Sufrituta irabazi dio Eibarrek Andorrari (0-1)
Jokin Aranbarriren taldeak Aleix Garridok bigarren zatiaren hasieran sartu duen gola baliatu du 3 puntuak eskuratzeko, baina etxeko taldearen setioari eutsi behar izan dio, epaileak Jon Magunazelaia kanporatu ostean armaginak jokalari bat gutxiagorekin geratu baitira.
Eibar taldeko jokalariak, Aleix Garridok Andorraren aurka sartutako gola ospatzen. Argazkia: SD Eibar.
EIbar bolada onean dago. Talde armaginak denboraldiko bigarren garaipena eskuratu du hiru jardunalditan, Andorra etxetik kanpo 0-1 garaituta. Armaginen gola Aleix Garridok sartu du bigarren zatia hasi eta berehala. Jon Magunazelaiak, baina, txartel gorria ikusi du 56. minutuan, eta armaginek asko sufrituta eutsi diote emaitzari azken minutuetan.
Jokin Aranbarrik hiru aldaketa egin ditu iragan astean Valladolid Ipuruan menderatu zuen hamaikakoarekin alderatuta. Sergio Alvarez lesionatuta dago eta Ander Madariaga sartu da erdialdean haren ordez, Ivan Gil Pejiñoren ordez zelairatu du, eta Javier Marton jarri du puntan, Jon Bautistaren ordez.
Lehen zatian, bi taldeek aukerak izan dituzte, baina ezin izan dituzte gauzatu. Hala ere, Andorrak jaurtiketa gehiago egin ditu.
Eibarren gola bigarren zatia hasi eta berehala iritsi da. 47. minutuan, armaginek etxekoen presioa gainditu, eta erasora jo dute Aleix Garridok abiatutako jokaldi batean. Gola berak sartu du, Ivan Gilekin triangulazio ona egin ostean.
56. minutuan, Jon Magunazelaiak Randy Schneiderri sarrera gogorra egin dio, eta txartel gorria ikusi du. Epaileak oso gertutik ikusi du jokaldia.
Magunazelaiaren kanporaketaren ondorioz, Eibarrek atzera egin du eta Andorrak setiatu egin du armaginen atea. Jokin Aranbarriren mutilek ondo eutsi diote, baina susto bat baino gehiago hartuta; batez ere Sergio Molinak egin dituen bi jaurtiketetan eta Hugo Solozabalen hurbilketa batean.
Luzapenean, Efe Akman turkiarrak gola egin du, jaurtiketa bikain bati esker, baina epaileak ezerezean utzi du jokaldia, Andorrako jokalari bat jokoz kanpo zegoelako.
Zure interesekoa izan daiteke
Alimata Belemek eman dio garaipena Eibarri luzapenean (1-0)
Eibarrek denboraldiko lehen garaipena eskuratu du Espanyoli 1-0 irabazita, Ipuruan jokatu den F Ligako partidan. Alimata Belemek sartu du armaginen gola, korner batean.
Sergio Alvarezek eskuineko hankako giharretan haustura du
Klubak eman du lesioaren berri, eta jokalari armagina tratamendu espezifikoa jasotzen ari da dagoeneko.
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Eibarrek 1-3 galdu du Tenerife igo berriaren aurka
Armaginek Liga hasiera kaskarra izan dute Ipuruan, eta, Bautistaren golak markagailua berdindu duen arren, Kanarietako taldea nagusi izan da eta partida irabazi du.
Eric Perez, Eibarren lehen taldeko jokalaria
Aurrelaria 2001ean jaio zen Ermuan, eta kadete mailn iritsi zen talde armaginera. Eibarren bigarren taldearekin Bigarren RFEF mailara igo zen. Ondoren, harrobiko aurrelariak eskarmentua hartu du Alcorcon, Amorebieta eta Barakaldon utzita jokatuz.
Anaitz Arbilla: “Hasiera on bat izatea nik uste dut positiboa dela”
Eibar Teneriferen aurkako debuta prestatzen ari da. Talde armaginak igandean, 17:00etan, jokatuko du lehen partida. Anaitz Arbilla taldeko kapitainak hamaikagarren denboraldia hasiko du Eibarrekin. Ondo hastea garrantzitsua dela uste du.
Maria Carvajal, Eibarreko erdilari berria, Juventusek utzita
Corteganan (Huelva) jaio zen 2008an, eta 15 urterekin egin zuen debuta Lehen Mailan, Sporting Huelvarekin. Urtebeteko kontratua izango du talde armaginean.
Eibarrek Unai Elgezabal aurkeztu du: “Badakit hemengo jokalarien maila oso ona dela”
Erdiko atzelaria talde armaginera bueltatu da; azken bi denboraldiak Levanten eman ditu. Ipuruan izan da aurkezpena, ostegunean.
Eibarrek Unai Elgezabal fitxatu du, 2026-2027 denboraldirako
Erdiko atzelari bizkaitarra Levante taldetik iritsi da Eibarrera. Elgezabalek, 33 urtekoa bera, esperientzia du talde armaginean; izan ere, duela hamar urte ere aritu zen bertan. Gainera, Angel Tronchok ez du jarraituko Jokin Aranbarriren taldean.