Luzapenean jasotako golak punturik gabe utzi du Eibar, Vila-real B taldearen etxean (1-0)
Eibarrek galdu egin du Vila-real B taldearen etxean, 1-0, Foresek partidako 92. minutuan egindako golaren ondorioz, LaLiga Hypermotion txapelketako 18. jardunaldiko partidan. Gipuzkoarrek 10 jokalarirekin jokatu dute bigarren zati osoa, epaileak Berrocali txartel gorria zuzenean aterata.
Eibarrek baino erritmo biziagoarekin hasi du partida, eta berehala eman du lehen abisua Stoichkoven erremate bate bidez. Aurrelariaren erremateak sarearen alde batean jo du.
33. minutuan, baina, ez du Eibarko jokalariak hutsik egin eta baloia Vila-Realen atean sartu du, baina gola baliorik gabe utzi du epaileak VARean aztertu ostean jokoz kanpoko posizioan zegoela argudiatuta.
Atsedenaldiaren atarian, epaile errioxarrak Berrocal kanporatu du txartel gorria zuzenean aterata, eta neurketa goitik behera aldatu da armaginentzat.
Bigarren zatian, etxeko taldea jokalari bat gehiagorekin jokatzeari etekina ateratzeko asmo sendoarekin zelairatu da. Gola egitea, baina, asko kosta zaie. 92. minutuan iritsi da, gipuzkoarren arean izandako jokaldi nahasi batean ondorioz. Alex Fores izan da Luca Zidan atezaina gainditu duena.
Bautistak banakoa egiteko aukera aparta izan du neurketako azken jokaldian, baina bere errematea kanpora joan da oso gutxigatik.
Fitxa teknikoa
1 – Villa-real B: Iker Alvarez, Lanchi, Lekovic, Pablo Iñiguez (Abraham del Moral, 90. min), Tasende (Tiago Geralnik, 82. min), Carlo Adriano (Victor Moreno, 82. min), Gelardo, Carlos Romero, Ontiveros, Jorge Pascual (Ferrari, 66. min) eta Diego Collado (Alex Fores, 66. min).
0 – Eibar: Luca Zidane, Cristian Gutierrez (Rios Reina, 69. min), Arbilla, Berrocal, Corpas, Sergio, Matheus, Aketxe (Alvaro Tejero, 80. min), Mario Soriano (Venancio, 46. min), Bautista eta Stoichkov (Quique, 89. min).
Gola: 1-0, 92. min: Alex Fores.
Epailea: Sesma Espinosa (Errioxako batzordekoa); hegaletan Ortuño Sierra eta Bernal Martin izan ditu laguntzaile lanetan. Txartel gorri zuzena atera dio Eibarreko Berrocali 41. minutuan. Vila-real Bko Tasenderi txrtel horia atera dio.
Zure interesekoa izan daiteke
Arene Altonaga kapitainak Eibar utziko du zortzi urteko ibilbide luzearen eta bi igoeren ostean
Altonaga 2018an iritsi zen talde armaginera, 25 urterekin, eta historia egin du Eibar Lehen Mailara eramanez. Hurrengo denboraldian talde gipuzkoarra berriro jaitsi bazen ere, urtebete geroago berriz ere igo zen.
Eibarrek puntu bat lortu du Sevillaren aurkako partidan
Eibarrek hutsean berdindu du Sevillan, etxetik kanpo puntu bat eskuratuz. Azken jardunaldiaren faltan, armaginek hamahirugarren postuan jarraitzen dute. (Bideoa gazteleraz)
Sara Martinek Eibarrekin duen kontratua luzatu du, 2026-2027 denboraldirako
Aurrelaria 2025ean iritsi zen talde armaginera, Real Madriletik, eta, Eibarreko jokalari gisa eman duen lehen denboraldian, 1.600 minututik gora jokatu ditu.
Zer egin behar du Eibarrek igoerako play-offerako sailkatu ahal izateko?
Beñat San Joseren taldeak, 41. jardunaldian 2-0eko emaitzarekin Kordoba garaitu zuenak, EA Sports Ligara igoerako play-offa jokatzeko aukerak dituela du, baina ez dago soilik bere esku: SkyFi Castalian irabazi beharko du, eta Burgosek El Plantio zelaian Andorraren aurka punturik ez lortzea behar du.
Eibarrek garaipena lortu du Kordobaren aurka, eta dena azken jardunaldian erabakiko da (2-0)
Armaginek ez dute igoera euren esku bakarrik, aurretik dituztelako Castello eta Burgos, bi puntuko aldearekin.
Peru Nolaskoain: “Oso pozik nago, egon nahi dudan lekuan nago”
Peru Nolaskoain Eibarko jokalariak prentsaurrean hitz egin du. Aste honetan, lau denboraldirako luzatu du kontratua armaginekin, eta oso pozik dagoela esan du.
Adela Ricok kontratua berritu du Eibarrekin 2027ra arte
Extremadurako erdilaria joan den udan iritsi zen talde armaginera, Cacereñorekin F Ligara igotzeko zorian izan ondoren.
Peru Nolaskoainek Eibarren jarraituko du 2030era arte
Zumaiako jokalariak 120 partida jokatu ditu armaginen elastikoarekin, 10 gol sartuta.
Ezusteko porrota hartu du Eibarrek Leonen (2-1)
Armaginek bi gol jaso dituzte hiru minututan eta puntuek ihes egin diete maila ia galduta duen Cultural Leonesaren aurka. Corpasek aldea murriztu du, penaltiz, 86. minutuan.
Javi Martoni ebakuntza egin diote, eskuineko eskuko hirugarren metakarpo-hezurrean daukan haustura sendatzeko
Eibarreko aurrelari nafarrak igandean min hartu zuen, talde armaginak, Anduvan, Mirandesen aurka jokatu zuen partidan.