Eibar sailkapeneko azkena da Ipuruan Levanteren aurka galdu ostean (0-1)
De Frutosen gol batek garaipena eman dio Levanteri Ipuruan eta Eibar sailkapeneko azken postuan utzi du, egoera benetan zailean Lehenengo Mailan mantentzeko. Norgehiagoka albiste txar batekin hasi da, beroketan zehar, Marko Dmitrovic lesionatu egin baita eta Yoel atera da bere ordez.
Lehenengo zatian futbol eta aukera gutxi egon dira. Valentziarrek ez dute gauza handirik egin eta Eibarrek ez du arrisku handia sortu, Enrichen jaurtiketa bat izan ezik, baina Postigon jo du.
Atsedenaldira 0-0 joango zirela zirudienean, Clercek erdiraketa ona egin du defentsaren akats bat aprobetxatuz eta De Frutosek ederki errematatu du, Levante markagailuan aurreratuz.
Bigarren zatian, Eibarrek erasora jo du, baina ideia gutxirekin eta Pozoren bi jokaldi izan dira armaginen aukerarik onenak.
Amaieran, Kike Garciak gola sartzeko aukera izan du, baina kanpora jaurti du. Levantek erasotzera uko egin dio, gola nahikoa baitzen defentsa antolatu batekin eta ez zaio asko kostatu hiru puntuak eramatea eta Eibar sailkapenaren azken postuan hondoratuta uztea.
Fitxa teknikoa:
0 - Eibar: Yoel; Arbilla, Sergio Alvarez, Oliveira, Cote, Pozo, Diop (Kevin Rodriges, 61. min), Aleix Garcia (Atienza, 74. min), Inui (Quique Gonzalez, 74. min), Enrich (Pedro Leon, 85. min) eta Kike Garcia.
1 - Levante: Aitor Fernandez, Coke, Postigo, Duarte, Clerc, De Frutos (Vezo, 83. min), Radoja (Malsa, 17. min), Bardhi, Morales (Rochina, 67. min), Roger (Doukure, 67. min) eta Dani Gomez (Leon, 83. min).
Epailea: Xavier Estrada (Kataluniako Komitea). Diopek txartel horia ikusi du 13. minutuan eta hurrengo norgehiagoka galduko du; Clerc (16. min), Postigok (37. min), Aleix Garciak (59. min) eta Arbillak (64. min) txartel horia ikusi dute ere bai.
Gola: 0-1. 45+2. min. De Frutos.
Zure interesekoa izan daiteke
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.
Juan Bernat Eibarreko jokalaria, orkatilako bihurdura batekin lesionatuta
Bernatek asteleheneko entrenamenduan jasan zuen bihurdura hau, eskuineko orkatilan.
Jon Guruzetak beste denboraldi batez luzatu du kontratua Eibarrekin
Luzapena dokumentu honetan jasotako klausuletako bat bete delako eman da.
Carmen Alvarezek 2028ra arte berritu du Eibarrekin
Aurrelaria bigarren aldia ari da betetzen Eibarren; 2021ean, Atletico Madrilek utzita ailegatu zen Ipuruara, eta 2024-2025 denboraldian itzuli zen talde armaginera.
Eibarrek seigarren partida irabazi du jarraian, Ipuruan, eta Garitano kolokan utzi du (3-1)
Corpas, Marton eta Adu Aresen golek garaipena eman diete armaginei Cadizen aurka. Gauzak horrela, gora begira jarraitzen dute.
Iñaki Goikoetxea, Eibarren entrenatzailea: "Momentu txarrean gaude, kosta egiten ari zaigu"
F Ligak etenaldia egingo du martxoaren erdialdera arte. Taldeek atseden hartzeaz gainera, dauzkaten indarguneak gogortu eta ahulguneak hobetzeko aprobetxatuko dituzte hurrengo egunak. Eibarren kasua da, Iñaki Goikoetxearen taldeak urrun antzean dauka jaitsiera, baina emaitza txarreko boladan dabil aspaldian.
Eibarrek porrota jaso du Deportivoren aurka eta etxetik kanpo irabazi gabe jarraitzen du
Talde armaginak gol bakarragatik galdu du Riazorren, eta bere zelaitik urrun oraindik partidarik irabazi ez duen bigarren mailako talde bakarra da.
Xeber Alkainek Eibar utzi du eta FK Karpaty Lviv talde ukrainarrarekin sinatu du
Futbolari gipuzkoarrak denboraldi eta erdi baino gehiagoz jokatu du Eibarren; 2024ko udan iritsi zen talde armaginera, Alavesetik, eta Eibarreko taldearekin 48 partida ofizial jokatu ditu.
Arene Altonaga: "Urteko azkeneko derbia da, eta motibazio handiarekin eta irabazteko gogoekin gaude"
F Moeve Ligako 21. jardunaldian, Eibarren eta Athleticen arteko derbia igande honetan jokatuko da, 12:00etan. EITBk ETB2n eta kirolakeitb.com bidez emango du partidaren berri. Eibar jaitsierarekiko daukan puntu tartea babesten saiatuko da.
Juan Bernat, SD Eibarreko jokalari berria: "Futbolaria naizela sentitu nahi dut berriro, eta Eibarrek aukera hori eman dit"
SD Eibarrek Juan Bernat aurkeztu du, eta pubalgiarako bigarren ebakuntza egin ostean libre ailegatu da. Atzelari valentziarrak zelaietara itzultzeko gogoa azpimarratu du, nahiz eta oraindik "aste eta erdi" behar duen.