Markagailua irauli eta erakustaldia eman du Eibarrek Ligako lehen garaipenean (3-2)
Eibarrek denboraldiko aurreneko garaipena eskuratu du, markagailua guztiz irauli eta luzaroan gogoratuko den bigarren zatia eginez. Izan ere, Sevilla jaun eta jabe izan da Ipuruan jokatutako partidaren lehen zatian, eta armaginak ez dira fin aritu. Atsedenaldiaren ostean, ordea, Mendilibarren taldeak jokoa irauli du, eta neurketa ikusgarria eskaini du, Lopetegiren taldea jota utzirik (3-2).
Partidaren hasiera, ordea, ez da bereziki ikusgarria izan, aurkariaren presioa dela eta, talde biek hainbat oztopo izan baitituzte jokoa eskaini ahal izateko.
Ocamposen eskutik iritsi da aurreneko gola, 10. minutuan, Ramisen akatsa dela medio. Ondoren, armaginen hutsuneez baliatuz, Oliver Torresek Sevillaren bigarren gola egin du atsedenaldiaren aurretik, eta talde andaluziarraren aldea handitu du.
Bigarren zatian, berriz, armaginek aprobetxatu dituzte aurkarien hutsegiteak, eta Orellanak penaltiz aldea murriztu ondoren, Pedro Leonen gola iritsi da. Etxekoek berdinketa lortu dute horrela.
Hala ere, Eibarrek denbora zuen hiru puntuak lortzen ahalegintzeko, puntu bakarrarekin konformatu beharrean, eta erakustaldi ederra eman du partida bukatu arte. Ondorioz, 81. minutuan, Cotek garaipenaren gola egin du, seigarren jardunaldiko hiru puntuak Ipuruko zaleei eskaintzeko.
Fitxa teknikoa:
Eibar: Dmitrovic; Arbilla, Oliveira, Ramis (De Blasis, 46.min), Cote; Inui, Diop, Edu Exposito, Pedro Leon (Sergio Alvarez, 87.min); Orellana, Quique Gonzalez.
Sevilla: Vaklik; Jesus Navas, Diego Carlos, Carriço (Kunde, 60. min), Escudero; Jordan (Gudelj, 68. min), Fernando, Banega, Ocampos, Munir, Oliver Torres (Pozo, 77. min).
Golak: 0-1, 10. min, Ocampos. 0-2, 32. min, Oliver Torres. 1-2, 65. min, Orellana (p). 2-2, 76. min, Pedro Leon. 3-2, 81. min, Cote.
Epailea: Gonzalez Fuertes.
Zure interesekoa izan daiteke
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.
Juan Bernat Eibarreko jokalaria, orkatilako bihurdura batekin lesionatuta
Bernatek asteleheneko entrenamenduan jasan zuen bihurdura hau, eskuineko orkatilan.
Jon Guruzetak beste denboraldi batez luzatu du kontratua Eibarrekin
Luzapena dokumentu honetan jasotako klausuletako bat bete delako eman da.
Carmen Alvarezek 2028ra arte berritu du Eibarrekin
Aurrelaria bigarren aldia ari da betetzen Eibarren; 2021ean, Atletico Madrilek utzita ailegatu zen Ipuruara, eta 2024-2025 denboraldian itzuli zen talde armaginera.
Eibarrek seigarren partida irabazi du jarraian, Ipuruan, eta Garitano kolokan utzi du (3-1)
Corpas, Marton eta Adu Aresen golek garaipena eman diete armaginei Cadizen aurka. Gauzak horrela, gora begira jarraitzen dute.
Iñaki Goikoetxea, Eibarren entrenatzailea: "Momentu txarrean gaude, kosta egiten ari zaigu"
F Ligak etenaldia egingo du martxoaren erdialdera arte. Taldeek atseden hartzeaz gainera, dauzkaten indarguneak gogortu eta ahulguneak hobetzeko aprobetxatuko dituzte hurrengo egunak. Eibarren kasua da, Iñaki Goikoetxearen taldeak urrun antzean dauka jaitsiera, baina emaitza txarreko boladan dabil aspaldian.
Eibarrek porrota jaso du Deportivoren aurka eta etxetik kanpo irabazi gabe jarraitzen du
Talde armaginak gol bakarragatik galdu du Riazorren, eta bere zelaitik urrun oraindik partidarik irabazi ez duen bigarren mailako talde bakarra da.
Xeber Alkainek Eibar utzi du eta FK Karpaty Lviv talde ukrainarrarekin sinatu du
Futbolari gipuzkoarrak denboraldi eta erdi baino gehiagoz jokatu du Eibarren; 2024ko udan iritsi zen talde armaginera, Alavesetik, eta Eibarreko taldearekin 48 partida ofizial jokatu ditu.
Arene Altonaga: "Urteko azkeneko derbia da, eta motibazio handiarekin eta irabazteko gogoekin gaude"
F Moeve Ligako 21. jardunaldian, Eibarren eta Athleticen arteko derbia igande honetan jokatuko da, 12:00etan. EITBk ETB2n eta kirolakeitb.com bidez emango du partidaren berri. Eibar jaitsierarekiko daukan puntu tartea babesten saiatuko da.
Juan Bernat, SD Eibarreko jokalari berria: "Futbolaria naizela sentitu nahi dut berriro, eta Eibarrek aukera hori eman dit"
SD Eibarrek Juan Bernat aurkeztu du, eta pubalgiarako bigarren ebakuntza egin ostean libre ailegatu da. Atzelari valentziarrak zelaietara itzultzeko gogoa azpimarratu du, nahiz eta oraindik "aste eta erdi" behar duen.