Eibarrek berdindu egin du Levanteren aurka
Eibarrek berdindu egin du Levanteren aurka (0-0) Ciutat de Valencian jokatu duen Ligako bosgarren jardunaldiko neurketa. Talde armaginak denboraldiko bigarren puntua urratu du, baina garaipenik lortu gabe jarraitzen du bost jardunaldiren ostean.
Bi taldeek erasokor eta erritmo biziarekin ekin diote norgehiagokari. Ondorioz, talde bakoitzak aukera bana izan du lehen hamar minutuetan: Eibarrek eman du lehen abisua bosgarren minutuan, baina Aitor Fernandez atezainak eragotzi du gola, eta, bi minutu beranduago Levanteren abagunea iritsi da Campañak area barrutik gora bota duen jaurtiketarekin. Lehen ordu laurdena pasata Levante izan da nagusi, eta Dmitrovic atezainak eragotzi du talde valentziarraren gola, Mayorali buruz burukoa irabazita. Eibarrek izan dituen momentu txarrenetan, Diopek area kanpotik egin duen jaurtiketa batek lanak eman dizkio Aitor Fernandezi, baina atezainak ondo desbideratu du senegaldarraren saiakera. Atsedenaldira iritsi orduko, Moralesek kanpora bidali du errematea Dmitrovic Eibarko atezainaren aurrean bakarrik geratu ostean.
Bigarren zatiari erasokorrago eta baloiaren jabetza izanda ekin dio Eibarrek, eta lehen abagunea 48. minutuan izan du, gutxigatik kanpora joan den Arbillaren erremate baten bitartez. Levanteren erantzuna 56. minutuan etorri da Moralesen jaurtiketa batekin, baina Dmitrovic atezainak desbideratzea lortu du. Ordutik azken txanpara arte bi taldeetako batek ere ez du gol aukera argirik sortu. Partidako azken hasperenean, Eibarrek baloia berreskuratu du zelai erdian, Inui area barruan sartu da, baina Aitor Fernandez atezainak belaunarekin desbideratu du japoniarraren jaurtiketa, armaginen gola eragotziz.
Fitxa teknikoa:
0 - Levante: Aitor, Miramon, Vezo, Cabaco, Clerc, Rochina, Campaña, Melero (Radoja, 70. min), Morales (Hernani, 83. min), Roger (Sergio Leon, 61. min) eta Mayoral.
0 - Eibar: Dmitrovic, Tejero, Arbilla, Ramis (Paulo Oliveira, 64. min), Cote, Diop, Edu Exposito, Pedro Leon (Escalante, 70. min), Orellana (Charles, 86. min), Inui eta Quique.
Epailea: Alberola Rojas. Txartel horiak atera dizkie Pedro Leon eta Dmitrovic Eibarko jokalariei.
Zure interesekoa izan daiteke
Emma Moreno Eibarrera itzuli da, Atletico Madrilek utzita
Madrildarra joan den udan iritsi zen lehen aldiz talde armaginera, 19 urtez azpiko Europako txapeldun izan ondoren. Guztira, 29 partidatan parte hartu zuen iragan denboraldian, eta 1.500 minututik gora jokatu zituen.
Eibarrek iragarri du Javi Martinezek ez duela klubean jarraituko
Soriako jokalaria 2025eko neguko merkatuan iritsi zen Ipuruara, Osasunatik, eta Eibarren ibili den urte eta erdian 14 partida jokatu ditu, eta gol bat sartu. Eldensen ariko da aurrerantzean.
Marianna Seidl estatubatuarra, Eibarren hamargarren aurpegi berria
Ezker hegalekoa Brisbane Roar taldetik heldu da, Australiatik.
Eibarrek Lucas Nuñez fitxatu du
20 urteko erdilaria Valentziatik dator, utzita.
Eibar atezainik gabe, Luis Lopezek atzamar bat hautsi eta Jonmi Magunagoitiak gainkarga baitu
Larunbat honetan Eibarrek bere lehen lagunartekoa jokatuko du Alavesen aurka eta zaila izango da bietako bat prest egotea. Ondorioz, armaginek harrobiko atezainen bat zelairatu beharko dute.
Eibarrek denboraldiaurreko lehen entrenamendua egin du, Areition
Talde armaginak ilusio handiz ekin dio denboraldiari. Iñaki Goikoetxeak, asteazken honetan, 22 jokalari izan ditu bere esanetara.
Simona Boterok Eibarren jokatuko du, 2027ra arte
Erdiko atzelari kolonbiarra talde armaginaren bederatzigarren fitxaketa da, eta Espanyoletik dator.
Eibarrek Samara Ortiz fitxatu du
Talde armaginak jakinarazi duenez, 2027ra arte fitxatu du futbolari madrildarra.
Nerea Sanchez, Eibarko jokalari berria
Talde armaginak 2028ra arteko kontratua sinatu du erdilariarekin.
Eibarrek Pejiño eta Imanol García de Albeniz aurkeztu ditu
Eibarrek Pejiño eta Imanol Garcia de Albeniz fitxaketa berriak aurkeztu ditu. Gallartakoak ondo ezagutzen du Eibar, utzita aritu baitzen eta berriro dator atzeko lerroa indartzera. Pejiñok, aldiz, metro batzuk aurrerago, erasoan jokatzen du, eta azken metroetan jokalari erabakigarria izateko fitxatu du Eibarrek.