Eibarrek bereganatu du Amorebietaren aurkako euskal derbia (1-0)
Eibarrek irabazi egin du Amorebietaren aurka (1-0) igande honetan Ipuruan jokatu duen SmartBank Ligako 31. jardunaldiko partida. Armaginak lidergoan daude 62 punturekin; Amorebieta, aldiz, azken-aurreko postuan dago 26 punturekin, salbazio postuan dagoen Sportingekiko 7 puntura, eta gero eta zailago du mailari eusteko helburua lortzea.
Partida hasi eta 8,6 segundo behar izan ditu Eibarrek gola sartzeko; Stoichkovek Bigarren Mailaren historiako gol azkarrena sartu du, talde armagina markagailuan aurretik jarrita.
Gola hartu arren, Amorebietak ez du amore eman eta Larrak 32. minutuan egin duen falta jaurtiketa Canterok desbideratu du, erantzun bikaina emanda. Eibarren erantzuna 37. minutuan iritsi da, baina Santamaria atezainak gola eragotzi du, atepean baloia harrapatuta. Neurketako 37. minutuan, epaileak baliogabetu egin du Obiren gola, aurrelariak pasea jaso aurretik taldekide bat jokoz kanpo egon delako.
Azken txanpan, zelaira sartu berria zen Rhamanik norgehiagoka erabakita uzteko abagunea izan du, baina kanpora joan zaio jaurtiketa. Luzapenean, 95. minutuan, gertu izan du gola Amorebietak; Unzuetak area barruan errematea egin, eta ez du aurkariaren ate aurrean asmatu.
Fitxa teknikoa:
1. Eibar: Cantero, Correa, Venancio, Chema Rodriguez, Toño García (Tejero, 76. min), Atienza, Exposito, Corpas (Quique, 84. min), Aketxe (Sielva, 62. min), Stoichkov (Rahmani, 84. min) eta Blanco Leschuk (LLorente, 62. min).
0. Amorebieta: Santamaria, Larra, Markel Lozano, Nolaskoain, Irazabal, Andoni Lopez, Javi Ros (Olaetxea, 57. min), San Jose, Iker Bilbao (Alvaro Peña, 73. min), Moreno (Etxaburu, 82. min) eta Obi (Unzueta, 73. min).
Epailea: Saul Ais Reig. Txartel horia atera dio Venancio Eibar taldeko jokalariari, 77. minutuan.
Zure interesekoa izan daiteke
Eibarrek ezin izan du Elxen aurka (0-1), eta Errege Kopatik kanpo gelditu da
Adam Boayar Elxeko jokalariak egin du, 27. minutuan, final hamaseirenetako kanporaketan erabakigarria izan den gola, Ipuruan. 71. minutuan, Dituro atezainak penalti bat gelditu dio Jose Corpasi.
Eibarrek Valladoliden aurkako partidarako sarrerak oparituko ditu jostailu berrien truke
Talde gipuzkoarrak kanpaina solidario bat martxan jarri du, Gurutze Gorrierekin elkarlanean, kanpainaren helburua, zailtasunak dituzten familiei, joku eta jostailu hezigarri, berri, “ez belikoak” eta “ez sexistak” ematea da.
Eibarrek merituzko puntua lortu du Atleticoren aurka (2-2)
Eibarrek bina berdindu du igande honetan Atletico Madrilen aurka F Moeve Ligako 14. jardunaldiko partida. Carla Andresek eta Emma Morenok aurretik jarri dituzte armaginak, Jensenen golari erantzunez, baina Boe Risak markagailua parekatu du, penaltiz.
Eibarrek puntu gazi-gozoa lortu du Kordoban (0-0)
Talde armaginak berdinketa lortu du Kordobaren aurka etxetik kanpo, baina bosgarren neurketa pilatu du garaipenik lortu gabe, eta, ondorioz, jaitsierako postuetan jarraitzen du.
Hirugarren porrota jarraian jaso du Eibarrek (1-2)
Bigarren zati osoan zehar Eibar partidaren agintea hartzen saiatu da markagailuari buelta emateko, baina ez da posible izan eta hirugarren porrota jarraian jaso du.
Altonagaren golak garaipena eman dio Eibarri Logroñon (0-1)
Eibarrek 0-1 gainditu du Logroño F Moeve Ligako 13. jardunaldian. Arene Altonagak sartu du armaginei garaipena eman dien gola.
Pontevedra-Eibar Errege Kopako norgehiagokaren laburpena (0-3)
Eibarrek partida serioa egin du Pontevedran eta Errege Kopako final-hamaseirenetarako sailkapena lortu du. Javi Martonek, Corpasek eta Magunazelaiak egin dituzte Beñat San Joseren taldearen golak.
Eibarrek partida serio eta eraginkorra egin du Pontevedran, Kopan sailkapena lortzeko (0-3)
Javi Martonek, Corpasek eta Magunazelaiak egin dituzte Beñat San Joseren taldearen golak. Galiziako futbol-zelaiaren baldintzetara egokitzen jakin dute armaginek.
Eibarrek jipoia jaso du Santanderren (4-0)
Armaginak ez dira Racingen maila berdintzeko gai izan, eta jaitsiera postuetan jarraitzen dute.
Eibarrek denboraldiko kontuak onartu ditu botoen % 88,2rekin
Batzarrean 899 akziodun izan dira, aurrez aurre edo telematikoki parte hartu dutenak. Horiek 16.463 akzio ordezkatu dituzte, hau da, % 35,6.