Eibarrek 4-0 irabazi dio Granadari
Eibarrek hirugarren garaipena lortu du jarraian Ipuruan (4-0), eta 69. minutura arte eutsi dion Granadari gailendu zaio azken minutuetan.
Etxekoak lerroak nahiko aurreratuta hasi dira, eta lehen minutuetan, jokaldi azkarrak egiten saiatu dira Stoichkov golegilearen bila. Lehen aukera berarentzat izan da, baina defentsa andaluziarra azkar ibili da, eta etxekoen erasoa zapuztu du.
Granadak ondoen jokatzen ari zenean, korner jaurtiketa baten ondoren eta entseatutako jokaldi batean, 26. minutuan, Ager Aketxeren asistentzia ikusgarriak lehen gola ekarri dio Eibarri, baloia Matheusen oinetara neurtuta iritsi baia, eta honek egin duen jaurtiketa eskuadratik sartu da, gol ikusgarria eskuratuta.
Eibarrek nahi zuen tokian zuen partida, markagailua bere alde zuela lehen. Granadari korrontearen kontra arraun egitea tokatzen zitzaion, eta ez du gola sartzeko tarterik aurkitu.
Garitanok aldaketa egin du bigarren zatian, Jon Bautista sartu da Blanco Leschuken ordez. Granada indartsuago zelairatu da, bestela partidak ihes egin ziezaiokeela jakitun. Eibarrek bigarrena nahi izan du, eta Granadak ez du jakin aurkaria nola hozkatu.
Armaginak oso eroso zeuden egoerarekin, baina abantaila laburra zen. Partida ez zegoen erabakita, Granadak edozein jokaldi bakanetan berdintzeko aukera baitzuen. Aketxeren eta Tejeroren arteko jokaldi batean, madrildarrak maisuki jaurti du baloia zutoinera itsatsita bigarrena egiteko.
Granada nahastuta zegoen, eta hurrengo jokaldian, Stoichkovek baloia eskubiko zutoinera jaurti eta hirugarrena lortu du.
70. minutura arte ziurtatzerik izan ez zutena, bi minututan asmatu dute. Eibarren hiru gol, ederrak guztiak. Eibar gustura ari zen jokatzen. Granada erabat lur jota. Maldan behera zirela, Jon Bautistak laugarrena egin du 85. minutuan, area barruan egindako banakako jokaldi baten ondoren.
Fitxa teknikoa:
4 - Eibar: Yoel, Tejero, Berrocal, Arbilla (Chema, 87. min), Imanol, Matheus (Nolaskoain, 87. min), Corpas, Sergio Alvarez, Aketxe (Javi Muñoz, 72. min), Stoichkov (Quique Gonzalez, 72. min) eta Blanco Leschuk (Bautista, 46. min).
0 - Granada: Andre, Ricard, Miguel Rubio, Cabaco, Silva (Quini, 60. min), Bodiger, Petrovic, Antonio Puertas (Bryan Zaragoza, 72. min), Callejon, Uzuni (Alberto Perea, 72. min) eta Molina.
Epailea: Garcia Verdura. Eibarreko Blanco Leschuk eta Aketxe zigortu ditu. Kanpoko taldeko Uzuniri ere txartel horia erakutsi dio.
Golak: 1-0, 25. min: Matheus. 2-0, 69. min: Tejero. 3-0, 70. min: Stoichkov. 4-0, 85. min: Jon Bautista.
Zure interesekoa izan daiteke
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.
Juan Bernat Eibarreko jokalaria, orkatilako bihurdura batekin lesionatuta
Bernatek asteleheneko entrenamenduan jasan zuen bihurdura hau, eskuineko orkatilan.
Jon Guruzetak beste denboraldi batez luzatu du kontratua Eibarrekin
Luzapena dokumentu honetan jasotako klausuletako bat bete delako eman da.
Carmen Alvarezek 2028ra arte berritu du Eibarrekin
Aurrelaria bigarren aldia ari da betetzen Eibarren; 2021ean, Atletico Madrilek utzita ailegatu zen Ipuruara, eta 2024-2025 denboraldian itzuli zen talde armaginera.
Eibarrek seigarren partida irabazi du jarraian, Ipuruan, eta Garitano kolokan utzi du (3-1)
Corpas, Marton eta Adu Aresen golek garaipena eman diete armaginei Cadizen aurka. Gauzak horrela, gora begira jarraitzen dute.
Iñaki Goikoetxea, Eibarren entrenatzailea: "Momentu txarrean gaude, kosta egiten ari zaigu"
F Ligak etenaldia egingo du martxoaren erdialdera arte. Taldeek atseden hartzeaz gainera, dauzkaten indarguneak gogortu eta ahulguneak hobetzeko aprobetxatuko dituzte hurrengo egunak. Eibarren kasua da, Iñaki Goikoetxearen taldeak urrun antzean dauka jaitsiera, baina emaitza txarreko boladan dabil aspaldian.
Eibarrek porrota jaso du Deportivoren aurka eta etxetik kanpo irabazi gabe jarraitzen du
Talde armaginak gol bakarragatik galdu du Riazorren, eta bere zelaitik urrun oraindik partidarik irabazi ez duen bigarren mailako talde bakarra da.
Xeber Alkainek Eibar utzi du eta FK Karpaty Lviv talde ukrainarrarekin sinatu du
Futbolari gipuzkoarrak denboraldi eta erdi baino gehiagoz jokatu du Eibarren; 2024ko udan iritsi zen talde armaginera, Alavesetik, eta Eibarreko taldearekin 48 partida ofizial jokatu ditu.
Arene Altonaga: "Urteko azkeneko derbia da, eta motibazio handiarekin eta irabazteko gogoekin gaude"
F Moeve Ligako 21. jardunaldian, Eibarren eta Athleticen arteko derbia igande honetan jokatuko da, 12:00etan. EITBk ETB2n eta kirolakeitb.com bidez emango du partidaren berri. Eibar jaitsierarekiko daukan puntu tartea babesten saiatuko da.
Juan Bernat, SD Eibarreko jokalari berria: "Futbolaria naizela sentitu nahi dut berriro, eta Eibarrek aukera hori eman dit"
SD Eibarrek Juan Bernat aurkeztu du, eta pubalgiarako bigarren ebakuntza egin ostean libre ailegatu da. Atzelari valentziarrak zelaietara itzultzeko gogoa azpimarratu du, nahiz eta oraindik "aste eta erdi" behar duen.