraldiko Hypermotion Ligako 23. jardunaldian. Juan Berrocalek eta Mario Sorianok, lehen zatian, bi goleko abantaila eman diote talde armaginari, baina Huescak, atsedenaldiaren ostean, berdingu egin du; Stoichkovek, 71. minutuan, hirugarrena sartu du. Garaipenak sailkapeneko laugarren postuan utzi du Joseba Etxeberriaren taldea, 38 puntu dituela; Gipuzkoako taldeak, hala, puntu bakarrera du igoera zuzena.
Eibarrek lehen zati bikaina egin du; talde armaginak bi gol sartu ditu, eta, hori gutxi balitz bezala, gol gehiago ere sartzeko aukeraren bat sortu du. Laugarren minutuan, kontraeraso batean, Huescako Joaquin Luca Zidaneren aurrean geratu da, baina Eibarko atezainak geldiketa ona egin dio. Hortik aurrera, Joseba Etxeberriaren gizonek jokoa kontrolatu dute, eta arriskua sortu dute etxeko taldearen arean.
26. minutuan, Konrad de la Fuentek jokaldi ikusgarria sinatu du; izan ere, zelaia puntu batetik bestera zeharkatu du, eta Alvaro Fernandez atezainak saihestu du 0-1ekoa. 38. minutuan, baina, Aketxek ondo ateratako korner baten ondorioz, Juan Berrocalek, bigarren zutoinean, buruz errematatu eta abantaila eman dio Gipuzkoako taldeari.
Bost minuturen buruan, Mario Sorianok, area barrutik, Rios Reinak ezkerretik egindako jokaldi on bat baliatu du, 0-2koa sartzeko. Madrildarraren golak argi utzi du Joseba Etxeberriaren taldearen asmoa zela garaipena lortzeko aukerari ihes egiten ez uztea.
Bigarren zatiko lehen tartea, hala ere, ez da batere ona izan Eibarrentzat; izan ere, Huescak, Hugo Vallejoren eta Kento Hashimotoren bidez, markagailua berdindu du, hogei minututan. 1-2koa bigarren zatia hasi eta berehala iritsi da, Joaquinek ezkerretik ondo egindako jokaldi baten ondorioz; binakoa gol oso polita izan da, Kentok jaurtiketa bikaina egin baitu, areaz kanpotik.
Eibar, dena den, suspertu egin da, eta erantzunik onena eman du: 71. minutuan, Ager Aketxek pase sakon ona eman dio Stoichkovi, eta azken horrek 2-3koa sartu du, jaurtiketa indartsu bat botaz. Euskal taldearen hirugarren golak, hala, beste behin eman dio aurrea Etxeberriaren taldeari.
Luca Zidanek, 86. minutuan, meritu handiko geldiketa bikoitza egin du, eta Eibarren garaipena bermatu du. Armaginek, hala, hiru puntu eder poltsikoratu dituzte Alcorazen.
Fitxa teknikoa
2 - Huesca: Alvaro Fernandez; Nieto (Gerard Valentin, 46. min), Blasco (Kortajarena, 80. min) , Jorge Pulido, Loureiro, Vilarrasa; Sielva (Ayman, 88. min), Kento (Mier, 80. min); Lombardo (Obeng, 75. min), Hugo Valllejo eta Joaquin.
3 - Eibar: Luca; Tejero (Correa, 80. min), Berrocal, Arbilla, Rios Reina; Vencedor (Yriarte, 80. min), Matehus; Aketxe, Mario Soriano (Madariaga, 88. min), Konrad (De la Fuente, 65. min); eta Stoichkov (Qasmi, 88. min)
Golak: 0-1, 37. min, Berrocal; 0-2, 42. min, Mario; 1-2, 47. min, Hugo Vallejo; 2-2, 65. min, Hashimoto; 2-3, 71. min, Stoichkov.
Epailea: Ais Reig (Valentzia). Huescako Hugo Vallejo eta Eibarreko Stoichkov zigortu ditu, txartel horia ateraz.
Gertakizunak: 5.011 zale Alcoraz estadioan.
Zure interesekoa izan daiteke
Arene Altonaga: "Derbi bat irabazteko gogoa dugu, baina Reala hirugarren postuan dago eta talde oso sendoa da"
Erdilari armaginak uste du Reala "indartsu" dagoela, nahiz eta Edna Imaderen falta nabaritu. "Trantsizioan" izango direla erantsi du, baina, hala ere, "jokalari oso onak dituzte, eta kontu handiz ibili beharko gara". Datorren igandeko derbia zuzenean jarraitu ahal izango da EITBn, 11:55etik aurrera.
Armaginek berdinketa erdietsi dute Granadan, baina gabezia asko erakutsi dituzte (0-0)
Ondorioz, Beñat San Joseren taldeak salbatzeko moduan jarraitzen du. Bi taldeek lehen zati aspergarria egin dute, abagune urrirekin. Bigarren zatian ez da norgehiagoka asko aldatu.
Eibarrek galdu egin du Madril CFF taldearen aurka, bigarren zati txarraren erruz (1-3)
Carmen Alvarezek aurretik jarri ditu armaginak lehen zatian, baina bigarrenean Madrilgo taldeak hiru gol sartu ditu eta garaipena lortu du.
Eibarrek ezin izan du punturik eskuratu Burgosen aurka (1-0)
Partida parekatua izan den arren, Burgosek bigarren zatian sartutako gola erabakigarria izan da; armaginak, azken minutura arte saiatu diren arren, ez dute berdinketa lortu.
Eibarrek penaltiz irabazi dio Alhamari (0-1)
Eibarrek 0-1 irabazi dio Alhamari F Moeve Ligako 15. jardunaldian. Carmen Alvarezek sartu du partidako gol bakarra, penaltiz, eta armaginak sailkapeneko bederatzigarren postura igo dira.
Eibarrek 2028ra arte berritu du Ander Madariagaren kontratua
Berangoko erdilari gazteak (23 urte) armaginen lehen taldeko fitxa dauka denboraldi honen hasieratik.
Armaginen garaipena 2026a estreinatzeko (2-1)
Bart Ipuruan jokatutako partidan, armaginek markagailua irauli zuten Alvaro Rodriguezen eta Javi Martonen golei esker, eta garaipenak Eibarren joera ona sendotu du.
Eibarrek porrot egin du Madrilen, eta Erregina Kopatik kanpo geratu da (3-2)
Talde armaginak bi gol sartu ditu norgehiagokaren azken txanpan, baina ezin izan du emaitza irauli, eta agur esan dio Erregina Kopari.
Eibar garaipenaren bidera itzuli da Valladolid menderatuta (3-0)
Armaginak hasieratik bukaeraraino nagusitu dira, eta emaitza honekin amaiera eman diote bolada txarrari, bost jardunalditan garaipenik lortu gabe egon eta gero.
Eibarrek ezin izan du Elxen aurka (0-1), eta Errege Kopatik kanpo gelditu da
Adam Boayar Elxeko jokalariak egin du, 27. minutuan, final-hamaseirenetako kanporaketan erabakigarria izan den gola, Ipuruan. 71. minutuan, Dituro atezainak penalti bat gelditu dio Jose Corpasi.