Eibarrek denboraldiko lehen garaipena bereganatu du, Elxi irabazita (2-1)
Eibarrek irabazi egin dio Elxi 2-1eko emaitzarekin, larunbat honetan, abuztuaren 19an, Ipuruan jokatutako Hypermotion Ligako 2. jardunaldiko partida. Ondorioz, armaginek denboraldiko lehen hiru puntuak bereganatu dituzte.
Azkar sartu du partidako lehen gola talde armaginak: 4. minutuan egin du 1-0ekoa Ager Aketxek, area kanpotik jaurti eta Elxeko atezaina gaindituta. Ikusgarria izan da gola.
Neurketako lehen golaren ostean, bi taldeek izan dituzte aurkariaren atea zulatzeko aukerak, baina bietako batek ere ez du lortu helburua. Ondorioz, Eibar gol bateko abantailarekin joan da atsedenaldira.
Bigarren zatia parekatua izan da, baita abagune gutxikoa ere. Hala ere, 62. minutuan epaileak Elxen aldeko penaltia adierazi du, Matheus Pereirak eskuarekin jo baitu baloia area barruan. Lucas Boyek 1-1ekoa jarri du markagailuan, penaltiz Luca Zidane atezaina gaindituta.
Aurkariaren gola jaso ostean, erasora jo du Eibarrek, eta talde armaginak saria jaso du 76. minutuan: Mario Sorianok gola sartu du (2-1), jaurtiketa gurutzatuarekin Edgar Badia atezaina gaindituta.
Bigarren gola sartzeak lasaitasuna eman dio Eibarri. Joseba Etxeberriak zuzendutako taldeak ondo eutsi dio Elxi azken txanpan. Valentziako Erkidegoko taldeak abagune ona izan du 94. minutuan, baina Nicolas Castroren errematea kanpora joan da.
Horrenbestez, Eibarrek garaipena bereganatu du (2-1), eta 2023-2024 denboraldiko bere lehen hiru puntuak poltsikoratu ditu.
Fitxa teknikoa:
2. Eibar: Luca, Tejero, Venancio, Berrocal, Cristian (Arbilla, 74. min), Sergio Álvarez, Matheus, Aketxe (Troncho, 74. min), Mario Soriano, Rahmani (Vencedor, 82. min) eta Quique (Bautista. 67. min).
1. Elx: Edgar Badia, Alex Martín, Bigas, Clerc, Salinas (Nico, 70. min), Morente (Josan Fernández, 70. min), Raúl Guti (Salvador, 80. min), Febas (Nico Castro, 80. min), Fidel (Oscar Plano, 87. min), Mourad eta Lucas Boye.
Golak: 1- 0, 5. min. Ager Aketxe; 1-1, 67. min. Lucas Boye, penaltiz; 2-1, 77. min, Mario Soriano.
Epailea: Oliber de la Fuente. TXartel horiak atera dizkie Pedro Bigas, Lucas Boye eta Jon Bautista jokalariei.
Zure interesekoa izan daiteke
Eibarrek garaipen epikoa lortu du gola luzapenean sartuta (2-1)
Javier Martonen eta Alvaro Rodriguezen golei esker, armaginek markagailua irauli dute Racing liderraren aurka.
Bartzelona gehiegi izan da Eibarrentzat (4-0)
Eibarrek 4-0 galdu du Bartzelona liderraren etxean F Moeve Ligako 20. jardunaldian. Lehen zatian 3-0 aurreratu dira etxekoak, eta bigarren zatiko aldaketek ez dute eraginik izan. Irene Paredesek 4-0ekoa sartu du.
Juan Bernat, SD Eibarren fitxaketa berria
Talde armaginak denboraldi bukaerara arte itxi du hegaleko valentziarraren kontratua. Ondoren, jarraitzeko aukera izango du.
Eibarrek puntu bat atera du Zaragozatik, partida kaskarra egin arren (1-1)
Armaginek etxetik kanpo garaipenik lortu gabe jarraitzen dute denboraldi honetan. Bi golak Yamiqek egin ditu, bat bere atean, eta horrez gain txartel gorria ere ikusi du partidaren amaieran.
Eibarrek laugarren porrota jarraian jaso du Granadaren aurka 0-2 galduta
Eibarrek 0-2 galdu du Granadaren aurka F Moeve ligako 19. jardunaldian. Jaitsierako postuak urrun badituzte ere, porrot hau ere zenbatuta, armaginek azken lau partidak galdu dituzte.
Eibarrek eta Udinesek Leo Butaren lagapenari amaiera ematea adostu dute
Ezker hegaleko portugaldarra 2025eko udaran ailegatu zen Eibarrera, eta 15 partida ofizial jokatu ditu talde armaginean.
Madariagaren golak eta Magunagoitiaren geldiketek Ipuruan elkarren segidako laugarren garaipena eman diote Eibarri Sportingen aurka (1-0)
Beñat San Joseren taldeak 48. minutuan sartu du gol erabakigarria. Bigarren zatian, Jon Mikel Magunagoitiak hainbat geldiketa bikain egin ditu, eta hori ezinbestekoa izan da talde armaginak hiru puntuak eskuratzeko.
Eibarrek galdu egin du Badalonaren aurka (2-1)
Eibarrek 2-1 galdu du Badalonaren aurka F Moeve Ligako 18. jardunaldian. Lehen zatian, euskal taldeak aurrea hartu du markagailuan, Laura Caminok sartutako golari esker (0-1); bigarrenean, ordea, Badalonak buelta eman dio partidari, 3 puntuak eskuratzeko.
Eibarrek eta Alena Peckovak jokalariaren kontratua eten dute
Txekiako erdilaria 2024ko uztailean iritsi zen talde armaginera, eta bertan urte eta erdi eman du.
Olaetxeak 93. minutuan sartutako golak merezitako garaipena eman dio Eibarri Almeriaren aurka (1-0)
Armaginek urrezko hiru puntu dituzte sailkapenaren beheko aldetik aldentzeko.